Skip to main content

கவரிங் நகைகளை வைத்து ரூ. 1 கோடி மோசடி செய்த வங்கி அதிகாரி...!

Published on 17/01/2020 | Edited on 17/01/2020

கிராம மக்களின் அவசர தேவைகளை பூர்த்தி செய்வதற்க்காவும் அரசாங்கத்தின் திட்டங்களை நடைமுறை படுத்துவதற்காகவும் ஏற்படுத்தப்பட்ட கூட்டுறவு வங்கியில் கோடிக்கணக்கில் வங்கியின் அதிகாரியே மோசடி செய்துள்ளது அதிர்ச்சியை ஏற்படுத்தியுள்ளது. 

 

Trichy Bank fraud issue

 



திருச்சி மாவட்டம் லால்குடியை அடுத்த தச்சன்குறிச்சி தொடக்க வேளாண்மை கூட்டுறவு வங்கி தச்சன்குறிச்சி, புதூர் உத்தமனூர், ரெட்டிமாங்குடி ஆகிய கிராமங்களுக்கு சேவை வங்கியாக செயல்பட்டு வருகிறது.

கடந்த 10 ஆண்டுகளுக்கு மேலாக தச்சன்குறிச்சி கிராமத்தை சேர்ந்த ராஜேந்திரன் மகன் ராஜேஸ்கண்ணன் (32) என்பவர் கூட்டுறவு வங்கி அதிகாரியாக வேலை பார்த்து வந்துள்ளார். கடந்த மாதம் ராஜேஸ்கண்ணனுக்கு உடல் நிலை சரியில்லாத காரணத்தால் மருத்துவமனையில் அனுமதிக்கப்பட்டார்.

இந்நிலையில் அதே கூட்டுறவு வங்கியில் ரேசன் கடையில் விற்பனையாளராக பணியாற்றி வந்த மூத்த அலுவலர் பாலகிருஷ்ணன் (58) பொறுப்பு அலுவலராக நியமிக்கபட்டுள்ளார். இந்நிலையில் பயிர்கடன், நகைகடன் மற்றும் இ-சேவை மையங்களின் பொறுப்புகளை பாலகிருஷ்ணன் கண்காணிப்பில் கூட்டுறவு வங்கி செயல்படுத்தப்பட்டு வந்துள்ளது. இதனை அடுத்து கடந்த 6ம் தேதி குல்முகமது என்ற அலுவலரை லால்குடி வட்டார கூட்டுறவு துணை கண்காணிப்பாளர் நியமனம் செய்யப்பட்டார். 

 

Trichy Bank fraud issue

 



இந்நிலையில் தச்சன்குறிச்சியை சேர்ந்த முத்துராணி, "தான் 7 பவுன் நகையை விவசாய கடனில் அடமானம் வைத்துள்ளேன். ஆனால் தனக்கு கடன் கொடுத்த ரசீதில் நகைக்கு உள்ள தொகையை விட கூடுதல் தொகைக்கு அடமானம் எழுதப்பட்டுள்ளது. தலைவர், துணைதலைவர் உள்ளிட்ட பொறுப்புகளில் உள்ளவர்கள் தலையீடு இல்லாமல் இவ்வளவு தொகை முறைகேடு நடந்துள்ளது" என்று கேள்வி எழுப்பினார். மேலும் முறையாக வங்கியின் கணக்குகளை ஆய்வு செய்து நடவடிக்கை எடுக்க கேட்டுக்கொண்டார்.

மேலும் பாக்கியராஜ், ஜெயா, சிவக்குமார், உள்ளிட்ட 36க்கும் மேற்பட்ட பெயர்களில் போலியாக ஆவணங்கள் தயார் செய்யப்பட்டு நகைகளை அடமானத்தில் எடுக்காமலேயே கவரிங் நகைகளை வைத்து ரூ.60 லட்சத்து 60 ஆயிரத்து 300 கொள்ளையடிக்கப்பட்டதை புதிதாக நியமனம் செய்த குல்முகமது கண்டுபிடித்தார்.

இது மொத்தம் 1 கோடிக்கு மேல் இந்த மோசடி கொள்ளை நடந்திருக்கிறது என்கிறார்கள். இதுகுறித்து கூட்டுறவு வங்கியின் தலைமை அதிகாரிகளுக்கு தகவல் கொடுக்கவே விசாரணை நடத்தியதில் ராஜேஸ்கண்ணன் மற்றும் வங்கியில் வேலை செய்து வரும் பணியாளர்கள் போலியாக ஆவணங்கள் தயார் செய்து முறைகேட்டில் ஈடுபட்டு உள்ளது கண்டுபிடிக்கப்பட்டது.

இதனை தொடர்ந்து வாடிக்கையாளர்கள் தாங்கள் அடமானம் வைத்த நகை வங்கியில் உள்ளதா என தெரிந்து கொள்வதற்காக வங்கியை முற்றுகையிட்டனர். மேலும் வங்கியில் ரெட்டிமாங்குடி கிராமத்தைச் சேர்ந்த புஷ்பராஜ், பெருமாள், ராமர் உள்ளிட்ட 6 க்கும் மேற்பட்டோர் பயிர்கடன் பெற விண்ணப்பித்ததில் அவர்களுக்கு உரம் மட்டும் வழங்கப்பட்டுள்ளது. ஆனால் பயிர்கடன் வழங்காத நிலையில் பயிர்கடன் கேட்டு வங்கியை முற்றுகையிட்டனர்.

மேலும் அதிகாரிகள் சோதனை மற்றும் பொதுமக்களின் முற்றுகையை அடுத்து வங்கிக்கு வந்த சிறுகனூர் காவல்நிலைய போலீசார் பொதுமக்களை கலைந்து செல்லும்படி கேட்டுக்கொண்டனர். மேலும் அதுகுறித்து கூட்டுறவு வங்கி அதிகாரிகள் கொடுத்த புகாரை அடுத்து சிறுகனூர் போலீசார் வழக்கு பதிவு செய்துள்ளனர். மேலும் வங்கியில் போலி ஆவணங்ககள் தயார் செய்து பல லட்சம் மதிப்பீட்டில் முறைகேட்டில் ஈடுபட்ட ரஜேஸ்கண்ணன் தலைமறைவானதால் அவரை போலீசார் தேடி வருகின்றனர்.

சார்ந்த செய்திகள்

Next Story

கேளிக்கை விடுதி விபத்து; மெட்ரோ ரயில் நிர்வாகம் விளக்கம்!

Published on 28/03/2024 | Edited on 28/03/2024
Metro Rail Admin Explanation on Alwarpet hotel incident

சென்னை ஆழ்வார்பேட்டையில் தனியாருக்குச் சொந்தமான கேளிக்கை விடுதி ஒன்று செயல்பட்டு வருகிறது. இந்த விடுதியின் முதல் தளத்தின் மேற்கூரை திடீரெனெ யாரும் எதிர்பாராத விதமாக இடிந்து விழுந்துள்ளது. அப்போது அங்கு இருந்த 3 பேர் உயிரிழந்தனர். திண்டுக்கல்லைச் சேர்ந்த சைக்ளோன் ராஜ் (வயது 45). மணிப்பூரைச் சேர்ந்த மேக்ஸ் (வயது 21) மற்றும் லாலி (வயது 22) ஆகியோர் உயிரிழந்ததாக போலீஸ் தரப்பில் இருந்து தகவல் தெரிவிக்கப்பட்டுள்ளது. மேலும் உயிரிழந்த 3 பேரின் உடல்களும் மீட்கப்பட்டு பிரேத பரிசோதனைகளுக்காக அரசு மருத்துவமனைக்கு கொண்டு செல்லப்பட்டுளளன.

இந்த கட்டட விபத்து குறித்து தகவல் அறிந்து சம்பவ இடத்திற்கு விரைந்து வந்த 20 பேர் கொண்ட தேசிய பேரிடர் மீட்பு படையினர் மீட்புப்பணியில் ஈடுபட்டுள்ளனர். இதுகுறித்து அபிராமபுரம் காவல்துறையினர் வழக்குப்பதிவு செய்து விசாரணை நடத்தி வருகின்றனர். மெட்ரோ பணியின்போது ஏற்பட்ட அதிர்வின் காரணமாகக் இந்த கேளிக்கை விடுதியின் மேற்கூரை இடிந்து விழுந்ததாக முதற்கட்ட விசாரணையில் தகவல் வெளியாகி இருந்தது.

இது விபத்து குறித்து சென்னை மாநகர கூடுதல் காவல் ஆணையர் பிரேமானந்த் சின்ஹா செய்தியாளர்களை சந்தித்தார். அப்போது அவர் பேசுகையில், “விபத்து நடந்தபோது உள்ளே இருந்தவர்களிடம் விபத்து குறித்து விசாரணை நடத்திய போது, விபத்து நடந்த இடத்தின் உள்ளே 3 பேர் மாட்டிக்கொண்டுள்ளதாக தகவல் வந்தது. விடுதியின் முதல் தளத்தின் கான்கிரீட் மேற்கூரை இடிந்து விழுந்துள்ளது. இந்த விபத்தில் சிக்கியவர்களை மீட்கும் பணி நடைபெற்று வருகிறது” எனத் தெரிவித்தார். தனியார் கேளிக்கை விடுதியின் மேற்கூரை இடிந்து விழுந்த விபத்தில் 3 பேர் உயிரிழந்துள்ள சம்பவம் மக்கள் மத்தியில் சோகத்தையும் அதிர்ச்சியையும் ஏற்படுத்தியுள்ளது.

Metro Rail Admin Explanation on Alwarpet hotel incident

இந்நிலையில் இந்த விபத்து குறித்து சென்னை மெட்ரோ ரயில் நிறுவனம் விளக்கமளித்துள்ளது. இது குறித்து எக்ஸ் சமூக வலைத்தளத்தில் வெளியிட்டுள்ள பதிவில், “சென்னை ஆழ்வார்பேட்டையில் உள்ள தனியாருக்கு சொந்தமான பொழுதுபோக்கு கிளப்பில் உள்ள மெஸ்ஸானைன் தளம் இடிந்து விழுந்த சம்பவம் தொடர்பாக விளக்கமிக்க வேண்டிய தேவை உள்ளது. இந்த துரதிர்ஷ்டவசமான சம்பவம் தற்போது நடந்து கொண்டிருக்கும் மெட்ரோ ரயில் பணிகளால் அல்ல என்பதை  சென்னை மெட்ரோ ரயில் நிறுவனம் (CMRL) தெளிவுபடுத்த விரும்புகிறது.

ஏனெனில் மெட்ரோ ரயில் பணியானது, விபத்து நிகழ்ந்த கட்டிடத்திலிருந்து கிட்டத்தட்ட 240 அடி தொலைவில் உள்ளது. மேலும் விபத்து நிகழ்ந்த கட்டடத்தில் அதிர்வுகள் எதுவும் காணப்படவில்லை. சென்னை மெட்ரோ ரயில் நிறுவன அதிகாரிகள் சம்பவ இடத்தில் விசாரணை மேற்கொண்டு வருகின்றனர். மீட்புப் பணிகளில் தமிழ்நாடு தீயணைப்பு மற்றும் மீட்புப் பணி அதிகாரிகளுக்கு உதவி செய்ய உள்ளதாகவும் சென்னை மெட்ரோ ரயில் நிறுவனம் தெரிவிக்க விரும்புகிறது” எனத் தெரிவிக்கப்பட்டுள்ளது.

Next Story

கேளிக்கை விடுதியின் மேற்கூரை இடிந்து விபத்து; 3 பேர் உயிரிழந்த சோகம்!

Published on 28/03/2024 | Edited on 28/03/2024
Chennai Alwarpet hotel top roof incident

சென்னை ஆழ்வார்பேட்டையில் தனியாருக்குச் சொந்தமான கேளிக்கை விடுதி ஒன்று செயல்பட்டு வருகிறது. இந்த விடுதியின் முதல் தளத்தின் மேற்கூரை திடீரெனெ யாரும் எதிர்பாராத விதமாக இடிந்து விழுந்துள்ளது. அப்போது அங்கு இருந்த 3 பேர் உயிரிழந்தனர். திண்டுக்கல்லைச் சேர்ந்த சைக்ளோன் ராஜ் (வயது 45). மணிப்பூரைச் சேர்ந்த மேக்ஸ் (வயது 21) மற்றும் லாலி (வயது 22) ஆகியோர் உயிரிழந்ததாக போலீஸ் தரப்பில் இருந்து தகவல் தெரிவிக்கப்பட்டுள்ளது. மேலும் உயிரிழந்த 3 பேரின் உடல்களும் மீட்கப்பட்டு பிரேத பரிசோதனைகளுக்காக அரசு மருத்துவமனைக்கு கொண்டு செல்லப்பட்டுளளன.

இந்த கட்டட விபத்து குறித்து தகவல் அறிந்து சம்பவ இடத்திற்கு விரைந்து வந்த 20 பேர் கொண்ட தேசிய பேரிடர் மீட்பு படையினர் மீட்புப்பணியில் ஈடுபட்டுள்ளனர். இதுகுறித்து அபிராமபுரம் காவல்துறையினர் வழக்குப்பதிவு செய்து விசாரணை நடத்தி வருகின்றனர். மெட்ரோ பணியின்போது ஏற்பட்ட அதிர்வின் காரணமாகக் இந்த கேளிக்கை விடுதியின் மேற்கூரை இடிந்து விழுந்ததாக முதற்கட்ட விசாரணையில் தகவல் வெளியாகியுள்ளதாகவும் கூறப்படுகிறது.

இது விபத்து குறித்து காவல் துறை உயர் அதிகாரி ஒருவர் செய்தியாளர்களை சந்தித்தார். அப்போது அவர் பேசுகையில், “விபத்து நடந்தபோது உள்ளே இருந்தவர்களிடம் விபத்து குறித்து விசாரணை நடத்திய போது, விபத்து நடந்த இடத்தின் உள்ளே 3 பேர் மாட்டிக்கொண்டுள்ளதாக தகவல் வந்தது. விடுதியின் முதல் தளத்தின் கான்கிரீட் மேற்கூரை இடிந்து விழுந்துள்ளது. இந்த விபத்தில் சிக்கியவர்களை மீட்கும் பணி நடைபெற்று வருகிறது” எனத் தெரிவித்தார். தனியார் கேளிக்கை விடுதியின் மேற்கூரை இடிந்து விழுந்த விபத்தில் 3 பேர் உயிரிழந்துள்ள சம்பவம் மக்கள் மத்தியில் சோகத்தையும் அதிர்ச்சியையும் ஏற்படுத்தியுள்ளது.