Skip to main content

போக்குவரத்து அலுவலர்கள் தீவிர வாகன தணிக்கை; ரூ.12 லட்சம் அபராதம் வசூல்!

Published on 16/09/2018 | Edited on 16/09/2018
police

 

தமிழகம் முழுவதும், போக்குவரத்துத்துறை அதிகாரிகள் கடந்த நான்கு நாள்களாக முக்கிய சுங்கச்சாவடிகளில் தீவிர வாகன  தணிக்கையில் ஈடுபட்டுள்¢ளனர்.


தமிழகத்தில் முன்னெப்போதும் இல்லாத வகையில், போக்குவரத்துத்துறை அதிகாரிகள் தீவிர வாகனத் தணிக்கை நடத்த  உத்தரவிடப்பட்டு உள்ளனர். தொடர் விடுமுறை என்பதால், சாலை விபத்துகளை கட்டுப்படுத்தும் நோக்கில் தீவிர வாகனத்  தணிக்கைக்கு உத்தரவிடப்பட்டு உள்ளதாக தகவல்கள் கூறப்படுகின்றன.


அதன்படி செப். 12ம் தேதி மாலை 6 மணி முதல் நாளை (17ம் தேதி) காலை 6 மணி வரை 24 மணி நேர வாகனத் தணி க்கை நடந்து வருகிறது. இதையடுத்து, சேலம் சரக துணை போக்குவரத்து ஆணையர் சத்தியநாராயணன் மேற்பார்வையில்  வட்டார போக்குவரத்து அலுவலர்கள், வாகன ஆய்வாளர்கள் சேலம் மாவட்டம் மேட்டுப்பட்டி, தொப்பூர் ஆகிய சுங்கச்ச £வடிகளில் 24 மணி நேரம் வாகனச் சோதனையில் ஈடுபட்டு வருகின்றனர். 

 

police


இதற்கென வட்டார போக்குவரத்து அலுவலர்கள் தலைமையில் தனிப்படையும் அமைக்கப்பட்டு உள்ளது. சிறப்பு வாகனத்  தணிக்கையில் இதுவரை 2262 வாகனங்கள் சோதனை செய்யப்பட்டு உள்ளன. அவற்றில், 644 வாகனங்களுக்கு சோதனை  அறிக்கை வழங்கப்பட்டு உள்ளது.


குறிப்பாக சேலம், தர்மபுரி மாவட்டங்கள் வழியாக இயக்கப்படும் அனைத்து ஆம்னி பேருந்துகளும் சோதனை செய்யப்பட்டன.  அவற்றில் 482 ஆம்னி பேருந்துகள் பயணிகள் சாராத சரக்குகளை ஏற்றிச்சென்றது தெரிய வந்தது. மேலும், கண்கூசும்  முகப்பு விளக்குகளை பயன்படுத்தியது, அவசர வழி கதவு செயல்படாதது, காற்று ஒலிப்பான் பயன்படுத்தியது, சாலைவரி  செலுத்தாமல் இயக்கியது, முறையான ஆவணங்கள் இல்லாதது உள்ளிட்ட குறைபாடுகளுக்கு சோதனை அறிக்கை  வழங்கப்பட்டது.


மேலும் அதிக பாரம் ஏற்றியது, வரி செலுத்தாமல் இயக்கியது மற்றும் பல்வேறு குறைபாடுகளுடன் இயக்கப்பட்ட 162 சரக்கு  மற்றும் இதர வாகனங்களுக்கும் சோதனை அறிக்கை அளிக்கப்பட்டது.


இந்த சிறப்பு வாகனத் தணிக்கையின் மூலம் 644 சோதனை அறிக்கை வழங்கப்பட்டு உள்ளதோடு, ரூ.12 லட்சத்து 41600  அபராதமும் (இணக்கக் கட்டணம்) வசூலிக்கப்பட்டது. சாலை வரியாக ரூ.89775 வசூலிக்கப்பட்டது. மேலும், ரூ.3 லட்சத்து  26200 அபராதம் விதிக்கப்பட்டு உள்ளது. வரி செலுத்தாமல் இயக்கப்பட்ட புதுச்சேரி ஆம்னி பேருந்து ஒன்று சிறைபிடிக்கப்பட்டது.

சார்ந்த செய்திகள்

 

Next Story

சிறுமிகளை திருமணம் செய்த வாலிபர்கள் போக்சோவில் கைது

Published on 23/06/2024 | Edited on 23/06/2024
nn

கோபிசெட்டிபாளையம் அருகே சிறுமிகளை திருமணம் செய்து கர்ப்பிணிகளாக்கிய வாலிபர்கள் போக்சோ சட்டத்தின் கீழ் வழக்கு பதிவு செய்யப்பட்டுள்ளது.

ஈரோடு மாவட்டம் கோபிசெட்டிபாளையம் அருகே கல்லாங்குளம் காலனி நல்லாம்பட்டி பகுதியைச் சேர்ந்த கார்த்திகேயன் என்பவர் சிறுமியை ஒருவரை திருமணம் செய்து குடும்பம் நடத்துவதாக கோபிசெட்டிபாளையம் ஊராட்சி ஒன்றிய அலுவலகத்தில் சமூக நலத்துறை ஊர் நல அலுவலராக பணிபுரியும் கிருஷ்ணவேணி என்பவர் புகார் கொடுத்தார். அந்த புகாரின் பேரில் கோபிசெட்டிபாளையம் அனைத்து மகளிர் போலீசார் வழக்குப்பதிவு செய்து விசாரணை நடத்தியதில் கார்த்திகேயன் சிறுமியை திருமணம் செய்து குடும்பம் நடத்துவது உறுதி செய்யப்பட்டது. மேலும் அந்த சிறுமி தற்போது மூன்று மாத கர்ப்பமாக இருப்பதும் தெரிய வந்தது.

இதனையடுத்து கோபிசெட்டிபாளையம் அனைத்து மகளிர் போலீசார் கார்த்திகேயன் மீது போக்சோ சட்டத்தின் கீழ் வழக்கு பதிவு செய்து விசாரணை நடத்தி வருகின்றனர்.இதேபோல் கோபியை சேர்ந்த ஆசிப் (28) என்பவரும் சிறுமியை திருமணம் செய்து கொண்டு குடும்பம் நடத்துவதாக சமூக நலத்துறை ஊர்நல அலுவலர் கிருஷ்ணவேணி கோபிசெட்டிபாளையம் அனைத்து மகளிர் போலீஸ் நிலையத்தில் புகார் அளித்தார். அதன் அடிப்படையில் போலீசார் விசாரணை நடத்தியதில் ஆசிப் சிறுமியை திருமணம் செய்தது உறுதி செய்யப்பட்டது. தற்போது அந்த சிறுமி 3 மாத கர்ப்பிணியாக இருப்பதும் தெரிய வந்தது. இதனை அடுத்து கோபிசெட்டிபாளையம் அனைத்து மகளிர் போலீசார் ஆசிப் மீது போக்சோ சட்டத்தின் கீழ் வழக்கு பதிவு செய்து விசாரணை நடத்தி வருகின்றனர்.

Next Story

'பேக்கரியில் 305 கிலோ குட்கா' -போலீசார் அதிரடி நடவடிக்கை

Published on 23/06/2024 | Edited on 23/06/2024
 '305 kg gutka in the bakery' - police action

அரசால் தடை செய்யப்பட்ட புகையிலை பொருட்கள் விற்பனையை தடுக்க மாவட்ட போலீசார் தீவிர நடவடிக்கை மேற்கொண்டு வருகின்றனர். அதனடிப்படையில் ஈரோடு மாவட்ட போலீஸ் சூப்பிரண்டு ஜாவகர் உத்தரவின் பேரில் போலீசார் மாவட்டம் முழுவதும் தீவிர கண்காணிப்பில் ஈடுபட்டு வருகின்றனர்.

இதைப்போல் கடைகளிலும் திடீர் சோதனை மேற்கொண்டு வருகின்றனர். சமீப காலமாக ஈரோடு மாநகராட்சி பகுதியில் குட்கா, புகையிலை பொருட்கள் விற்பனை அதிக அளவில் நடைபெற்று வருகிறது. இதைத் தடுக்க போலீசார் தீவிர சோதனை ஈடுபட்டு வருகின்றனர். இந்நிலையில் ஈரோடு சத்தி ரோட்டில், சி.என்.சி. கல்லூரி எதிரில் ஈரோடு வீரப்பன்சத்திரம் போலீசார்  கண்காணிப்பில் ஈடுபட்டிருந்தனர். அப்போது, அங்குள்ள பேக்கரி ஒன்றில் அரசால் தடை செய்யப்பட்ட புகையிலை பொருள்களான பான்மசாலா, குட்கா, புகையிலை  ஆகியவை விற்பனைக்கு வைத்திருப்பது தெரியவந்தது. இதையடுத்து, போலீசார் அங்கு மேற்கொண்ட சோதனையில் ரூ. 3 லட்சத்து 3 ஆயிரத்து 480 மதிப்பிலான பான் மசாலா, குட்கா உள்ளிட்ட தடை செய்யப்பட்ட புகையிலை பொருட்களை போலீசார் பறிமுதல் செய்தனர். மொத்தம் 305 கிலோ புகையிலை - குட்கா பொருட்களை பறிமுதல் செய்தனர். இதுகுறித்து, பவானி மெயின் ரோடு, அசோகபுரம், லட்சுமி நகரைச் சேர்ந்த பாலச்சந்தர் (37) மீது வழக்குப்பதிவு செய்து அவரை கைது செய்தனர்.