Skip to main content

நடிகர், நடிகைகள் புகைப்படங்களுடன் முக கவசம்... விற்பனை படு ஜோர்...

Published on 14/05/2020 | Edited on 14/05/2020
 mask



திருப்பூரில் புகைப்படங்களுடன் தயாரிக்கப்படும் முக கவசங்களுக்கு அநியாய வரவேற்பு பெற்றுள்ளது. 


கரோனா தொற்றிலிருந்து காத்துக்கொள்ள முக கவசங்கள் அணிய வேண்டும் என உலகமே எச்சரித்து மக்களுக்கு கவசத்தின் அவசியத்தை உணர்த்தி கொண்டிருக்கிறது. இந்த நிலையில் முக கவசங்கள் தயாரிக்கும் கம்பெனிகள் 24 மணி நேரமும் அதனை தயாரிக்கும் பணியில் ஈடுபட்டுள்ளன. மெடிக்கல் கடைகளில் மட்டுமே கிடைத்து வந்த முக கவசங்கள் தற்போது பெட்டிக்கடை முதல் அனைத்து கடைகளிலும் விற்பனைக்கு வைக்கப்பட்டுள்ளன. 

போட்டி கடுமையாக இருப்பதால் திருப்பூரில் தற்போது திரைப்பட நடிகர்கள், நடிகைகளின் படங்களோடு முக கவசங்கள் தயாரிக்கப்பட்டு விற்பனை செய்யப்படுகின்றன. இதற்கு பெரிய வரவேற்பும் ஏற்பட்டுள்ளது. 

 

 


கெடக்கறது கெடக்கட்டும்...  கெழவிய தூக்கி மனையில வை... என்கிற பழமொழிக்கு ஏற்றார் போல... புகைப்படங்களை முகக் கவசத்தில் அச்சிட்டு விற்பனை செய்கிறார்கள். இது மக்களிடையே பெரும் வரவேற்பை பெற்றுள்ளதாக கொண்டாடுகிறார்கள் வியாபாரிகள்.
 

 

ஆனால் இது ஆபத்தானது. இதனால் சுவாசத்தில் பிரச்சனை ஏற்பட வாய்ப்புள்ளது, அதுமட்டுமில்லாமல் சாலையில் எதிரெதிராக செல்பவர்களின் கவனம் சிதறும், விபத்துகள் நேரிடும். எனவே இந்த முக கவசங்களை தடை செய்ய வேண்டும் என்று சமூக ஆர்வலர்கள் எதிர்ப்பு தெரிவித்திருக்கின்றனர்.
 

சார்ந்த செய்திகள்

 

Next Story

ரயில் பயணிகளுக்கு மிரட்டல்; மேலும் 2 பேர் கைது!

Published on 27/05/2024 | Edited on 27/05/2024
chennai central to alappuzha expresstrain incident 

சென்னை சென்டரல் ரயில் நிலையத்தில் இருந்து கேரள மாநிலம் ஆலப்புழாவிற்கு கடந்த 25 ஆம் தேதி இரவு விரைவு ரயில் ஒன்று சென்று கொண்டிருந்தது. இந்த ரயில் ஈரோடு ரயில் நிலையத்தை அடைந்ததும் மதுபோதையில் இருந்த சில இளைஞர்கள் முன்பதிவு பெட்டியில் ஏறியுள்ளனர். இந்த இளைஞர் ரயிலில் புகைப் பிடித்தபடியும், சத்தமாகப் பாட்டு படியபடியும் பயணிகளுக்கு இடையூறு ஏற்படுத்தியுள்ளனர்.

இதனால் அதிருப்தி அடைந்த ரயில் பயணிகள் சம்பந்தப்பட்ட இளைஞர்களிடம் இது தொடர்பாக தட்டிக்கேட்டுள்ளனர். அதற்கு அந்த இளைஞர்கள் பதிலுக்குப் பயணிகளிடம் வாக்குவாதத்தில் ஈடுபட்டு பயணிகளுக்குக் கொலை மிரட்டல் விடுத்தனர். மேலும் பெண் பயணி ஒருவரிடம் தரக்குறைவாகப் பேசியுள்ளனர். இதனையடுத்து திருப்பூர் ரயில் நிலையத்தில் இறங்கிச் சென்று விட்டனர். இது தொடர்பான வீடியோ காட்சிகள் வெளியாகி பயணிகள் மத்தியில் அதிர்ச்சியை ஏற்படுத்தி இருந்தது.

இதனையடுத்து பெண் பயணியைத் தரக்குறைவாகப் பேசி, இளைஞர்கள் தாக்கிய வீடியோ வெளியானதை அடுத்து போலீசார் இது தொடர்பாக 17 வயது சிறுவன் மற்றும் அசோக் குமார் (வயது 20) என்ற இருவரைக் கைது செய்திருந்தனர். மேலும் இந்த வழக்கில் தொடர்புடைய 2 பேரை போலீசார் தீவிரமாகத் தேடி வந்தனர். இந்நிலையில் இந்த வழக்கில் தொடர்புடைய சுடலைராஜ் மற்றும் கரண் என மேலும் 2 பேர் கைது கைது செய்யப்பட்டுள்ளனர். இதன் மூலம் இந்த வழக்கில் தொடர்புடையவர்கள் 4 பேர் இதுவரை கைது செய்யப்பட்டுள்ளது குறிப்பிடத்தக்கது. 

Next Story

சிறுமிகள் கூட்டுப் பாலியல் வன்கொடுமை; மேலும் ஒருவர் கைது! 

Published on 16/05/2024 | Edited on 16/05/2024
Tirupur Dt Udumalaipet nearest girls issue

திருப்பூர் மாவட்டம் உடுமலைப் பேட்டை அருகே உள்ள ஒரு கிராமத்தில் 17 வயது சிறுமி ஒருவர் தனது தாத்தா மற்றும் பாட்டியுடன் வசித்து வந்துள்ளார். இத்தகைய சூழலில்தான் சிறுமியின் உடல் நிலையில் மாற்றம் எற்பட்டுள்ளது. இதனையடுத்து சிறுமியை அருகில் உள்ள மருத்துவமனைக்கு அழைத்துச் சென்று பரிசோதனை மேற்கொள்ளப்பட்டது. அப்போது சிறுமி 4 மாதம் கருவுற்று இருப்பது தெரியவந்தது. இது குறித்து தகவல் அறிந்த சிறுமியின் உறவினர்கள் சிறுமிடம் விசாரித்துள்ளனர். அப்போது 3 சிறுவர்கள் உட்பட 9 பேர் தன்னை கூட்டு பாலியல் வன்கொடுமை செய்ததாக பகீர் தகவலை தெரிவித்தார்.

இதனைக் கேட்டு அதிர்ச்சியடைந்த சிறுமியின் உறவினர்கள் இந்தச் சம்பவம் குறித்து உடுமலைப்பேட்டை அனைத்து மகளிர் காவல் நிலையத்தில் புகார் அளித்தனர். இந்தப் புகாரின் பேரில் போலீசார் வழக்குப்பதிவு செய்து தீவிர விசாரணை மேற்கொண்டனர். அதன் பின்னர் இந்தச் சம்பவத்தில் தொடர்புடைய 3 சிறுவர்கள் உட்பட ஜெய காளீஸ்வரன் (வயது 19), மதன்குமார் (வயது 19), பரணி குமார் (வயது 21), பிரகாஷ் (வயது 24), நந்தகோபால் (வயது 19) மற்றும் பவா பாரதி (வயது 22) என 9 பேர் போக்சோ சட்டத்தின் கீழ் கைது செய்யப்பட்டனர். 

Tirupur Dt Udumalaipet nearest girls issue

அதில் 6 பேர் சிறையில் அடைக்கப்பட்டனர். 3 சிறுவர்கள் கூர்நோக்கு இல்லத்தில் சேர்க்கப்பட்டனர். கூர்நோக்கு இல்லத்தில் அடைக்கப்பட்ட 3 சிறுவர்களின் வயதுகள் முறையே 14, 15 மற்றும் 16 ஆகும். இந்தக் கொடூர சம்பவம் மக்கள் மத்தியில் அதிர்ச்சியை ஏற்படுத்தி இருந்தது. மேலும் வன்கொடுமை தடுப்புச் சட்டத்தின் கீழும் வழக்குப்பதிவு செய்யப்பட்டது. இந்தப் பாலியல் வன்கொடுமை சம்பவம் கடந்த ஜனவரி மாதம் முதல் நடந்து வந்துள்ளதாகவும் கூறப்படுகிறது. இதனையடுத்து 17 வயது சிறுமி கூட்டுப் பாலியல் வன்கொடுமைக்கு உள்ளாக்கிய சிறுவர்கள் உள்ளிட்ட கைது செய்யப்பட்ட நபர்கள் மேலும் ஒரு சிறுமியை பாலியல் வன்கொடுமைக்கு உள்ளாக்கியது தெரியவந்தது. இந்தச் சம்பவம் குறித்து பாதிக்கப்பட்ட சிறுமியிடம் விசாரிக்கப்பட்டதில் 13 வயதுடைய மற்றொரு சிறுமியும் பாலியல் வன்கொடுமைக்கு உள்ளாக்கப்பட்டிருந்தது தெரியவந்தது.

இந்நிலையில் இந்த வழக்கில் இந்தக் கொடூர சம்பவம் நிகழ்ந்ததாக கூறப்படும் தனியார் விடுதியின் மேலாளர் சாமூவேல் என்பவர் கைது செய்யப்பட்டுள்ளதாக தகவல் வெளியாகியுள்ளது. இதன் மூலம் இந்த வழக்கில் இதுவரை 10 பேர் கைது செய்யப்பட்டுள்ளனர். இதற்கிடையே சிறுமியைக் கூட்டு பாலியல் வன்கொடுமை செய்த வழக்கில் கைதான சிறுவன் ஒருவன் கோவை சிறுவர்கள் கூர்நோக்கு இல்லத்தில் சோப் ஆயில் குடித்து தற்கொலைக்கு முயன்றது குறிப்பிடத்தக்கது.