சாலை தடுப்பில் மோதிய டிப்பர் லாரி; வெளியான பகீர் காட்சிகள்

ஓசூர் தேசிய நெடுஞ்சாலையில் டிப்பர் லாரி ஒன்று அதிவேகமாக சாலையின் தடுப்பின் மீது மோதி விபத்துக்குள்ளான சிசிடிவி காட்சி வெளியாகியுள்ளது.

ஓசூர் தர்கா பகுதிதேசிய நெடுஞ்சாலையில் வந்து கொண்டிருந்த டிப்பர் லாரியானது திடீரென ஓட்டுநரின் கட்டுப்பாட்டை இழந்து சாலையில் இருந்ததடுப்பின் மீது மோதி விபத்துக்குள்ளானது. இதில் முன்னே சென்று கொண்டிருந்த இருசக்கர வாகனம் மற்றும் கார் ஆகியவை மீது லாரி மோதி சுமார் 50 மீட்டர் தூரத்திற்கு சென்டர் மீடியம் தடுப்பு இடிந்தது. இந்த விபத்து காட்சிகள் முன்னே சென்று கொண்டிருந்த மினி பேருந்திலிருந்த சிசிடிவி கேமராவில் பதிவாகியுள்ளது. தற்பொழுது அந்த காட்சிகள் வைரலாகி வருகிறது. டிப்பர் லாரி ஓட்டுநர் தசரதன் மற்றும் இருசக்கர வாகனத்தில் பயணித்தகலையரசன், வீரப்பூசய்யா ஆகியோர் ஓசூர் அரசு மருத்துவமனையில் அனுமதிக்கப்பட்டுள்ளனர்.