Skip to main content

கரோனா பாதிப்புகளுக்கு நடுவே தியானம் செய்ய வந்த வெளிநாட்டு தம்பதிகள்! காவல்துறை என்ன செய்தது தெரியுமா?

Published on 19/04/2020 | Edited on 20/04/2020


மனித உயிர்களுக்குச் சவாலாக உள்ள கரோனா வைரஸ் நாளுக்கு நாள் தனது கோரப்பசியை நடத்தி வருகிறது. இந்தியாவில் மே 3-ம் தேதி வரை ஊரடங்கு உத்தரவு அமல்படுத்தப்பட்டுள்ளது. இதற்கிடையில் ஆன்மிக நகரமான திருவண்ணாமலையில் வெளிநாட்டவர்களின் நடமாட்டத்தைக் கண்டறிந்து அவர்களைத் திருவண்ணாமலையிலிருந்து அனுப்பி வைக்கும் நடவடிக்கையை ஊரடங்கு தொடங்கிய ஆரம்பத்திலேயே தொடங்கினார் மாவட்ட காவல்துறை கண்காணிப்பாளர் சிபி சக்கரவர்த்தி. தொடர்ந்து திருவண்ணாமலையில் சுற்றுலாப் பயணிகளை வெளிநாட்டவர் அல்லது வெளி மாவட்ட பக்தர்கள் இல்லாமல் அனைவரையும் நகரத்திலிருந்து காவல்துறையினர் வெளியேற்றினர்.

 

 

 

  Thiruvannamalai incident - corona virus - Foreign couples



இந்த நிலையில் நேற்று மாலை திருவண்ணாமலை மலை உச்சியில் சிலர் நடமாட்டம் இருப்பதாக காவல்துறைக்கு தெரியவர அதன்பேரில் ட்ரோன் கேமரா மூலம் கண்காணித்தனர். அப்போது இருவர் மலையில் இருப்பது தெரியவந்தது. அதனைத்தொடர்ந்து மாவட்ட எஸ்.பி. சிபி சக்கரவர்த்தி தலைமையில் காவல்துறையினர் மலைமீது ஏறினார்கள். பிறகு அங்கு இரண்டு பேர் இருப்பதை அறிந்து அவர்களிடம் விசாரணை செய்தார்கள். அவர்கள் இருவரும் ரஷ்ய நாட்டைச் சேர்ந்த தம்பதியினர் எனத் தெரியவந்தது.

இருவரும் தியானம் செய்வதற்காக மலைமீது வந்ததாகக் கூறினார்கள். அவர்களிடம் காவல்துறையினர் இப்போது ஊரடங்கு அமலில் உள்ளது மேலும் கரோனா வைரஸ் பரவலாக இருப்பதால் தியானம் செய்ய மட்டுமல்ல, பல காரியங்களுக்குத் தடை விதிக்கப்பட்டுள்ளதால், நீங்கள் வெளியேறுங்கள் என அவர்களை மலையிலிருந்து கீழே இறங்கி கொண்டு வந்து அவர்களுக்கு உணவு கொடுத்து பிறகு தூதரக அதிகாரிகளுக்கு தகவல் கொடுத்தனர். அதன் பிறகு அவர்கள் திருவண்ணாமலையிலிருந்து அனுப்பப்படுகிறார்கள். எந்த நேரமும் கரோனா வைரஸ் பற்றி பீதியில் உறைந்து கிடக்கும் நேரத்தில் வெளிநாட்டு தம்பதிக்கு தியானம் இந்த நிலையிலும் தேவைப்பட்டிருக்கிறது. இதுவும் ஒரு வித்தியாசமானதுதான்.


 


 

சார்ந்த செய்திகள்

Next Story

எல்.முருகன் மீது வழக்குப் பதிவு

Published on 29/03/2024 | Edited on 29/03/2024
Case registered against L. Murugan

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

அரசியல் கட்சிகள் தீவிரமான தேர்தல் பரப்புரையில் இறங்கிய நிலையில், மறுபுறம் தேர்தல் பறக்கும் படையினர் பல்வேறு இடங்களில் அதிரடி சோதனைகளில் இறங்கியுள்ளனர். இந்நிலையில், தேர்தல் நடத்தை வழிமுறைகளை மீறியதாக நீலகிரி பாஜக வேட்பாளர் எல்.முருகன் மீது வழக்குப் பதிவு செய்யப்பட்டுள்ளது.

கடந்த 25 ஆம் தேதி வேட்புமனு தாக்கல் செய்ய வந்த மத்திய இணை அமைச்சரும் நீலகிரி நாடாளுமன்றத் தொகுதி பாஜக வேட்பாளருமான எல்.முருகன் பல்வேறு கோவிலுக்கு சென்று வழிபாடு நடத்தியதுடன் உதகை அருகே உள்ள கிராமம் ஒன்றுக்குச் சென்று எந்த அனுமதியும் பெறாமல் 100க்கும் மேற்பட்டோர் ஆலோசனையில் ஈடுபட்டதாக கூறப்பட்டது. இதுகுறித்து தேர்தல் பறக்கும் படையின் தலைவராக உள்ள துணை வட்டாட்சியர் தனலட்சுமி தேனாடுகம்பை காவல் நிலையத்தில் புகார் அளித்திருந்தார். இந்த புகாரின் அடிப்படையில் தேர்தல் நடத்தைகளை மீறியதாக எல்.முருகன் மீது போலீசார் வழக்குப் பதிவு செய்யப்பட்டுள்ளது.

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.