Skip to main content

என்னை இந்தக் கழிசடையில் தள்ளி விட்டார்களே... வேதனையைக் கொட்டும் தேசப்பிதா.

Published on 13/02/2020 | Edited on 13/02/2020

தேசப் பிதா மகாத்மா காந்தி என்று பாசத்தோடு அழைக்கும் என் நாட்டு மக்களே, ஆச்சர்யப்பட வேண்டாம். சாட்சாத் நான் மகாத்மா காந்தி தான் பேசுகிறேன். நான் கொல்லப்பட்டு 72 வருடம் கழித்து என் குரல் கேட்கிறதே என்று தானே அதிசயப்படுகிறீர்கள். வேற வழி தெரியல. என்னைச் சுற்றி நடப்பவைகளை என் நேசத்திற்குரிய மக்களிடம் சொல்லித்தானே ஆக வேண்டும். மனம் பொறுக்கல.
 

நம் தேசம் வெள்ளைக்காரனிடம் அடிமைப்பட்டு போய்க்கிடந்தது. வன்முறையில் எனக்குத் துளியும் நம்பிக்கை கிடையாது. நாடு விடுதலை பெற, சுதந்திரமடைய, நான் சத்யாகிரக வழியில் அஹிம்சைப் பாதையில் ஆங்கிலேயர்களை எதிர்த்துப் போராடிய போது மக்களே நீங்கள் தான் என் தோளோடு தோளாக நின்றீர்கள். சூரியனே அஸ்தமிக்காத அத்தனை வல்லமையுடைய பிரிட்டிஷ்ஸாரை அஹிம்சை ஆயுதத்தால் அடிபணிய வைத்தோம்

thirunelveli father of nation mahatma gandhi memorial not clean government

ஆடினோம். பாடினோம். ஆனந்த சுதந்திரம் அடைந்துவிட்டோம் என்று பள்ளுப் பாடினோம். இப்போது கூட எனது பழம்பெரும் மூத்த குடியான காந்தியவாதிகளே நினைவு சொல்கிறார்கள் அந்த சம்பவத்தை. சுதந்திரமடைந்த பிறகு, நான் ஜவஹர்லால் நேரு அவர்களை அழைத்து, இப்போதே உடனே காங்கிரஸைக் கலைத்து விடுங்கள். பின்னால் சரிப்பட்டு வராது என்று சொன்னதைத் தானே. ஆனால் அப்படி நடக்கவில்லை.
 

சரி அதை விட்டுத்தள்ளுவோம். 30.01.1948 அன்று நான் சுடப்பட்டதால் மரணமடைந்தேன். நாடே குலுங்கியது. சகஜ நிலைக்கு வந்த பின்பு என்னுடைய அஸ்தியைத் தேசத்தின் பல புண்ணிய ஷேத்திரங்களில் கரைத்தார்கள். அதன் ஒரு பகுதியை தமிழகத்தில் கரைக்க வேண்டுமென்று காங்கிரஸ் அன்பர்களும், சர்வோதய சேவாதளத் தொண்டர்களும் தென் தமிழகம் கொண்டு வந்தார்கள் அஸ்திக் கலசத்தை.
 

திருநெல்வேலிச் ஜில்லாப் பிராந்தியத்திலுள்ள கரிவலம் வந்த நல்லூர் எனும் ஷேத்திரம் காசி பிரயாகையை விட புனிதத்தில் கால் வீசம் அதிகம் கொண்ட ஊர். அதன் மேற்குப் பகுதியிலிருக்கும் தென் மேற்குத் தொடர்ச்சி மலையில் செண்பகவல்லியம்மன் எனும் நாமகரணத்தில் தரையிறங்கும் அந்த ஆறு, தேசத்தின் விடுதலைக்காக முதன்முதலாக தனியொரு மாவீரனாக, தானமாகக் கேள், வண்டி வண்டியாய்த் தருகிறேன். வரி என்று கேட்டால் குன்று மணி நெல் கூடத் தரமாட்டேன் என்று ஏகாதிபத்தியத்திற்கு எதிராகத் தொடை தட்டிய நெல்கட்டான் செவல் எனும் பாளையத்தை ஆண்ட மகாசூரன், மாமன்னன் பூலித்தேவனின் பாளையம் வழியாக நிட்சேப நதி எனும் காரணப் பெயருடன் கரிவலம் வழியாக நீண்டு கிழக்கே பூமியை செழிக்க வைத்துப் பாய்கிறது. அது சாலச் சிறப்பு. அந்தக் கரிவலம் வந்த நல்லூரின் ஆற்றுக் கரையில் எனது அஸ்தியைக் கரைக்க முடிவு செய்தார்கள்.

thirunelveli father of nation mahatma gandhi memorial not clean government

12.02.1949 அன்று சர்வோதய சேவாதளத் தொண்டர்களும், காங்கிரஸாரும், பொது மக்களும் கூட்டம் கூட்டமாக வர, மேளதாளத்துடன் கொண்டு வந்த எனது அஸ்தியை ஆற்றுவழிப் படித்துறையில் கரைத்தவர்கள், அதன் பக்கம் எனது அஸ்தி கரைப்பு நாள், மற்றும் எனது நினைவாக ஒரு ஸ்தூபியையும் நட்டினார்கள். அன்று முதல் வருடம் தோறும் அந்த நாளில் பொது மக்களும், சர்வோதய சேவாதளத் தொண்டர்களும் கூடி வந்து என்னை நினைத்துப் பாடி தியானம் செய்து, சுதந்திர தினத்தைக் கொண்டாடினார்கள்.


நான் அரசாங்கத்தில் எந்த ஒரு உதவியையும் எதிர்பாக்கல. தேசம் முழுக்க இண்டு இடுக்கெல்லாம் நான் அறியப்பட்ட நிலையில், கொறைஞ்சுது என்னோட அஸ்திக் கரைப்புக் கல்வெட்டுப் பகுதியைவாவது சுத்தமா வைச்சிறுக்கலாம். என்னையச் சுற்றி குப்பையும் கூளமும். நாத்தமெடுக்கும் கழிசடைக குமிஞ்சி கெடக்கு.
 

பாவம் சர்வோதய சேவாதளத் தொண்டர் மாரியப்பன். வருஷம்தோறும், சேவாதளத் தொண்டர்க, மக்களைத் திரட்டி இந்த இடத்தச் சுத்தம் பண்ணிட்டு என்னோட அஸ்திக் கரைப்பு நாள்ல தியானம் பண்ணிட்டுப் போறாக. அதுதேம் எனக்கு ஆறுதல்.


 

சார்ந்த செய்திகள்

Next Story

நயினார் நாகேந்திரனுக்கு எதிராக வழக்கு!

Published on 15/04/2024 | Edited on 15/04/2024
Case against Nayinar Nagendran!

நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு நாடு முழுவதும் ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாக தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. அதே சமயம் தேர்தல் நடத்தை விதிமுறைகள் அமலுக்கு வந்துள்ளதால் வாக்காளர்களுக்கு பணம் மற்றும் பரிசுப் பொருட்கள் கொடுப்பதைத் தடுக்கும் வகையில் தேர்தல் பறக்கும் படையினர் தீவிர கண்காணிப்பு பணியில் ஈடுபட்டு வருகின்றனர்.

இத்தகைய சூழலில் சென்னை எழும்பூர் ரயில் நிலையத்தில் இருந்து திருநெல்வேலிக்கு செல்லும் ரயிலில் தாம்பரம் ரயில் நிலையத்தில் கடந்த 06.04.2024 அன்று இரவு உரிய ஆவணங்களின்றி கொண்டு செல்ல முயன்ற ரூ. 4 கோடி மதிப்பிலான ரொக்கம் பறக்கும் படையினரால் பறிமுதல் செய்யப்பட்டது. 6 பைகளில் கட்டுக்கட்டாக இருந்த 500 ரூபாய் நோட்டுகளைப் பறக்கும் படையினர் அதிரடியாகப் பறிமுதல் செய்தனர்.

இதனையடுத்து இந்தப் பணத்தை எடுத்து வந்த புரசைவாக்கம் தனியார் விடுதி மேலாளரும் பாஜக உறுப்பினருமான சதீஷ், அவரின் சகோதரர் நவீன் மற்றும் லாரி ஓட்டுநர் பெருமாள் ஆகிய 3 பேரும் கைது செய்யப்பட்டனர். திருநெல்வேலி மக்களவைத் தொகுதி பாஜக வேட்பாளர் நயினார் நாகேந்திரனுக்கு, இந்தப் பணத்தைக் கொண்டு செல்ல முயன்றதாக மூவரும் பகீர் வாக்குமூலம் கொடுத்ததாகத் தகவல் வெளியாகி இருந்தது. இச்சம்பவம் தமிழகம் முழுவதும் பெரும் பரபரப்பை ஏற்படுத்தியது.

கைப்பற்றப்பட்ட ஆவணங்கள் அடிப்படையில் பாஜக தொழில்துறை மாநில துணைத்தலைவர் கோவர்தனின் உணவகத்தில் அதிகாரிகள் சோதனை நடத்தினர்.  இந்தச் சோதனையில் ரூ.1.10 லட்சம் பணம் கைப்பற்றப்பட்டது. இதனையடுத்து, நெல்லையில் போட்டியிடும் பாஜக வேட்பாளர் நயினார் நாகேந்திரனுக்கு காவல்துறை சார்பில் சம்மன் அனுப்பப்பட்டது.

இந்த நிலையில், பா.ஜ.க வேட்பாளர் நயினார் நாகேந்திரன் போட்டியிடும் நெல்லை தொகுதிக்குத் தேர்தல் நடத்த தடை விதிக்கக் கோரி சென்னை உயர்நீதிமன்றத்தில் வழக்கு தொடரப்பட்டுள்ளது. மதுரையைச் சேர்ந்த வழக்கறிஞர் மகாராஜன், சென்னை உயர்நீதிமன்றத்தில் தாக்கல் செய்த மனுவில் கூறியிருப்பதாவது, ‘வன்கொடுமை தடுப்பு சட்டத்தின் கீழ் பதிவான வழக்கை மறைத்து நயினார் நாகேந்திரன் வேட்புமனு தாக்கல் செய்துள்ளார். அதனால், நயினார் நாகேந்திரனின் வேட்புமனுவை நிராகரிக்க கோரிய தன் ஆட்சேபனை மீது முடிவெடுக்கும் வரை தேர்தலுக்கு தடை விதிக்க வேண்டும். மேலும், நயினார் நாகேந்திரனின் வேட்புமனுவை ஏற்றது சட்டவிரோதம் என அறிவிக்க வேண்டும்’ என்று கூறப்பட்டுள்ளது. இதனையடுத்து இந்த மனு தொடர்பான விசாரணை, சென்னை உயர்நீதிமன்றத்திற்கு நாளை (16-04-24)  விசாணைக்கு வருகிறது. 

Next Story

“தமிழ் கலாச்சாரம் மீது திமுக காங்கிரஸுக்கு வெறுப்பு உள்ளது” - பிரதமர் மோடி

Published on 15/04/2024 | Edited on 15/04/2024
PM Modi says DMK-Congress hates Tamil culture

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அந்த வகையில் திமுக, அதிமுக, நாம் தமிழர், பாஜக ஆகிய கட்சிகள் தீவிர பரப்புரையில் ஈடுபட்டு வருகின்றன.

இந்நிலையில் திருநெல்வேலி மாவட்டம் அம்பாசமுத்திரம் அருகே அகஸ்தியர்பட்டியில் பிரதமர் மோடி இன்று (15.04.2024) தேர்தல் பரப்புரை மேற்கொண்டார். அப்போது திருநெல்வேலி, கன்னியாகுமரி, தூத்துக்குடி, தென்காசி ஆகிய நாடாளுமன்ற மக்களவை தொகுதிகளின் பாஜக மற்றும் அதன் கூட்டணிக் கட்சியின் வேட்பாளர்களை ஆதரித்து பிரதமர் மோடி பரப்புரை மேற்கொண்டார்.

அப்போது பேசிய பிரதமர் மோடி, “தமிழ் புத்தாண்டு தினத்தில் பா.ஜ.க தனது தேர்தல் அறிக்கையை வெளியிட்டது. தமிழ் மொழியை பா.ஜ.க உலக அளவில் பிரபலப்படுத்தும். உலகம் முழுவதும் திருவள்ளுவர் மையங்களை அமைக்க பா.ஜ.க முடிவு செய்துள்ளது. தமிழ் கலாச்சாரம் மீது திமுக காங்கிரஸுக்கு வெறுப்பு உள்ளது. குடும்ப கட்சியான காங்கிரஸ், காமராஜரை அவமதித்தது. எம்.ஜி.ஆர் புகழை திமுக அவமதித்தது. ஜெயலலிதாவை சட்டசபையில் மோசமாக நடத்தியது.

பா.ஜ.க மற்றும் கூட்டணிக் கட்சியினர் தேர்தல் பிரச்சாரம் செய்வதை திமுக அரசு தடுக்கிறது. திமுகவும், காங்கிரஸும் தமிழ்நாட்டு நலனுக்கு விரோதமாக கச்சத்தீவை வேறொரு நாட்டுக்கு கொடுத்துவிட்டனர். கச்சத்தீவை தாரைவார்த்தது மன்னிக்க முடியாத பாவம். குடும்ப அரசியலை ஆதரிக்கும் கட்சியின் ஊழல் ஆட்சியால் தமிழ்நாடு துன்பப்படுகிறது” எனப் பேசினார்.