Skip to main content

தங்க கட்டி இருக்கு! வந்தா எடுத்துக்கலாம்; கொள்ளைக் கும்பலை பிடித்த போலீஸ் 

Published on 22/09/2023 | Edited on 22/09/2023

 

There is a gold nugget! Come and take; The police caught the robbery gang

 

தஞ்சாவூர் மாவட்டத்தை சேர்ந்தவர் ஜியாவுதீன். இவரது நண்பர் ஜெகதீஷ். ஜியாவுதீனுக்கு ஜெகதீஷ் மூலம், துவரங்குறிச்சியைச் சேர்ந்த அன்வர் பாஷா என்பவர் அறிமுகமாகியுள்ளார். அன்வர் பாஷா, தன்னிடம் வெளிநாட்டு தங்க கட்டிகள் உள்ளதாகவும், ரூ. 15 லட்சம் கொடுத்தால், அந்தத் தங்கக் கட்டிகளைக் கொடுப்பதாகவும் ஜியாவுதீனிடம் தெரிவித்துள்ளார். இதனை ஏற்ற ஜியாவுதீன், தனது மற்றொரு நண்பரான கார்த்தி என்பவருடன்  ரூ.14,50,000 எடுத்துக்கொண்டு, கடந்த 18 ம் தேதி மாலை அன்வர் பாஷாவை துவரங்குறிச்சி, மோர்னிமலை முருகன் கோவில் பின்புறம் சந்திக்க சென்றுள்ளார். 

 

இவர்கள் இருவரும், அங்கிருந்து அன்வர் பாஷாவிற்கு போன் செய்து தாங்கள் வந்திருப்பதைத் தெரிவித்துள்ளனர். அதனைத் தொடர்ந்து, அங்கு மற்றொரு காரில் அன்வர் பாஷா மற்றும் 7 நபர்கள் வந்துள்ளனர். பிறகு அந்த காரில் இருந்து, ஒரு நபரை அனுப்பி ஜியாவுதினிடம் பணம் இருப்பதை உறுதி செய்துள்ளனர். பிறகு உடனடியாக, காரில் காக்கி சீருடை அணிந்த ஒருவருடன் மற்ற 7 நபர்களும் சேர்ந்து வந்து, ஜியாவுதீன் மற்றும் அவரது நண்பர் இருந்த காரின் பின்புறம் ஏறி, கார்த்தி கழுத்தில் கத்தியை வைத்து மிரட்டி அவர்கள் வைத்திருந்த ரூ.14,50,000 பறித்துச் சென்றுள்ளனர். 

 

இது சம்பந்தமாக துவரங்குறிச்சி போலீஸில் ஜியாவுதீன் புகார் கொடுத்துள்ளார். இந்தப் புகாரை பெற்ற போலீசார் வழக்குப் பதிவு செய்து விசாரணை நடத்தி வந்தனர். இதேபோன்று கடந்த 28.01.2023-ம் தேதி திருச்சி மாவட்டம், மணப்பாறை காவல் நிலையத்திற்குட்பட்ட மஞ்சம்பட்டி சந்தானமாதா கோவில் அருகில் குறைந்த விலையில் தங்கம் தருவதாக கூறி, ரூ.10,50,000 ஏமாற்றியதாக மணப்பாறை போலீசார் வழக்குப் பதிவு செய்து விசாரணை நடத்தி வந்தனர். 

 

There is a gold nugget! Come and take; The police caught the robbery gang

 

இதில், தொடர்புடையவர்களை பிடிக்க திருச்சி மாவட்ட காவல் கண்காணிப்பாளர் வீ. வருண்குமாரின் உத்தரவின் பேரில், தனிப்படை அமைக்கப்பட்டது. தனிப்படை போலீசார் நேற்று (21.09.2023) மதியம் வளநாடு காவல் நிலைய எல்லைக்குட்பட்ட பொருவாய் என்ற இடத்திற்கு அருகில் உள்ள பாலத்தில் சந்தேகத்திற்கிடமான வகையில் நின்று கொண்டிருந்த காரின் அருகில் சென்ற போது, காரில் இருந்த 4 நபர்கள் தப்பியோட முயற்சித்துள்ளனர். அப்போது காவல்துறையினர் அவர்களைச் சுற்றி வளைத்து பிடித்தனர். 

 

பிடிப்பட்ட அவர்களிடம் குறுக்கு விசாரணை நடத்தப்பட்டதில், மஞ்சம்பட்டி பகுதியில் பாலசுப்பிரமணியன் என்பவரிடம் ரூ.10,50,000 ஏமாற்றி பணத்தை எடுத்து சென்றதாக ஒப்புக்கொண்டனர். அதன்பேரில் பிடிபட்ட நபர்கள் கைது செய்யப்பட்டு அவர்களிடம் இருந்த ஒரு தங்ககட்டி (100 கிராம்), 10-போலி தங்கக்கட்டிகள், ரூ.2,70,000 பணம், 21 செல்போன்கள், போலி பத்திரங்கள், காசோலை புத்தகங்கள், 12-சிம் கார்டுகள் மற்றும் கார் ஆகியவை பறிமுதல் செய்யப்பட்டது. மேலும், ஜியாவுதீன் வழக்கு தொடர்பாக அந்தக் கும்பலிடம் போலீஸார் விசாரித்து வருகின்றனர். குற்றவாளியை பிடித்த தனிப்படையினரின் சிறப்பான செயலை திருச்சி மாவட்ட காவல் கண்காணிப்பாளர் வீ.வருண்குமார் ஐ.பி.எஸ். பாராட்டினார்.

 

 

சார்ந்த செய்திகள்

Next Story

இரு பெண் குழந்தைகளுடன் ஓடும் ரயில் முன் பாய்ந்த தாய்!

Published on 27/02/2024 | Edited on 27/02/2024
 mother jumped in front of a train with two girls

ராணிப்பேட்டை அடுத்த அம்மூர் அடுத்த வேலம் பகுதியைச் சேர்ந்தவர் 40 வயதான அறிவழகன். ஓய்வு பெற்ற ராணுவ வீரரான இவரது மனைவி வெண்ணிலா. இந்த தம்பதிகளுக்கு தார்ணிகா(7) ஜெனிஸ்ரீ(5) ஆகிய இரு மகள்கள் உள்ளனர். வெண்ணிலாவுக்கு முன்பே விஜயலட்சுமி என்பவரை அறிவழகன் திருமணம் செய்துகொண்டுள்ளார்.

அறிவழகன் – விஜயலட்சுமி இருவருக்கும் இடையே கருத்து வேறுபாடு ஏற்பட்டு பல ஆண்டுகளாக பிரிந்து வாழ்ந்து வந்துள்ளனர். கருத்து வேறுபாடு காரணமாக விவாகரத்து வேண்டி நீதிமன்றத்தில் வழக்கு தொடுத்துள்ளார் அறிவழகன். சட்டரீதியாக விவாகரத்து கிடைக்கும் முன்பே வெண்ணிலாவை திருமணம் செய்துகொண்டுள்ளார் அறிவழகன்.

இந்நிலையில் சில வாரங்களுக்கு முன்பு விவாகரத்து வழக்கு தள்ளுபடி செய்யப்பட்டதாகக் கூறப்படுகிறது. மீண்டும் அறிவழகனுடன் சேர்ந்து வாழ விஜயலட்சுமி வேலம் கிராமத்தில் உள்ள அறிவழகன் வீட்டுக்கு வந்துள்ளார். அப்போது என் வாழ்க்கை, என் பிள்ளைகள் வாழ்க்கை இப்படியாகிடுச்சே என கணவரிடம் சண்டை போட்டுள்ளார். இந்த குடும்ப தகராறு காரணமாக வெண்ணிலா தனது இரண்டு பெண் குழந்தைகளை அழைத்துக்கொண்டு வீட்டை விட்டு இன்று காலை கிளம்பினார்.

அவர் கோபத்தில் தனது அம்மா வீட்டுக்குத்தான் செல்வார் என அக்கம்பக்கத்தினர் நினைத்தனர். அவர் வாலாஜா ரயில் நிலையத்திற்குச் சென்றவர் காட்பாடி வழியாக சென்னை செல்லும் அதிவிரைவு ரயில் முன்பு  பாய்ந்தனர். இதில் மூன்று பேரும் சம்பவ இடத்திலேயே உடல் நசுங்கி உயிரிழந்தார்கள்.

Next Story

பிரபல விடுதியின் கணக்காளரிடம் பணம் கேட்டு மிரட்டும் கும்பல்!

Published on 27/02/2024 | Edited on 27/02/2024
 gang is threatening to demand money from the accountant of a famous hotel

வேலூரை சேர்ந்தவர் சுதாகர். திமுக பிரமுகரான இவர் மாநகராட்சியின் 24வது வார்டு கவுன்சிலராகவும் உள்ளார்.  இவர் வேலூர் புதிய பேருந்து நிலையம் எதிரில் ஏவிஎம் என்ற பெயரில் தங்கு விடுதி நடத்தி வருகிறார். இந்நிலையில் இன்று அதிகாலை விடுதியின் வாசலில் வந்து நின்ற காரில் இருந்து இரண்டு பேர் இறங்கினர். அதில் ஒருவர்  தங்கும் விடுதியின் உள்ளே வந்து விடுதியின் கேசியரிடம், ஓனர் சுதாகர் எங்கே என கேட்டுள்ளார். நீங்கள் யார் எனக் கேட்டதற்கு, அவரை ஆபாச வார்த்தைகளால் திட்டிவிட்டு, எங்களுக்கு பணம் வேணும் எனக் கேட்டு மிரட்டியதாக சொல்லப்படுகிறது. 

அவர் பணம் இல்லை எனச் சொன்னதும் மேலும் தவறான வார்த்தைகளில் சொல்லி திட்டியதாக கூறப்படுகிறது. சத்தம் கேட்டு அங்கே பணியாற்றியவர்கள் அங்கே வந்துள்ளனர். அப்படி வந்தவர்களையும் மிரட்டல் விடுத்து அங்கிருந்து வெளியே சென்றுள்ளனர். இதுகுறித்த சிசிடிவி காட்சிகள் வெளியாகி சமூகவலைத்தளத்தில் வைரலாக பரவி வருகிறது. வந்தவர்கள் யார்?, எதற்காக இவரின் விடுதியை குறிவைத்து பணம் கேட்டார்கள் என்கிற கேள்வி எழுந்துள்ளது.