"அ.தி.மு.க. ஆட்சிக்கட்டிலில் அமருவதே இலக்கு"- துணை முதல்வர் ஓ.பன்னீர்செல்வம் பேச்சு!

தேனி மாவட்டம், பெரியகுளத்தில் நடைபெற்ற அ.தி.மு.க. நிர்வாகிகள் ஆலோசனை கூட்டத்தில் பங்கேற்று பேசிய அ.தி.மு.க. கட்சியின் ஒருங்கிணைப்பாளரும், தமிழக துணை முதல்வருமான ஓ.பன்னீர்செல்வம், "2021-ல் அ.தி.மு.க.வை ஆட்சிக் கட்டிலில் அமர வைக்க வேண்டும் என்பதே இலக்காக இருக்க வேண்டும். அ.தி.மு.க.வை ஆட்சிக் கட்டிலில் அமர வைக்க களப்பணி ஆற்ற வேண்டும். நடந்தவை நடந்தவையாக இருக்கட்டும்; இனி நடப்பவை நல்லவையாக அமையும். எண்ணம் தூய்மையாக இருக்க வேண்டும்; எடுத்து வைக்கும் அடியும் தூய்மையாக இருக்க வேண்டும். தொண்டர்கள் எனக்கு விசுவாசமாக இருக்க வேண்டும் என நான் எண்ணியதே இல்லை. கட்சிக்கு மட்டுமே தொண்டர்கள், நிர்வாகிகள் விசுவாசமாக இருக்க வேண்டும்". இவ்வாறு துணை முதல்வர் பேசினார்.