Skip to main content

ஆயிரம் ஆண்டுகள் பழமையான சோழர் கால அகழி...பட்டா இருக்கு என்று பீதியை கிளப்பும் ஆக்கிரமிப்பாளர்கள்!

Published on 25/08/2019 | Edited on 25/08/2019

பந்தநல்லூர் கோயிலை சுற்றியுள்ள அகழியை உயர்நீதிமன்ற உத்தரவின்படி உடனடியாக தூர்வார வேண்டும் என சமூக ஆர்வலர்களும், விவசாய சங்கங்களும், பொதுமக்களும் மாவட்ட நிர்வாகத்திற்கு வேண்டுகோள் விடுத்துள்ளனர்.
 

தஞ்சை மாவட்டம் திருவிடைமருதூர் தாலுகாவிற்கு உட்பட்ட பந்தநல்லூரில் புகழ்பெற்ற பசுபதீஸ்வரர் கோயில் அமைந்துள்ளது. அந்த கோயிலை சுற்றி ஆயிறம் ஆண்டுகளுக்கு முன்பு உருவாக்கப்பட்ட அகழியும் இருக்கிறது. சமீபகாலமாக அகழியின் பெரும்பாலான பகுதிகள் ஆக்கிரமிப்புக்கு உள்ளாகி அதற்கான அடையாளத்தை இழந்து காணப்படுகிறது.

thanjavur district Thousand Years Old Chola Trench Strike the peoples

 

இந்த நிலையில் பந்தநல்லூர் பகுதியை சேர்ந்த சமூக ஆர்வலர் ஆர்.வெங்கட்ராமன் உள்ளிட்ட சிலர் சென்னை உயர்நீதிமன்றத்தில், பந்தநல்லூர் அகழியை தூர்வாரி நீராதாரத்தை காக்க வேண்டும் என வழக்கு தொடர்ந்தனர். அந்த வழக்கை விசாரித்த நீதிமன்றம் " அகழியை மூன்று வாரத்திற்குள் தூர்வார வேண்டும், அகழியில் இருக்கும் ஆக்கிரமிப்புகளை உடனடியாக அகற்ற வேண்டும்" என உத்தரவிட்டது. அதன்படி ஆக்கிரமிப்புகள் இரண்டு வார காலமாக அகற்றப்பட்டு வருகின்றன.
 

இதற்கிடையே ஆக்கிரிமிப்பாளர்கள் சிலர் " தங்களுக்கு அகழியில் பட்டா இருக்கிறது என 30- க்கும் மேற்பட்டோர் தடை கேட்டு நீதிமன்றம் சென்றனர். நீதிமன்றத்தில் தனி நீதிபதி அமர்வில் விசாரிக்கப்பட்டு நான்கு வாரங்களுக்கு அவர்களின் இடத்தில் உள்ள ஆக்கிரமைப்புகளை அகற்ற வேண்டாம் என இடைக்கால உத்தரவிட்டுள்ளது.

 

thanjavur district Thousand Years Old Chola Trench Strike the peoples

 


அதன் பின்னர் 23.8.2019 சனிக்கிழமை காலை 10.00 மணியளவில் சென்னை உயர்நீதிமன்ற உத்தரவை ஏற்று வருவாய்த்துறை அலுவலர்கள் பந்தநல்லூர் பசுபதீஸ்வரர் கோயிலை சுற்றியுள்ள அகழியை தூர்வார மூன்று ஜே.சி.பி இயந்திரங்களோடு வந்தனர். இதை அறிந்த ஆக்கிரமிப்பாளர்கள் சிலர் அவர்களை பணி செய்ய விடாமல் இயந்திரத்தின் முன் நின்று கூச்சலிட்டனர். இந்த செய்தி காற்றில் தீயாக பரவ பொதுமக்களும், சமூக ஆர்வலர்களும், அரசியல் கட்சியினரும், வணிகர்களும் கோபத்தின் உச்சத்திற்கே சென்று கோயிலுக்கு செல்லும் நுழைவு வாயில் அருகே பந்தநல்லூர் குடந்தை சாலையில் திரண்டனர்.

சுமார் 500 பேர் திரண்டு வந்து நீதிமன்றத்தின் உத்தரவுப்படி அகழியை தூர்வார வேண்டும் எனவும், சென்னை உயர் நீதிமன்ற ஆணையை நிறைவேற்ற வேண்டும் என்று கோஷமிட்டு கொண்டு பஸ் மறியலில் ஈடுபட்டனர். இதனால் போக்குவரத்து சில மணி நேரம் பாதிப்பு ஏற்பட்டது. அதன் பிறகு திருவிடைமருதூர் வட்டாட்சியர் பேச்சுவார்த்தை நடத்தி ஆக்கிரிமிப்பாளர்களுக்கு, இன்னும் ஒரு வாரம் காலக்கெடு இருக்கிறது. அதற்குள் அவர்கள் ஆக்கிரமிப்பை அவர்கள்  அகற்ற வேண்டும். குறிப்பிட்ட நாட்களுக்குள் அகற்றவில்லை என்றால் நீதிமன்ற ஆணையை நிச்சயமாக நாங்கள் நிறைவேற்றுவோம் என்று உறுதி அளித்ததன் பேரில் மறியலை தற்காலிகமாக கைவிட்டனர்.

 

thanjavur district Thousand Years Old Chola Trench Strike the peoples




பந்தநல்லூர் பகுதி சமூக ஆர்வலர்களும் பொதுமக்களும் கூறுகையில், " நீர்நிலைகளின் முக்கியத்துவத்தை கருதி தமிழக அரசே நீர்நிலைகளை புதுப்பிக்கிறது. பல இடங்களில் நீதிமன்றமும்,  நீதிபதிகளுமே சொந்த செலவில் தாங்களே முன்னின்று குளங்களை, ஏரிகளை தூர்வாரி வருகின்றனர். அரசர் காலத்தில் உருவாக்கப்பட்ட ஒரு பொக்கிஷம். இதை ஆக்கிரிமித்து ஒரு சிலர் கடைகளையும், வீடுகளையும்,  கட்டிக்கொண்டு பட்டா இருக்கிறது என பொய் பிரச்சாரம் செய்து கொண்டு, நீர்நிலைகளை தூர்வார விடாமல் தடுத்து வருகின்றனர். மாவட்ட நிர்வாகம் நீதிமன்ற உத்தரவை ஏற்று ஆக்கிரமிப்பை அகற்றி தூர்வாரவில்லை என்றால் பந்தநல்லூரை சுற்றியுள்ள நாற்பது கிராம பொதுமக்களையும், அரசியல் கட்சியினரையும், மாணவர்களையும் ஒன்றுதிரட்டி பெருந்திரல் போராட்டம் நடத்துவோம்." என்கிறார்கள்.


 

சார்ந்த செய்திகள்

Next Story

தொடங்கியது வேட்புமனு பரிசீலனை

Published on 28/03/2024 | Edited on 28/03/2024
Scrutiny of nominations has begun

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

நேற்று வேட்புமனு தாக்கல் முடிந்த நிலையில், இன்று வேட்புமனு பரிசீலனை நடைபெற்று வருகிறது. சேலத்தில் திமுக வேட்பாளராக அறிவிக்கப்பட்ட செல்வ கணபதியின் வேட்புமனு நிறுத்தி வைக்கப்பட்டுள்ளது. இரட்டை வாக்குரிமை சர்ச்சை காரணமாக அவருடைய வேட்புமனு நிறுத்தி வைக்கப்பட்டுள்ளது. திருச்சியில் மதிமுக சார்பில் போட்டியிடும் துரை வைகோவின் மனு ஏற்கப்பட்டுள்ளது. திருச்சியில் அமமுக சார்பில் போட்டியிடும் செந்தில்நாதன் வேட்புமனு ஏற்கப்பட்டுள்ளது.

மதுரை தொகுதியில் அதிமுக, பாஜக, நாம் தமிழர் வேட்பாளர்களின் மனுக்கள் ஏற்கப்பட்டுள்ளன. நாமக்கல் தொகுதியில் திமுக, அதிமுக, பாஜக, நாம் தமிழர் கட்சிகளின் வேட்பு மனுக்கள் ஏற்கப்பட்டுள்ளது. மத்திய சென்னையில் போட்டியிடும் திமுக வேட்பாளர் தயாநிதி மாறன் மனு ஏற்கப்பட்டுள்ளது. தென் சென்னையில் போட்டியிடும் திமுக வேட்பாளர் தமிழச்சி தங்கபாண்டியன் மனு ஏற்கப்பட்டுள்ளது. பாஜக வேட்பாளர் வினோத் பி. செல்வம் மனுவை ஏற்றுக்கொள்ளக்கூடாது என திமுக தரப்பு எதிர்ப்பு தெரிவித்துள்ளது. மனுவை முழுமையாகப் பூர்த்தி செய்து தராததால் திமுக எதிர்ப்பு தெரிவித்துள்ளது. வினோத் பி. செல்வத்தின் மனுவை மறு ஆய்வு செய்ய வேண்டும் என திமுக தரப்பு கோரிக்கை வைத்துள்ளதால் பரபரப்பு ஏற்பட்டுள்ளது.

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.