Skip to main content

தென்காசியுடன் இணைக்க எதிர்ப்பு... பள்ளி, கல்லூரிக்குப் பிள்ளைகளை அனுப்ப மறுப்பு... போராட்டத்தில் கிராம மக்கள்!

Published on 05/12/2019 | Edited on 05/12/2019

தென்காசி புதிய மாவட்டம் நவ 22- ஆம் தேதியன்று உதயமானது. முறைப்படி முதல்வர் எடப்பாடி பழனிச்சாமி திறந்து வைத்தார்.
 

தென்காசி புதிய மாவட்ட அறிவிப்பும், தொடர்ந்து பகுதிகள் இணைப்பு வரையரைகள் வெளியானதையடுத்து தங்கள் பகுதிகளை தென்காசியுடன் இணைக்கக் கூடாது நெல்லையுடனே நீடிக்க வேண்டும் என்று பல பகுதியினர் எதிர்ப்பு தெரிவித்து வருகின்றனர். குறிப்பாக அம்பை அருகேயுள்ள பாப்பாக்குடி யூனியனின் அடைச்சாணி, இடைகால், பள்ளக்கால் பொதுக்குடி, ரங்க சமுத்திரம் உள்ளிட்ட ஊராட்சிகளின் கிராமங்களின் மக்கள், தாங்கள் அரைமணி நேரத்தில் நெல்லை சென்றடைவதை விடுத்து ஒன்றரை மணிநேரம் சுற்றி வந்ததற்கு, பின் தென்காசி வந்தடைய நேரமாகும். எனவே எங்கள் பகுதி நெல்லையுடனேயே நீடிக்க வேண்டும். தவறினால் எங்களின் குடும்ப ரேஷன் அட்டைகள், வாக்காளர் அட்டைகள் மற்றும் ஆதார் அட்டைகளை திரும்ப ஒப்படைப்போம் என்று அறிவித்தனர். அம்மக்களின் எதிர்ப்பையும் மீறி அப்பகுதிகள் இணைக்கப்பட்டது.

tenkasi new district peoples strike schools, colleges students not going institution


அதையடுத்து நேற்று (04.12.2019) பதினோரு கிராம மக்களும் தங்களின் பிள்ளைகளை பள்ளிகள் மற்றும் கல்லூரிக்கு அனுப்பாமல் புறக்கணித்துவிட்டு பள்ளக்கால் பொதுக்குடி பஞ்சாயத்து முன்பு திரண்டு போராட்டத்தில் ஈடுபட்டனர். இதனையறிந்த தென்காசி கோட்டாட்சியர் பழனிகுமார், தாசில்தார் சண்முகம், டி.எஸ்.பி.ஜாகிர் உசேன் மற்றும் வருவாய் துறையினர் வந்து போராட்டம் நடத்திய  மக்களிடம் பேச்சுவார்த்தை நடத்தினர்.

tenkasi new district peoples strike schools, colleges students not going institution


எங்களது ஜீவாதாரமே பாதிக்கப்படுகிற வகையில் மாவட்டப் பிரிவினை அமைந்துள்ளது. குழந்தைகளின் சான்றிதழ்களுக்குக் கூட தினமும் அலைய வேண்டிய கட்டாயம் ஏற்பட்டுள்ளது என்று தெரிவித்து தங்களின் நிலைபாட்டில் உறுதியாய் இருந்ததால், அதிகாரிகள் எதுவும் சொல்ல இயலாமல் புறப்பட்டுச் சென்றனர். இதன்காரணமாக இந்தப் பகுதியின் பள்ளிகள் அனைத்தும் மாணவர்களின்றி வெறிச் சோடிக்கிடந்தன. 

tenkasi new district peoples strike schools, colleges students not going institution


அதை தொடர்ந்து மாவட்டக் கலெக்டரைச் சந்திக்கச் சென்ற பொதுமக்கள், ஆட்சியர் எங்களுக்கு நல்ல தகவலைச் சொல்லாவிட்டால் புறக்கணிப்பு தொடரும் என்கின்றனர். மக்களின் நலனே முதன்மையானது என்பதையே வெளிப்படுத்துவதாக இருக்கிறது இம்மக்களின் மன உறுதி.



 

சார்ந்த செய்திகள்

Next Story

தொடங்கியது வேட்புமனு பரிசீலனை

Published on 28/03/2024 | Edited on 28/03/2024
Scrutiny of nominations has begun

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

நேற்று வேட்புமனு தாக்கல் முடிந்த நிலையில், இன்று வேட்புமனு பரிசீலனை நடைபெற்று வருகிறது. சேலத்தில் திமுக வேட்பாளராக அறிவிக்கப்பட்ட செல்வ கணபதியின் வேட்புமனு நிறுத்தி வைக்கப்பட்டுள்ளது. இரட்டை வாக்குரிமை சர்ச்சை காரணமாக அவருடைய வேட்புமனு நிறுத்தி வைக்கப்பட்டுள்ளது. திருச்சியில் மதிமுக சார்பில் போட்டியிடும் துரை வைகோவின் மனு ஏற்கப்பட்டுள்ளது. திருச்சியில் அமமுக சார்பில் போட்டியிடும் செந்தில்நாதன் வேட்புமனு ஏற்கப்பட்டுள்ளது.

மதுரை தொகுதியில் அதிமுக, பாஜக, நாம் தமிழர் வேட்பாளர்களின் மனுக்கள் ஏற்கப்பட்டுள்ளன. நாமக்கல் தொகுதியில் திமுக, அதிமுக, பாஜக, நாம் தமிழர் கட்சிகளின் வேட்பு மனுக்கள் ஏற்கப்பட்டுள்ளது. மத்திய சென்னையில் போட்டியிடும் திமுக வேட்பாளர் தயாநிதி மாறன் மனு ஏற்கப்பட்டுள்ளது. தென் சென்னையில் போட்டியிடும் திமுக வேட்பாளர் தமிழச்சி தங்கபாண்டியன் மனு ஏற்கப்பட்டுள்ளது. பாஜக வேட்பாளர் வினோத் பி. செல்வம் மனுவை ஏற்றுக்கொள்ளக்கூடாது என திமுக தரப்பு எதிர்ப்பு தெரிவித்துள்ளது. மனுவை முழுமையாகப் பூர்த்தி செய்து தராததால் திமுக எதிர்ப்பு தெரிவித்துள்ளது. வினோத் பி. செல்வத்தின் மனுவை மறு ஆய்வு செய்ய வேண்டும் என திமுக தரப்பு கோரிக்கை வைத்துள்ளதால் பரபரப்பு ஏற்பட்டுள்ளது.

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.