Skip to main content

“மக்களே உழவாரப்பணி செய்வதன் மூலம் கோவிலை மீட்டெடுக்க முடியும்” - கார்த்திகேயன்

Published on 24/05/2024 | Edited on 24/05/2024
temple can be reclaimed by people themselves  says Karthik Arasan

தமிழ்நாடு கோவில்கள் சிந்துவெளி நாகரிகத்துடன் தொடர்புடையதாகக் கூறப்படுகிறது. கோயில்கள் என்பது தெய்வத்தை வழிபடுவதற்காக மட்டுமல்ல கலை மற்றும் கலாச்சாரத்தைப் பாரம்பரியத்தை நிலைநிறுத்தும் இடமாக இருந்து வருகிறது. அந்த வகையில் பாரம்பரிய கட்டமைப்புகள் அரசர்களுக்குப் பிறகு அரசர்களாலும், வம்சத்திற்குப் பிறகு வம்சத்தாலும் பாதுகாக்கப்பட்டு, பராமரிக்கப்பட்டு வந்தனர். எனவே, நமது பாரம்பரியம் மற்றும் கலாச்சாரத்தைப் பாதுகாத்தல், புனரமைத்தல் ஆகியவை இந்த நிலத்தின் அரசர்களின் முதன்மையான குறிக்கோளாக இருந்தன. மாநிலம் முழுவதும் உள்ள உயரமான மற்றும் அற்புதமான கோயில்கள் அவற்றின் வெற்றிக்குச் சாட்சியாக நிற்கின்றன.

இந்தியாவில் ஆங்கிலேயர் ஆட்சி வந்த பிறகு அரசர்களால் நிர்வகிக்கப்பட்ட கோயில்கள் ‘அரசாங்கத்தின்’ மேற்பார்வையின் கீழ் வந்தது. முதல் அத்தகைய ஒழுங்குமுறை, கோவில்களின் நிர்வாகமானது, சென்னை ஒழுங்குமுறை 1817 ஆகும். இது கோவில்களுக்கான மானியங்கள் மற்றும் கொடைகள் முறையாகப் பயன்படுத்தப்படுகிறதா அல்லது தனியார் தனிநபர்களின் நலனுக்காகத் திசைதிருப்பப்படுகிறதா என்பதைக் கண்காணிக்கும். அதைத் தொடர்ந்து, 1927ஆம் ஆண்டு இந்து சமய அறநிலையச் சட்டம் உருவாக்கப்பட்டது. சுதந்திரத்திற்குப் பிறகு, தற்போதைய தமிழ்நாடு இந்து சமய அறநிலையச் சட்டம், 1959 அறிவிக்கப்பட்டது. அதன் அடிப்படையில் கோயில் நிர்வாகத்திற்கென தனித் துறை உருவாக்கப்பட்டது.

தற்போது இந்து சமய மற்றும் அறநிலையத் துறையின் கட்டுப்பாட்டிலும் நிர்வாகத்திலும் சுமார் 44,121 மதநிறுவனங்கள் உள்ளன, அவற்றில் 1966 மடங்கள், 42155 கோயில்கள், இதில் 8450 கோயில்கள் பழமையானவை, அவை100 ஆண்டுகளுக்கு முன்பு கட்டப்பட்டவை மற்றும் கிட்டத்தட்ட 21000 கோவில்களுக்குச் சீரமைப்பு தேவைப்படுகிறது. மேலும் கோயில்களின் தரவுத்தளத்திலிருந்து தரவுகள் உள்ள 40695 கோயில்களில் 32935 கோயில்கள் நல்ல நிலையில் உள்ளன. 6414 கோயில்கள் சீரமைக்கப்பட வேண்டும், 530 கோயில்கள் பகுதி சிதிலமடைந்தவை, 716 கோயில்கள் கடுமையாக சிதிலமடைந்துள்ளன.

தமிழக  அரசு திணைக்களத்தால் அடையாளம் காணப்பட்ட பாழடைந்த நிலையில் இருந்த இந்த பழங்கால கட்டமைப்புகளைப் புதுப்பித்து மீட்டெடுப்பதே பார்வையாக இருந்தது. எனவே, போதிய நிதி ஒதுக்கீடு செய்யப்பட்டு, இக்கோயில்களைப் புதுப்பிக்கவும், புனரமைக்கவும் வல்லுநர்களிடம் இருந்து தேவையான உள்ளீடுகளுடன் போர்க்கால அடிப்படையில் உடனடி நடவடிக்கைகள் எடுக்கப்பட்டன. மே, 2021 முதல்  இன்றுவரை கிட்டத்தட்ட 1636 கோவில்களுக்கான கும்பாபிஷேகங்கள் இந்து சமய மற்றும் அறநிலையத்துறையால் நடத்தப்பட்டன. கோயில்கள் சொந்தமான ஏராளமான சொத்துக்கள்  ஆக்கிரமிப்பு மற்றும் வழக்குகளில் உள்ளதால், கோயில்களால் வருமானம் ஈட்டமுடியவில்லை.

ஆகையால் இந்த அரசு ஆக்கிரமிப்புகளுக்கு உட்பட்ட கோவில்களுக்குச் சொந்தமான 1000 ஏக்கர்  சொத்துக்களை மீட்கப்பட்டு தற்போது வருவாய் ஈட்ட வழிவகை செய்யப்பட்டுள்ளது. அதே போலக் கோயில்களில் அன்னதானத் திட்டம், திணைக்களம் இப்போது மாநிலம் முழுவதும் உள்ள ஏராளமான கோயில்களின் பல்வேறு செயல்பாடுகள் மற்றும் விழாக்களை நேரடியாக ஒளிபரப்புகிறது.  இப்படி ஏராளமான புதுவகையாக இந்து அறநிலையத்துறை அமைச்சர் சேகர்பாபு செய்துவந்தாலும் தற்போதுள்ள இந்த அவரவர் வாழும் பகுதியில் உள்ள கோயில்களுக்கு அவர்களே உழவாரப்பணி செய்துகொள்ள உயர் நீதிமன்றம் உத்தரவு கொடுத்த மேலும் மக்களின் மத்தியிலும் கொண்டுசேர்க்கவேண்டும் எனச் சமூக ஆர்வலர்களின் கோரிக்கையாக உள்ளது.
 
இது குறித்து பொதுநலவழக்கு பதிவு செய்யாத கார்த்திகேயன் பேசியபோது, “எவ்வழியோ குடிமகனும் அவ்வழி என்பது போலத் தமிழர்களின் கலை பண்பாடு கலாச்சாரம் போன்றவற்றை முழுமையாகப் பாதுகாத்து அடுத்த தலைமுறைக்கொடுப்பதே நம்முடைய கடமையாக உள்ளது. இந்த அரசு அருமையாகச் செயல்பட்டு வருகிறது. அதே போல அந்தந்த பகுதிகளில் உள்ள பல கோயில்கள் அரசுக்கே தெரியாமல் அழிவு நிலை கிடப்பதால் அந்த மக்களே தூய்மை செய்து புதுப்பித்தல் செய்யும் பணிக்கு ஒப்புதல் கொடுத்தால் மேலும் கோயில்களை காப்பற்றபடும் என்பதையும் மனதில் கொண்டு மார்ச் மாதம் வழக்குப் பதிவு செய்தோம். அதற்குத் தீர்ப்பு ஏப்ரல் மாதம் 30.04.24. தேதி நடைமுறைப்படுத்தலாம் என உத்தரவு கொடுத்திருந்தது . இதனால் அழிவு நிலையில் உள்ள கோயில்களையும் பாதுகாத்தல், தூய்மைப்படுத்துதல், குளம் சீரமைத்தல், மூலமாகப் பண்பாட்டையும் கலாச்சாரத்தையும் மீட்டெடுக்கமுடியும்” என்றார்.

சார்ந்த செய்திகள்

 

Next Story

“ஒரு அரசியல் தலைவர் உயிரிழப்பார்” - அருள் வாக்கு சொன்ன கோவில் பூசாரி

Published on 22/07/2024 | Edited on 22/07/2024
temple priest predicts that the political leader will lost life

புதுக்கோட்டை மாவட்டம் கிழக்கு கடற்கரை சாலையில் உள்ள மீமிசல் குடியிருப்பு பகுதியில் பிரசித்தி பெற்ற "வழிவிடும் கருப்பசாமி கோயில் உள்ளது. தினசரி பக்தர் வந்து போனாலும் ஆடி பௌர்ணமி திருவிழாவே மிகச் சிறப்பு. இந்த நாளில் பல ஆயிரம் பக்தர்கள் கூடுகிறார்கள்.

ஆடி பௌர்னமி திருவிழாவில் என்றதும் மீமிசல் சுற்றியுள்ள கிராம மக்கள் கடந்த ஒரு வாரமாக விரதம் இருந்து நேர்த்திக்கடன் உள்ள பக்தர்கள் ஏம்பக்கோட்டை ஸ்ரீ தர்ம முனீஸ்வரர் ஆலயத்தில் இருந்து வானவேடிக்கை, ஆட்டம் பாட்டத்துடன் ஆயிரக்கணக்கான பக்தர்கள் ஒரே நேரத்தில் பால்குடம் மற்றும் பறவை காவடி, அலகுகாவடி எடுத்து நகரின் முக்கிய வீதிகள் வழியாக ஊர்வலமாக சென்று கருப்பசாமி கோவிலை வந்தடைந்தனர். அங்கு கருப்பசாமிக்கு அபிஷேக ஆராதனைகள் நடைபெற்றது.

தொடர்ந்து கருப்பசாமி அரிவாள் மீது நின்று அருள்வாக்கு கூறும் நிகழ்ச்சி நடைபெற்றது. நிகழ்ச்சியில் கோயில் பூசாரி மாதவன் அரிவாள்கள் மீது ஏறி நின்று சாமி ஆடி முதலில் நாட்டில் என்னவெல்லாம் நடக்கப் போகிறது என்று நாட்டுக்கான நல்வாக்கு சொல்லத் தொடங்கினார்.

temple priest predicts that the political leader will lost life

இந்த வருசம் விளைச்சல் அதிகமாகும், ரியல் எஸ்டேட் தொழில் நல்லா இருக்கும். இந்த ஆண்டு ஒரு அரசியல் தலைவர் உயிர் சேதம் ஏற்படும். போன வருசம் சொன்னேன் நடந்துச்சு அதுபோல ஒரு உயிர்சேதம் ஏற்படும். கண் நோய் வரும், வைரஸ் காய்ச்சல் வரும் கருப்பசாமி காப்பாத்திக் கொடுக்கிறேன். விலைமதிக்கக் கூடிய சிலைகள் கண்டெடுக்கப்படும், தங்கம் விலை குறையும், கும்பாபிசேகங்கள் அதிகம் நடக்கும், ஒரு அரசியல் குடும்பம் தடுமாறும், டாக்டர் எக்சாம்ல மதிப்பெண்ல குழப்பம் ஏற்படும். கவர்மெண்ட் வேலை நிறைய கிடைக்கும் 16 கலெக்டர்கள் பாசாவாங்க. நகைக்கடன் தள்ளுபடி வரும். மழை கம்மியாவும், இடி காற்று அதிகமாவும் இருக்கும்" என்று நாட்டுக்கான அருள்வாக்கு சொல்லி முடித்தார்.

தொடர்ந்து பக்தர்களுக்கு அருள்வாக்கு கூறினார். விழாவில் சுற்றுவட்டார பகுதிகளில் இருந்து ஆயிரக்கணக்கான பக்தர்கள் நீண்ட வரிசையில் காத்திருந்து அருள்வாக்கு பெற்றுச் சென்றனர்.கருப்பசாமி கோயில் பூசாரி நாட்டுக்கான அருள்வாக்கு சொன்னது எப்படி நடக்குமோ என்ற குழப்பத்துடன் சென்றனர் பக்தர்கள்.

Next Story

பூரி ஜெகந்நாதர் கோயில் பொக்கிஷ அறை திறப்பு!

Published on 14/07/2024 | Edited on 14/07/2024
Puri Jagannath temple treasure room opening

சமீபத்தில் நடந்து முடிந்த நாடாளுமன்றத் தேர்தலோடு ஒடிசா மாநில சட்டப்பேரவைக்கும் தேர்தல் நடைபெற்றது. இந்த தேர்தல் பிரச்சாரத்தின் போது பூரி ஜெகந்நாதர் கோயில் பொக்கிஷ அறை மற்றும் தொலைந்து போனதாகச் சொல்லப்படும் அதன் சாவி குறித்த விவகாரங்களை பாஜக கையில் எடுத்திருந்தது. இது தொடர்பாக ஒடிசாவில் முன்பு ஆட்சி செய்த பிஜு ஜனதா தள கட்சிக்கு எதிராக பாஜக தீவிரமாகப் பரப்புரை செய்தது. இந்த சட்டமன்ற தேர்தலில் வென்று பாஜக ஆட்சியைப் பிடித்துள்ளது. மேலும் கடந்த 1978 ஆம் ஆண்டுக்குப் பின் தற்போது வரை பொக்கிஷ அறை திறக்கப்படாமல் இருந்து வந்தது.

இந்நிலையில் 46 ஆண்டுகளுக்குப் பின் இன்று (14.07.2024) பூரி ஜெகந்நாதர் கோயிலின் பொக்கிஷ அறையை மீண்டும் திறக்கப்பட்டது. இதனையடுத்து பூரி மாவட்ட ஆட்சியர் உள்பட 11 பேர் கொண்ட குழுவினர் பொக்கிஷ அறைக்குச் சென்று ஆய்வு செய்தனர். அதே சமயம் பொக்கிஷ அறையில் உள்ள நகைகளை மதிப்பிடும் பணி நாளை (15.07.2024) தொடங்க உள்ளது. முன்னதாக பூரி ஜெகந்நாதர் கோயில் பொக்கிஷ அறையில் உள்ள ஆபரணங்கள் மற்றும் பிற மதிப்புமிக்க பொருள்களைக் கணக்கீடு செய்வதற்காக ஓய்வு பெற்ற உயர்நீதிமன்ற நீதிபதி விஷ்வநாத் ராத் தலைமையில் குழு அமைக்கப்பட்டது குறிப்பிடத்தக்கது.