Skip to main content

ஆசிரியர் தினத்தில் மாணவியின் கழுத்தை பிடித்து தூக்கிய ஆசிரியர் ! கல்வி அதிகாரி விசாரணை

Published on 07/09/2018 | Edited on 07/09/2018
ட்

 

திருச்சி மாவட்டம், லால்குடி அடுத்த மாந்துறையில் அரசு உயர்நிலைப் பள்ளி உள்ளது. இப்பள்ளியில் அறிவியல் ஆசிரியராக ஜோன்ஆப்ஆர்க் சைலா பணிபுரிந்து வருகிறார். இதே பகுதியை சேர்ந்த கோவிந்தராஜ் என்பவர் மகள் பத்மபிரியா 7ம் வகுப்பு படிக்கிறார். 

 

மாணவி பத்மபிரியா சமீபத்தில் தொண்டையில் ஆபரேஷன் செய்துள்ளார். இவர் பாடத்தை மெதுவாக எழுதுவதால் ஆத்திரப்பட்ட ஆசிரியர்,  ஆசிரியர் தினத்தன்று மாணவியின் கழுத்தை பிடித்து மேலே தூக்கியிருக்கிறார். இதனால் வீடு திரும்பும் போது தொண்டை மீண்டும் வலி எடுக்க ஆரம்பித்திருக்கிறது.

 

வீட்டில் இரவு உணவு சாப்பிடாமல் அழுது கொண்டே இருந்திருக்கிறார். விசயத்தை தன் மகள் மூலம் தெரிந்து கொண்ட பெற்றோர் மற்றும் பொதுமக்கள் உறவினர் என பெரிய கூட்டமே அடுத்த நாள் காலையில் பள்ளியில் சென்று ஆசிரியர் சைலாவிடம் கேட்டுள்ளனர். 

 

பெற்றோர்கள் பொதுமக்கள் வந்து கேள்வி மேல் கேள்வி கேட்கவும் ஆசிரியர் தன்னுடைய கை பையை எடுத்துக்கொண்டு விருட்டென வெளியே சென்றுள்ளார். 

 

விசயத்தை கேள்விப்பட்ட லால்குடி மாவட்ட கல்வி அலுவலர் அறிவழகன் பள்ளிக்கு வந்து பெற்றோர் உறவினர் , மாணவிகள் என அனைவரிடம் விசாரணை நடத்தியுள்ளார். 

 

அப்போது ஆசிரியர் மீது பெற்றோர்கள் புகார் மனு கொடுத்துள்ளனர். பிரச்சனையை விசாரித்துக்கொண்டு இருக்கும் போதே பத்மபிரியாவின் சக மாணவிகள் ஆர்த்தி பவதாரணி ஆசிரியர் எங்களையும் பிரம்பால் அடித்தார் என்றும், கடந்த மாதத்தில் 9ம் வகுப்பு படிக்கும் ராஜேஸ்வரியை பிரம்பால் அடித்தார் என்றும் இதே போல தொடர்ந்து மாணவிகளை அடிக்கடி பிரம்பால் அடிப்பதாக புகார் கொடுத்திருக்கிறார்கள். 

 

மனுவை பெற்றுக்கொண்ட கல்வி அதிகாரி அறிவழகன், ஆசிரியை ஜோன்ஆப்ஆர்க் சைலா தன்னிசையாக செயல்படுவதாக புகார் வந்ததன்பேரில் பள்ளியில் ஏற்கனவே விசாரணை நடத்தியுள்ளேன். மேலும் மாணவிகளை அடித்த புகார் மனு குறித்து தலைமை ஆசிரியை உமா ராணியிடமும், ஆசிரியை ஜோன்ஆப்ஆர்க் சைலாவிடமும் விளக்கம் கேட்டு அதன்பேரில் நடவடிக்கை எடுக்கப்படும் என சமாதானம் கூறினார். 

ஆசிரியர் தினத்தன்று கழுத்தை பிடித்து தூக்கிய இந்த  பிரச்சனை பூதாகரமாக கிளம்பியிருக்கிறது.

 

சார்ந்த செய்திகள்

Next Story

ஆசிரியர் நடத்திய கொடூர சோதனை; அவமானம் தாங்காமல் மாணவி எடுத்த விபரீத முடிவு!

Published on 19/03/2024 | Edited on 19/03/2024
A cruel experiment conducted by the teacher to student in karnataka

கர்நாடகா மாநிலம், பாகல்கோட்டை பகுதியில் அரசு பள்ளி ஒன்று செயல்பட்டு வருகிறது. இந்த பள்ளியில் 8ஆம் வகுப்பு படிக்கும் மாணவி ஒருவர், பள்ளியில் இருந்து கடந்த 16ஆம் தேதி வீடு திரும்பினார். வீடு திரும்பிய அவர், வீட்டில் உள்ளவர்கள் யாரிடமும் பேசாமல் சோகமாக இருந்ததாகக் கூறப்படுகிறது. இதனையடுத்து, வீட்டில் யாரும் இல்லாத நேரத்தில், மாணவி தூக்கு போட்டு தற்கொலை செய்து கொண்டுள்ளார்.

இதனை தொடர்ந்து, வெளியே சென்ற மாணவியின் பெற்றோர், வீட்டுக்கு வந்து பார்த்த போது, தங்களது மகள் தூக்கிட்டு தற்கொலை செய்துள்ளதை பார்த்து அதிர்ச்சியடைந்துள்ளனர். இந்த சம்பவம் குறித்து போலீசாருக்கு தகவல் கொடுக்கப்பட்டது. தகவல் அறிந்து சம்பவ இடத்திற்கு விரைந்து வந்த பாகல்கோட்டை போலீசார், மாணவியின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும், இந்த சம்பவம் குறித்து வழக்குப்பதிவு போலீசார் விசாரணை நடத்தி வந்தனர். 

அவர்கள் நடத்திய அந்த விசாரணையில், மாணவி படித்த பள்ளியில் ஆங்கில ஆசிரியராக ஜெயஸ்ரீ என்பவர் பணியாற்றி வந்துள்ளார். இந்நிலையில், ஜெயஸ்ரீ வைத்திருந்த பையில் இருந்த ரூ.2,000 பணத்தை காணவில்லை எனக் கூறப்படுகிறது. இதில் சந்தேகமடைந்த ஆசிரியர், 8ஆம் வகுப்பு படிக்கும் அந்த மாணவியை அழைத்து கேட்டுள்ளார். ஆனால், அந்த மாணவி, தான் அந்த பணத்தை எடுக்கவில்லை என்று கூறியுள்ளார். மாணவி உறுதியாக கூறியும் சந்தேகம் அடங்காத ஜெயஸ்ரீ, சக மாணவிகள் முன்னிலையில் மாணவியின் ஆடைகளை களைந்து சோதனை செய்துள்ளார்.

இதில், மன உளைச்சல் அடைந்த மாணவி, பள்ளி முடிந்ததும் மாலை வீடு திரும்பியுள்ளார். மேலும், அவர் சோகம் தாங்காமல் வீட்டில் யாரும் இல்லாத நேரத்தில் தூக்கு போட்டு தற்கொலை செய்து கொண்டுள்ளார் என்பது தெரியவந்தது. இதனையடுத்து, ஆங்கில ஆசிரியர் ஜெயஸ்ரீ மீது வழக்குப்பதிவு செய்து, போலீசார் தொடர்ந்து விசாரணை நடத்தி வருகின்றனர். இந்த சம்பவம், அந்தப் பகுதியில் பெரும் பரபரப்பை ஏற்படுத்தியுள்ளது. 

Next Story

கல்வித்துறையில் மற்றொரு சாதனை; தனியார் பள்ளியின் புதிய முயற்சி!

Published on 07/03/2024 | Edited on 07/03/2024
Private school's introduced AI teacher in kerala

உலகம் முழுவதும் செயற்கை நுண்ணறிவு (ஏ.ஐ) வளர்ச்சி அபரிமிதமாக இருக்கிறது. பெரும்பாலான துறைகளில் தற்போது செயற்கை நுண்ணறிவு தாக்கத்தை ஏற்படுத்தி வருகிறது. இது நமது வேலைகளைச் சுலபமாகவும் திறம்படவும் செய்து முடிக்கிறது.

இந்த செயற்கை நுண்ணறிவு வரவால், தகவல் தொழில்நுட்ப உலகில் மிகப்பெரிய மாற்றங்கள் ஏற்பட்டன. குறிப்பாக, மனிதர்கள் தொழில்நுட்பத்தில் செய்யக்கூடிய வேலைகளை, செயற்கை நுண்ணறிவின் மூலம் மிகவும் எளிதாக செய்ய முடியும். மேலும், இது கவிதைகள், கட்டுரைகள் மற்றும் கதைகள் எழுதும் திறன் படைத்தது என்பதுடன் மனிதனைப் போன்று கணினி குறியீடுகளையும் இதனால் எழுத முடியும். இந்த ஏ.ஐ தொழில்நுட்பம் மூலம் கணினி உள்ளிட்ட இயந்திரங்களுக்கு மனிதர்களைப் போன்ற சிந்தனைகளைக் கொடுக்க விஞ்ஞானிகள் முயன்று வருகின்றனர். 

அந்த வகையில், இந்தியாவில் முதல் முறையாக கேரள மாநிலத்தில் உள்ள ஒரு பள்ளியில் செயற்கை நுண்ணறிவு தொழில்நுட்பத்தில் உருவாக்கப்பட்ட ‘ரோபோ’ ஆசிரியரை அறிமுகம் செய்யப்பட்டுள்ளது. 

கேரளா மாநிலம், திருவனந்தபுரத்தில்  தனியார் பள்ளி ஒன்று இயங்கி வருகிறது. இந்த பள்ளியில் பயிலும் மாணவர்களுக்கு கற்பிக்கும் பணிக்காக ஏ.ஐ மூலம் உருவாக்கப்பட்ட ‘ரோபோ’ ஒன்று வடிவமைக்கப்பட்டுள்ளது. ‘ஐரிஸ்’ (IRIS) எனப் பெயரிடப்பட்டுள்ள இந்த ரோபோ ஆசிரியர், பள்ளி மாணவர்களுக்கு பாடம் சொல்லிக் கொடுப்பதோடு மட்டுமல்லாமல், மாணவர்களின் சந்தேகங்களையும் தீர்த்து வைக்கிறது. 

3 மொழிகளில் பேசவும், மாணவர்களின் கேள்விகளுக்குப் பதிலளிக்கவும் திறன் கொண்ட இந்த ரோபோவின் கால்களுக்கு அடியில் சக்கரங்கள் பொருத்தப்பட்டுள்ளன. இந்த சக்கரங்கள் மூலம், ரோபோ ஆசிரியர் ஒரு இடத்தில் இருந்து மற்றொரு இடத்துக்கு நகர்ந்து செல்ல முடியும். இந்த ரோபோவை ‘மேக்கர்ஸ் லேப்’ என்ற நிறுவனம் உருவாக்கியுள்ளது என்பது குறிப்பிடத்தக்கது.