Skip to main content

“ஆசிரியர் தகுதித்தேர்வு கட்டாயமில்லை” - சென்னை உயர்நீதிமன்றம் அதிரடி தீர்ப்பு

Published on 02/06/2023 | Edited on 02/06/2023

 

"Teacher qualification is not mandatory" - Madras High Court action verdict

 

2011 ஆம் ஆண்டுக்கு முன் சேர்ந்த ஆசிரியர்களுக்கு தகுதித் தேர்வு கட்டாயம் இல்லை என சென்னை உயர்நீதிமன்றம் தீர்ப்பளித்துள்ளது.

 

2011 ஆம் ஆண்டு ஆசிரியர் தகுதித் தேர்வு தமிழகத்தில் அறிமுகப்படுத்தப்பட்டது. அதற்கு முன் பணியில் சேர்ந்த ஆசிரியர்களுக்கு ஆசிரியர் தகுதித்தேர்வு கட்டாயம் இல்லை என சென்னை உயர்நீதிமன்றம் தற்போது தீர்ப்பளித்துள்ளது. மேலும் தேர்ச்சி பெறவில்லை என்றாலும் அவர்கள் பணியில் நீடிக்கலாம் என்று தெரிவித்துள்ளது. அதேசமயத்தில் பதவி உயர்வு என்று வரும் பொழுது அவர்களுக்கு ஆசிரியர் தகுதித் தேர்வு கட்டாயம் நடத்தப்பட வேண்டும் என்றும் தெரிவித்துள்ளார்கள். நேரடி நியமன ஆசிரியர்களுக்கு மட்டும் தகுதித்தேர்வை கட்டாயமாக்கும் அரசின் உத்தரவை ரத்து செய்து நீதிபதிகள் உத்தரவிட்டுள்ளனர்.

 

இந்த வழக்கின் பின்னணியாக மத்திய அரசு கடந்த 2009 ஆம் ஆண்டு கட்டாய கல்வி உரிமை சட்டத்தின் அடிப்படையில் ஆசிரியர்களாக நியமிக்கப்படுபவர்கள் ஆசிரியர் தகுதித்தேர்வில் 60% தேர்ச்சி பெற வேண்டும் என தமிழக அரசு 2011 ஆம் ஆண்டில் உத்தரவிட்டது. இதில் அனைத்து ஆசிரியர்களும் தேர்ச்சி பெற்றிருக்க வேண்டும் என்றும் கூறியிருந்தது. தேர்ச்சி பெறாதவர்களுக்கு வருடாந்திர அடிப்படையில் ஊதிய உயர்வையும் தமிழக அரசு நிறுத்தி வைத்திருந்தது. இந்த உத்தரவுகளை எதிர்த்து தொடரப்பட்ட வழக்குகளில் இருந்து உயர்நீதிமன்றம் இந்த உத்தரவை பிறப்பித்துள்ளது.

 


 

சார்ந்த செய்திகள்

 

Next Story

'இளையராஜா உரிமை கோர முடியாது'-எக்கோ நிறுவனம் வாதம்

Published on 13/06/2024 | Edited on 13/06/2024
'Ilayaraja cannot claim'-Echo company's argument

இசையமைப்பாளர் இளையராஜா 4,500 பாடல்களுக்கு உரிமை கோர முடியாது என எக்கோ நிறுவனம் உயர்நீதிமன்றத்தில் வாதங்களை வைத்துள்ளது.

இசையமைப்பாளர் இளையராஜாவின் 4,500 பாடல்களை பயன்படுத்த உரிமை உள்ளதாக எக்கோ நிறுவனம் சென்னை உயர்நீதிமன்றத்தில் மேல்முறையீடு வழக்கு தாக்கல் செய்து இருந்தது. இந்த வழக்கு இன்று பொறுப்பு தலைமை நீதிபதி மகாதேவன் மற்றும் முகமது ஷாபிக் ஆகியோர் அமர்வில் விசாரணைக்கு வந்தது. அப்போது எக்கோ நிறுவனம் சார்பில் ஆஜரான மூத்த வழக்கறிஞர் விஜய நாராயணன், சம்பளம் கொடுத்து இசை சேவையை பெறும் தயாரிப்பாளர் தான் பாடல்களின் முதல் காப்புரிமை உரிமையாளர்கள். மேலும் பதிப்புரிமை தொடர்பாக பட தயாரிப்பாளருடன் ஒப்பந்தம் செய்து 4500 பாடல்களை எக்கோ நிறுவனம் வாங்கியுள்ளது. இளையராஜா உடன் தாங்கள் எந்த ஒப்பந்தமும் செய்து கொள்ளவில்லை. இருப்பினும் 1990 ஆம் ஆண்டு வரை இளையராஜாவுக்கு ராயல்டி வழங்கி வந்ததாகவும் அதன்பின் நிறுத்திவிட்டதாகவும் வாதங்களை வைத்தார்.

இசையை திரித்தாலோ அல்லது பாடல் வரிகளை மாற்றினாலோ இசையமைப்பாளருக்கு தார்மீக உரிமை வரும். சமீபத்தில் தன்னுடைய பாடல் திரிக்கப்பட்டதாக 'மஞ்சள் மல்' பாய்ஸ் பட தயாரிப்பாளருக்கு இளையராஜா நோட்டீஸ் அனுப்பி இருந்தார் என எக்கோ நிறுவன வழக்கறிஞர் சுட்டிக்காட்டினார். அப்பொழுது இளையராஜாவை கௌரவப்படுத்தியதாக 'மஞ்சள் மல்' இயக்குநரும் தயாரிப்பாளரும் கூறியுள்ளதாக நீதிபதிகள் சுட்டிக்காட்டினார்.

இசையமைப்பாளர் ஏ.ஆர்.ரகுமான் பதிப்புரிமை யாருக்கும் வழங்குவதில்லை. ஆனால் இளையராஜா பட தயாரிப்பாளருக்கு தன்னுடைய உரிமை வழங்கி விட்டார். உரிமை வைத்திருக்க விரும்பினால் ஒப்பந்தம் செய்ய வேண்டும். எந்த ஒப்பந்தமும் செய்யாத நிலையில் இளையராஜா எந்த உரிமையும் கோர முடியாது என எக்கோ தரப்பு வாதங்களை வைத்தது. எக்கோ நிறுவன தரப்பு வாதங்கள் முடிந்த நிலையில் இளையராஜாவின் தரப்பு வாதத்திற்காக இந்த வழக்கு விசாரணை ஜூன் 19ஆம் தேதிக்கு ஒத்திவைக்கப்பட்டுள்ளது.

Next Story

யானைகள் உயிரிழப்பு சம்பவங்கள்; தமிழக மின் துறைக்கு நீதிமன்றம் எச்சரிக்கை

Published on 08/06/2024 | Edited on 08/06/2024
nn

மின்வேலியில் காட்டு யானைகள் சிக்கி உயிரிழப்பது தொடர்ந்தால் மின் வாரியத்திற்கு அதிக அபராதம் விதிக்க நேரிடும் என உயர்நீதிமன்றம் எச்சரிக்கை விடுத்துள்ளது.

ஓசூர், தர்மபுரி, நீலகிரி, கிருஷ்ணகிரி உள்ளிட்ட மாவட்டங்களில் வனத்தை ஒட்டிய பகுதிகளில் மின்வேலிகளில் யானைகள் சிக்கி உயிரிழப்பது தொடர் கதையாகி வருகிறது. சமீபத்தில் மின்வேலியில் சிக்கி யானைகள் உயிரிழப்பது அதிகமாகி வரும் நிலையில், சென்னை உயர்நீதிமன்றத்தில் வன விலங்குகள் பாதுகாப்பு தொடர்பான வழக்குகளை விசாரிக்கக் கூடிய டிவிஷன் பென்ஷன் நீதிபதிகள் சதீஷ்குமார், பரத சக்கரவர்த்தி ஆகியோர் அடங்கிய சிறப்பு அமர்வு முன்பு வழக்கு விசாரணைக்கு வந்தது.

'மின்வேலியில் தொடர்ந்து யானைகள் இப்படி சிக்கி உயிரிழப்பதைத் தடுக்கும் வகையில் தேவையான பாதுகாப்பு உபகரணங்களைக் கொள்முதல் செய்ய வேண்டும்; இதற்கான டெண்டர் இறுதி செய்யப்படவில்லை. ஏன் இதற்கு இவ்வளவு காலதாமதம் ஆகிறது?' என நீதிபதிகள் கேள்வி எழுப்பினர். அப்போது அரசு தரப்பு வழக்கறிஞர் 'யானைகள் மின்வேலியில் சிக்கி இறப்பதைத் தடுப்பதற்கு பாதுகாப்பு கருவிகள் கொள்முதல் செய்வதற்கான டெண்டர் இறுதி செய்யப்பட்டு விட்டது. நிதி ஒதுக்கீடு தொடர்பான ஒப்புதல் மட்டும் நிலுவையில் உள்ளது. தேர்தல் நடத்தை விதிமுறைகள் இருந்ததால் இவை தாமதமானது' எனத் தெரிவித்தார். யானைகள் தொடர்ந்து மின்வேலியில் சிக்கி உயிரிழப்பதைத் தடுக்க அரசு தீவிரமாக உரிய நடவடிக்கை எடுக்க வேண்டும். இல்லை என்றால் தமிழக மின்வாரியத்திற்கு கடுமையான உத்தரவுகள் பிறப்பிக்கப்படுவதோடு, அபராதம் விதிக்கப்படும்' என எச்சரித்தனர்.