Skip to main content

பூட்டிய டாஸ்மாக் கடையில் மதுபாட்டில்களைத் திருடிய ஊழியர்கள் உள்பட 4 பேர் கைது!

Published on 31/03/2020 | Edited on 31/03/2020


உலக நாடுகளே கரோனா வைரஸ் பீதியில் தவித்துக் கொண்டிருக்க இந்தியாவும் 21 நாட்கள் ஊரடங்கு உத்தரவு பிறப்பித்து மக்களை வெளியே நடமாடக் கூடாது என்று அறிவுறுத்திக் கொண்டிருக்கிறது. அதையும் மீறி சாலைக்கு வரும் மக்களைக் காவல்துறையினர் அறிவுரைகள் கூறி வீடுகளுக்கு அனுப்பி வைக்கின்றன. அதையும் கேட்காமல் மறுபடியும் வீதிக்கு வந்து சுற்றி வருபவர்களைப் பிடித்து வாகனங்களைப் பறிமுதல் செய்து வழக்குப் பதிவு செய்யும் காவல்துறையினர், அவர்களுக்கு நூதன தண்டனைகளையும் கொடுத்து வருகின்றனர். மேலும் அத்தியாவசிய பொருட்கள் வாங்கும் பொதுமக்களுக்கு எந்த இடையூறும் செய்யாமல் அனுப்பி வைக்கப்படுகின்றனர்.
 

tasmac shop liquor thanjavur district thiruvonam police


இந்த சந்தர்ப்பத்தைப் பயன்படுத்தி கூடுதல் விலைக்குக் கள்ளத்தனமாக மது விற்பனை செய்யும் கூட்டங்களும் தமிழ்நாட்டில் அலைந்து கொண்டு தான் இருக்கிறது. நேற்று (30/03/2020) மதியம் புதுக்கோட்டை மாவட்டம் வடகாட்டில் 300 பாட்டில்களுடன் அ.தி.மு.க நிர்வாகி பிடிபட்டார்.

அதேபோல தஞ்சாவூர் மாவட்டம் திருவோணம் அருகில் உள்ள வீரடிப்பட்டி கிராமத்தில் உள்ள டாஸ்மாக் கடையை நேற்று முன்தினம் (29/03/2020) இரவு திறந்த அந்த கடையில் சூப்பர்வைசர் அரங்கசாமி மற்றும் விற்பனையாளர் சவுன்தராஜன் ஆகியோர் தயாராகக் கொண்டு வந்து நிறுத்தியிருந்த மினி டெம்போவில் மதுப்பாட்டில்களை ஏற்றிக் கொண்டிருந்தனர். அவர்களுக்குத் துணையாக மேலும் இருவர் பாட்டில்களைப் பெட்டி பெட்டியாக வாங்கி அடுக்கிக் கொண்டிருந்தனர். இதனைப் பார்த்த அக்கிராம மக்கள் வாகனத்தைச் சிறைபிடித்துக் கொண்டு திருவோணம் போலீசாருக்குத் தகவல் கொடுத்தனர். 
 

tasmac shop liquor thanjavur district thiruvonam police


அங்கு வந்த சப்- இன்ஸ்பெக்டர் டேவிட் மற்றும் போலீசார் அவர்களிடம் விசாரணை நடத்திய போது முன்னுக்குப்பின் முரணாகப் பதில் சொன்னதால் மாவட்ட டாஸ்மாக் மேலாளரிடம் தகவல் கேட்ட போது கடைகளைத் திறக்க அனுமதி இல்லை என்று பதில் கூறியுள்ளார். அதனால் ஊரடங்கு நாளில் கள்ளத் தனமாக அதிக விலைக்கு விற்பனை செய்யப் பூட்டிய கடையில் இருந்து டாஸ்மாக் மது வகைகளைத் திருடிய சூப்பர்வைசர் மற்றும் கடை விற்பனையாளர் மற்றும் அவர்களுக்குத் துணையாக வந்த இருவரையும் கைது செய்ததுடன் 700 மதுபாட்டில்களையும், வாகனத்தையும் பறிமுதல் செய்தனர். 

நாடே கரோனா வைரஸ் பயத்தில் இருக்கும் போது இந்த நேரத்தில் சம்பாதிக்க நினைப்பவர்களை என்ன சொல்வதோ?

 

சார்ந்த செய்திகள்

Next Story

எல்.முருகன் மீது வழக்குப் பதிவு

Published on 29/03/2024 | Edited on 29/03/2024
Case registered against L. Murugan

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

அரசியல் கட்சிகள் தீவிரமான தேர்தல் பரப்புரையில் இறங்கிய நிலையில், மறுபுறம் தேர்தல் பறக்கும் படையினர் பல்வேறு இடங்களில் அதிரடி சோதனைகளில் இறங்கியுள்ளனர். இந்நிலையில், தேர்தல் நடத்தை வழிமுறைகளை மீறியதாக நீலகிரி பாஜக வேட்பாளர் எல்.முருகன் மீது வழக்குப் பதிவு செய்யப்பட்டுள்ளது.

கடந்த 25 ஆம் தேதி வேட்புமனு தாக்கல் செய்ய வந்த மத்திய இணை அமைச்சரும் நீலகிரி நாடாளுமன்றத் தொகுதி பாஜக வேட்பாளருமான எல்.முருகன் பல்வேறு கோவிலுக்கு சென்று வழிபாடு நடத்தியதுடன் உதகை அருகே உள்ள கிராமம் ஒன்றுக்குச் சென்று எந்த அனுமதியும் பெறாமல் 100க்கும் மேற்பட்டோர் ஆலோசனையில் ஈடுபட்டதாக கூறப்பட்டது. இதுகுறித்து தேர்தல் பறக்கும் படையின் தலைவராக உள்ள துணை வட்டாட்சியர் தனலட்சுமி தேனாடுகம்பை காவல் நிலையத்தில் புகார் அளித்திருந்தார். இந்த புகாரின் அடிப்படையில் தேர்தல் நடத்தைகளை மீறியதாக எல்.முருகன் மீது போலீசார் வழக்குப் பதிவு செய்யப்பட்டுள்ளது.

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.