மிக கனமழைக்கு வாய்ப்பு; வானிலை ஆய்வு மையம் எச்சரிக்கை

கடந்த ஒரு வாரமாக தமிழகத்தின் பெரும்பாலான இடங்களில் மழை பெய்து வருகிறது. அந்த வகையில் இன்றும் நாளையும் பல்வேறு இடங்களில்மழை பெய்ய வாய்ப்புள்ளதாகவானிலை ஆய்வு மையம் சார்பில் தெரிவிக்கப்பட்டுள்ளது.

சென்னை வானிலை ஆய்வு மையம் வெளியிட்டுள்ள அறிவிப்பில் திருப்பூர், ஈரோடு, சேலம், தருமபுரி, கிருஷ்ணகிரி, திண்டுக்கல், தேனி, திருநெல்வேலி, தென்காசி மற்றும் கன்னியாகுமரி ஆகிய 10 மாவட்டங்களில் இன்று கனமழை பெய்ய வாய்ப்பு இருப்பதாக அறிவிக்கப்பட்டுள்ளது.

மேலும் நீலகிரி மற்றும் கோயம்புத்தூர் ஆகிய இரு மாவட்டங்களில் இன்றும்நாளையும் மிக கனமழைக்கு வாய்ப்புள்ளதாக வானிலை ஆய்வு மையம் சார்பில் எச்சரிக்கை விடுக்கப்பட்டுள்ளது.