Skip to main content

2000 உதவித்தொகைக்கு கணக்கெடுப்பு; அதிகாரிகளை முற்றுகையிட்ட டிஒய்எப்ஐ!

Published on 15/02/2019 | Edited on 15/02/2019

 

mu


தமிழகத்தில் வறுமைக் கோட்டிற்குக் கீழ் உள்ள 60 லட்சம் குடும்பங்களுக்கு தலா 2 ஆயிரம் ரூபாய் வழங்கப்படும் என்று தமிழக அரசு அறிவித்தது. இத்தொகை நடப்பு பிப்ரவரி இறுதிக்குள் அவரவர் வங்கிக் கணக்கில் நேரடியாக செலுத்தப்படும் என்றும் முதல்வர் எடப்பாடி பழனிசாமி கூறினார்.


இதையடுத்து வறுமைக்கோட்டிற்குக் கீழ் உள்ள அமைப்புசாரா தொழிலாளர்கள், விவசாயிகள் குறித்து கணக்கெடுக்கும் பணிகள் நடந்து வருகிறது. சேலம் மாநகராட்சி பகுதிகளிலும் பயனாளிகள் குறித்து பட்டியல் தயாரிக்கும் பணிகள் தொடங்கப்பட்டுள்ளது. 


சேலம் சின்னேரிவயல்காடு பகுதியில் சுகாதார அதிகாரிகள் வியாழக்கியமை (பிப்ரவரி 14ம் தேதி) வீடு வீடாகச் சென்று வறுமைக் கோட்டிற்குக் கீழ் உள்ளவர்கள் குறித்து கணக்கெடும் பணிகளில் ஈடுபட்டனர். வீட்டில் உள்ளவர்களிடம் ஆதார் அட்டை, வங்கி கணக்கு புத்கக நகல் உள்ளிட்ட ஆவணங்களை அலுவலர்கள் கேட்டனர். 


இதற்கு அந்தப் பகுதியைச் சேர்ந்த இந்திய ஜனநாயக வாலிபர் சங்க நிர்வாகிகள் சிலர், எதற்காக இந்த ஆவணங்களைக் கேட்கிறீர்கள் என்று கேட்டு அலுவலர்களை முற்றுகையிட்டனர். இதனால் அதிகாரிகள் அந்த இடத்தில் இருந்து கிளம்ப முடியாமல் தவித்தனர்.


இதுகுறித்து தகவல் அறிந்த சேலம் பள்ளப்பட்டி காவல்துறையினர் நிகழ்விடம் விரைந்து சென்றனர். ஆதார், வங்கி கணக்கு புத்தக நகல் ஆவணங்களின் நகல்கள் இருந்தால்தான் அரசு அறிவித்த உதவித்தொகையைப் பெற முடியும் என்றும், அரசு அதிகாரிகளை பணி செய்ய விடாமல் தடுப்பது சட்டத்துக்கும் புறம்பானது என்றும் பொதுமக்களிடம் கூறினர். 


இதையடுத்து அங்குள்ள டிஒய்எப்ஐ நிர்வாகிகள், பொதுமக்கள் சமாதானம் அடைந்தனர். பின்னர் அதிகாரிகள் பயனாளிகள் கணக்கெடுப்புப் பணிகளில் ஈடுபட்டனர். இதனால் சின்னேரிவயல் காடு பகுதியில் சிறிது நேரம் பரபரப்பு ஏற்பட்டது.

சார்ந்த செய்திகள்

Next Story

தொடங்கியது வேட்புமனு பரிசீலனை

Published on 28/03/2024 | Edited on 28/03/2024
Scrutiny of nominations has begun

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

நேற்று வேட்புமனு தாக்கல் முடிந்த நிலையில், இன்று வேட்புமனு பரிசீலனை நடைபெற்று வருகிறது. சேலத்தில் திமுக வேட்பாளராக அறிவிக்கப்பட்ட செல்வ கணபதியின் வேட்புமனு நிறுத்தி வைக்கப்பட்டுள்ளது. இரட்டை வாக்குரிமை சர்ச்சை காரணமாக அவருடைய வேட்புமனு நிறுத்தி வைக்கப்பட்டுள்ளது. திருச்சியில் மதிமுக சார்பில் போட்டியிடும் துரை வைகோவின் மனு ஏற்கப்பட்டுள்ளது. திருச்சியில் அமமுக சார்பில் போட்டியிடும் செந்தில்நாதன் வேட்புமனு ஏற்கப்பட்டுள்ளது.

மதுரை தொகுதியில் அதிமுக, பாஜக, நாம் தமிழர் வேட்பாளர்களின் மனுக்கள் ஏற்கப்பட்டுள்ளன. நாமக்கல் தொகுதியில் திமுக, அதிமுக, பாஜக, நாம் தமிழர் கட்சிகளின் வேட்பு மனுக்கள் ஏற்கப்பட்டுள்ளது. மத்திய சென்னையில் போட்டியிடும் திமுக வேட்பாளர் தயாநிதி மாறன் மனு ஏற்கப்பட்டுள்ளது. தென் சென்னையில் போட்டியிடும் திமுக வேட்பாளர் தமிழச்சி தங்கபாண்டியன் மனு ஏற்கப்பட்டுள்ளது. பாஜக வேட்பாளர் வினோத் பி. செல்வம் மனுவை ஏற்றுக்கொள்ளக்கூடாது என திமுக தரப்பு எதிர்ப்பு தெரிவித்துள்ளது. மனுவை முழுமையாகப் பூர்த்தி செய்து தராததால் திமுக எதிர்ப்பு தெரிவித்துள்ளது. வினோத் பி. செல்வத்தின் மனுவை மறு ஆய்வு செய்ய வேண்டும் என திமுக தரப்பு கோரிக்கை வைத்துள்ளதால் பரபரப்பு ஏற்பட்டுள்ளது.

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.