Skip to main content

கல்லூரிகளில் சமோசா, குர்குரே, லேஸ் மற்றும் காலிபிளவர் பக்கோடாவிற்கு தடை!

Published on 31/08/2019 | Edited on 31/08/2019

கல்லூரிகளில் சில உணவு பொருட்களுக்கு தடை விதித்து உணவு பாதுகாப்பு துறை அதிரடியாக உத்தரவு போட்டது. சென்னை எத்திராஜ் கல்லூரியில் உணவுபொருள் பாதுகாப்புத் துறை சார்பாக விழிப்புணர்வு நிகழ்ச்சி நடந்தது. அதில் தமிழக உணவுபொருள் பாதுகாப்புத்துறை கூடுதல் ஆணையர் வனஜா தலைமையில் நடைபெற்றது.  அப்போது பேசிய வனஜா, எந்த மாதிரி உணவுகள் உடலுக்கு கேடு விளைவிக்கும் என்பது குறித்து கலந்துரையாடினார். 
 

samosa



குறிப்பாக கல்லூரி கேண்டீன்களில் உடலுக்கு கேடு விளைவிக்கும் சமோசா, குர்குரே, லேஸ், கலர் கலந்த காலிபிளவர் பக்கோடா, மற்றும் துரித உணவு வகைகள் விற்பதை அனுமதிக்க கூடாது என்று கல்லூரி நிர்வாகங்களை கேட்டுக் கொண்டார். இதனையடுத்து மாணவ, மாணவிகளின் உடலுக்கு கேடு விளைவிக்கும் சமோசா, குர்குரே, லேஸ், கலர் கலந்த காலிபிளவர் பக்கோடா, மற்றும் துரித உணவு வகைகள் விற்பதை அனுமதிக்க கூடாது என்று கல்லூரி நிர்வாகங்களை கேட்டுக் கொண்டதை அடுத்து இந்த உத்தரவு பிறப்பிக்கப்பட்டுள்ளது. தடையை மீறி விற்பனை செய்யும் கேண்டீன் நிர்வாகம் மீது கடும் நடவடிக்கை எடுக்கப்படும் என்றும் எச்சரிக்கை விடுத்துள்ளனர். 

சார்ந்த செய்திகள்

 

Next Story

'கல்லூரி விடுதியில் 20 சதவீத இட ஒதுக்கீடு வேண்டும்' - ஆட்சியரிடம் மனு அளித்த மாணவர்கள்

Published on 15/07/2024 | Edited on 15/07/2024
'20 percent reservation in college hostel'-Students who petitioned the judge

ஈரோடு மாவட்டம் மொடக்குறிச்சி அருகே செயல்பட்டு வரும் அரசு கலை மற்றும் அறிவியல் கல்லூரி விடுதியில் பட்டியலின சமூகத்தினருக்கு 20 சதவீத இட ஒதுக்கீடு வழங்கக் கோரி கல்லூரி மாணவ மாணவிகள் ஆட்சியரகத்தில் மனு அளித்தனர்.

ஈரோடு மாவட்டம் மொடக்குறிச்சி அடுத்துள்ள எழுமாத்தூர் பகுதியில் செயல்பட்டு வரும் அரசு கலை மற்றும் அறிவியல் கல்லூரியில் ஏராளமான மாணவ மாணவிகள் கல்வி பயின்று வருகின்றனர். இந்நிலையில் இக்கல்லூரியில் உள்ள தங்கும் விடுதியில் பிற்படுத்தப்பட்டோர் பிரிவைச் சேர்ந்த மாணவர்களுக்கு மட்டும் அனுமதி வழங்கப்படுவதாகவும், பட்டியலினத்தைச் சேர்ந்த மாணவ மாணவிகளுக்கு பவானி போன்ற பகுதிகளில் விடுதி அமைக்கப்பட்டுள்ளதாகவும் கூறப்படுகிறது. இந்நிலையில், தொலை தூரத்தில் உள்ள விடுதியில் தங்கியிருந்து கல்லூரிக்கு வருவதால் பல்வேறு சிரமங்கள் ஏற்பட்டு கல்வி பாதிக்கப்படுவதாகவும்,  இதனால் கல்லூரியில் உள்ள விடுதியில் பட்டியலின சமூகத்தினருக்கு 20 சதவீதம் இட ஒதுக்கீடு ஏற்படுத்தித் தர வேண்டும் எனக் கூறி மாவட்ட ஆட்சியரகத்தில் கல்லூரி மாணவ மாணவிகள் கோரிக்கை மனு அளித்தனர்.

Next Story

மதுபோதையில் கல்லூரி பேருந்தை இயக்கிய ஓட்டுநர்; கதிகலங்கிய மாணவர்கள்

Published on 24/06/2024 | Edited on 24/06/2024
bus carrying college students was driving under influence of liquor

ராணிப்பேட்டை மாவட்டம் மேல்விஷாரம் பகுதியைச் சேர்ந்தவர் ஹாஜி பாஷா (26). இவர் மேல்விஷாரம் பகுதியில் உள்ள அப்துல் ஹக்கீம் தனியார் கல்லூரியில் ஓட்டுநராக பணிபுரிந்து வருகிறார். இவர் இன்று மாணவர்களை ஏற்றிக்கொண்டு பாகாயம் நோக்கி பேருந்தை இயக்கியுள்ளார். 

பணியின் போது மது போதையில் இருந்த ஹாஜி பாஷா மாணவர்கள் அச்சப்படும் வகையில் அஜாக்கிரதையாக சாலையில் அங்குமிங்கும் ஆட்டியபடி பேருந்து ஓட்டியுள்ளார். சுமார் 20 கிலோ மீட்டர் தூரத்திற்கு மேலாக மாணவர்கள் கத்தி கூச்சலிட்டு வந்துள்ளனர். பின்னர் பேருந்தில் பயணித்த மாணவர்கள் தங்களின் பெற்றோர்களுக்கு தெரியப்படுத்தியதைத் தொடர்ந்து, வேலூர் கோட்டை எதிரே உள்ள தெற்கு காவல் நிலைய பகுதியில் ஒரு மாணவனின் பெற்றோர் பேருந்தை நிறுத்தி ஓட்டுநரை காவல் நிலையத்தில் ஒப்படைத்துள்ளார்.

பின்னர் ஓட்டுநர் மீது வழக்கு பதிவு செய்த தெற்கு காவல் நிலைய போலீசார் மது போதையில் பேருந்து இயக்கிய குற்றத்திற்காக சுமார் 15,000 அபராதம் விதித்து அனுப்பி வைத்தனர். கல்லூரி மாணவர்கள் பயணித்த பேருந்தை ஓட்டுநர் மது போதையில் இயக்கிய சம்பவம் பரபரப்பு ஏற்படுத்தி உள்ளது.