'தலைமைச் செயலாளர் பதவிக்காலம் நீட்டிப்பு'!

தமிழக தலைமைச் செயலாளர் கே.சண்முகத்தின் பதவிக்காலம் மேலும் மூன்று மாதங்களுக்கு நீட்டிக்கப்பட்டுள்ளது. தமிழக அரசின் பரிந்துரையை ஏற்று, 2021- ஆம் ஆண்டு ஜனவரி 31- ஆம் தேதி வரை கே.சண்முகத்தின் பதவிக்காலத்தை நீட்டித்து மத்திய அரசு உத்தரவிட்டுள்ளது.

இம்மாத இறுதியில் கே.சண்முகத்தின் பதவிக்காலம் முடியவிருந்த நிலையில், பதவிக்காலத்தை நீட்டிக்க மத்திய பணியாளர் நிர்வாகத் துறைக்கு கடந்த ஆகஸ்ட் மாதம் 13- ஆம் தேதி தமிழக அரசு கடிதம் எழுதியிருந்தது. இந்த நிலையில் தமிழக தலைமைச் செயலாளரின் பதவிக்காலம் நீட்டிக்கப்பட்டுள்ளது என்பது குறிப்பிடத்தக்கது.