தமிழக சட்டப்பேரவை தேதி குறிப்பிடாமல் ஒத்திவைப்பு!

தமிழக சட்டப்பேரவையை தேதி குறிப்பிடப்படாமல் ஒத்திவைத்தார் சபாநாயகர் தனபால்.

2020- 2021 ஆம் ஆண்டிற்கான தமிழக பட்ஜெட்டை தமிழக துணை முதல்வரும், நிதியமைச்சருமான ஓ.பன்னீர் செல்வம் கடந்த பிப்ரவரி 14- ஆம் தேதி சட்டப்பேரவையில் தாக்கல் செய்தார். அதைத் தொடர்ந்து பட்ஜெட் உரை மீதான விவாதம் நடந்து வந்தது. இதில் சட்டப்பேரவையில் விதி எண் 110-ன் கீழ் பல்வேறு முக்கிய அறிவிப்புகளை முதல்வர் வெளியிட்டார்.

ஐந்தாவது நாளான இன்று (20/02/2020) முதல்வர் பழனிசாமி தாக்கல் செய்த "தமிழ்நாடு பாதுகாக்கப்பட்ட வேளாண் மண்டல மேம்படுத்துதல்" மசோதா சட்டப்பேரவையில் நிறைவேற்றப்பட்டது. இந்த நிலையில்சட்டப்பேரவையை தேதி குறிப்பிடப்படாமல் சபாநாயகர் தனபால் ஒத்திவைத்துள்ளார்.