தமிழர் முகவரி கீழடி!
-அங்கு
தன்னிக ரில்லாத்
தமிழ்மகள் வைத்தாள்
தன்னிரு சுடர்விடும் காலடி!
.
தமிழர்க் கிணையாய் யாரடி?
- அன்று
தழைத்துக் கிளைத்த
தமிழ்ப்பண் பாடே
தகைமிகும் உலகின் தாய்மடி!
வையைக் கரையில் விடிந்தது
-நம்
வாழ்த்துக் குரிய
முன்னோர் வாழ்ந்த
வாழ்க்கை அங்கே படிந்தது!
.
கையறு ஆரியம் முடிந்தது
-அவர்
கையால் அளந்த
கற்பனை நீளம்
கலைந்ததில் அவர்திமிர் மடிந்தது!
