Breaking

"கேந்திரிய வித்யாலயா பள்ளிகளில்" மாணவர்கள் சேர்க்கைக்கான விண்ணப்ப விநியோகம் தொடங்கியது !

Photographer

Published on 18/03/2019 | Edited on 18/03/2019

மத்திய மனித வள மேம்பாட்டு துறை அமைச்சகத்தின் கீழ் "கேந்திரிய வித்யாலயா பள்ளிகள்" (Kendriya Vidyalaya Schools) இந்தியா முழுவதும் சுமார் 1128 பள்ளிகள் இயங்கி வருகின்றனர். இதில் தமிழகத்தில் சென்னை , கோவை , கல்பாக்கம் , தர்மபுரி , அரக்கோணம் , திருச்சி உட்பட பல மாவட்டங்களில் 42 பள்ளிகள் இயங்கி வருகின்றனர். மேலும் புதுச்சேரி மாநிலத்தில் 3 கேந்திரிய வித்யாலயா பள்ளிகள் (Kendriya Vidyalaya Schools) இயங்கி வருவது குறிப்பிடத்தக்கது. இந்த பள்ளிகளில் 2019- 2020 ஆண்டுக்கான (Admission) மாணவர்கள் சேர்க்கைக்கான விண்ணப்ப விநியோகம் தொடங்கியது. இதன் படி ஒன்றாம் வகுப்பிற்கான விண்ணப்ப விநியோகம் 01/03/2019 அன்று காலை 8.00 AM மணி முதல் தொடங்கும் எனவும் , விண்ணப்பிக்க கடைசி நாள் 19/03/2019 அன்று மாலை 4.00 PM மணிக்கு நிறைவடையும் என கேந்திரிய வித்யாலயா பள்ளிகள் இயக்குநரகம் தனது சுற்றறிக்கையில் தெரிவித்துள்ளது.

மேலும் இரண்டாம் வகுப்பு முதல் பதினொன்றாம் வகுப்பு வரையிலான மாணவர்கள் சேர்க்கை விண்ணப்பம் தொடங்கும் நாள் 02/04/2019 அன்று காலை 8.00 AM மணி முதல் 09/04/2019. அன்று மாலை 4.00 PM மணி வரை விண்ணப்பிக்கலாம் என கேந்திரிய வித்யாலயா பள்ளிகள் இயக்குநரகம் தனது சுற்றறிக்கையில் தெரிவித்துள்ளது. அதேபோல் இணையதளம் மூலம் மட்டுமே மாணவர்கள் சேர்க்கைகான விண்ணப்பங்கள் விண்ணப்பிக்க வேண்டும் என்று தெரிவித்துள்ளது. ஒன்றாம் வகுப்பிற்கு (1st Standard) விண்ணப்பிக்க இதற்கான இணையதள முகவரி : https://kvsonlineadmission.in . இரண்டாம் வகுப்பு (2nd Standard) முதல் பதி்னொன்றாம் வகுப்பு (11th standard) வரை விண்ணப்பிக்க இதற்கான இணையதள முகவரி : www.kvsangathan.nic.in ஆகும். மேலும் மாணவர்களின் பெற்றோர்கள் மொபைலில் எளிதில் விண்ணப்பிக்கும் வகையில் மொபைல் செயலியை (Mobile Application) மத்திய அரசு அறிமுகப்படுத்தியுள்ளது. இதற்கான இணையதள முகவரி : https://kvsonlineadmission.in/apps/. மேலும் இது தொடர்பான முழு விபரங்களுக்கு இணைய தள முகவரி : www.kvsangathan.nic.in என்ற இணைய தளத்திற்கு சென்று மாணவர்கள் சேர்க்கைக்கு தேவையான ஆவணங்கள் மற்றும் விவரங்களை அறிந்து கொண்டு இணையதளம் மூலம் விண்ணப்பிக்கலாம்.

இதில் மக்களவை உறுப்பினர்கள் மற்றும் மாநிலங்களவை உறுப்பினர்களுக்கென தனி ஒதுக்கீட்டின் கீழ் கேந்திரிய வித்யாலயா பள்ளிகளில் பொதுமக்கள் தங்கள் குழந்தைகளை பள்ளியில் சேர்க்கலாம் என்பது குறிப்பிடத்தக்கது. இவ்வகை பள்ளிகளில் முன்னால் ராணுவ வீரர்கள் , மத்திய பாதுகாப்பு படை வீரர்கள் , மத்திய அரசு ஊழியர்கள் , மத்திய விமானப்படை ஊழியர்கள் , மத்திய ரயில்வே துறை ஊழியர்கள் உட்பட அனைத்து மத்திய அரசின் ஊழியர்களின் குழந்தைகளுக்கும் இப்பள்ளிகளில் மாணவர்கள் சேர்க்கைக்கு அதிக முக்கியத்துவம் தருவது என்பது குறிப்பிடத்தக்கது. இதற்காக தான் சமீபத்தில் நாடு முழுவதும் சுமார் 50 புதிய கேந்திரிய வித்யாலயா பள்ளிகள் தொடங்க மத்திய அமைச்சரவை ஒப்புதல் வழங்கியுள்ளது குறிப்பிடத்தக்கது. இதில் தமிழகத்தில் புதியதாக நான்கு பள்ளிகள் தொடங்க மத்திய அமைச்சரவை ஒப்புதல் அளித்துள்ளது.

இந்த பள்ளியில் (Right To Education Act -2009 ) சட்டத்தின் கீழ் ஏழை , எளிய குழந்தைகள் விண்ணப்பிக்கலாம். இதற்காக 25% இட ஒதுக்கீடு வழங்கப்படும் என்பது குறிப்பிடத்தக்கது. மேலும் கேந்திரிய வித்யாலயா பள்ளியில் பயிலும் மாணவர்கள் எவ்வித கட்டணமும் செலுத்த தேவையில்லை. கல்வி கட்டணம் முற்றிலும் இலவசம். இந்த பள்ளிகள் குறித்து தமிழக மக்களுக்கு அதிகளவிற்கு தெரியாது. இனி வரும் காலங்களில் இது குறித்து தமிழக அரசு விழிப்புணர்வை ஏற்படுத்த வேண்டும் என்பது அனைவரின் கருத்தாக உள்ளது.

பி.சந்தோஷ் ,சேலம்.

விரிவான அலசல் கட்டுரைகள்

சார்ந்த செய்திகள்

பகத்சிங்

Photographer

Published on 18/04/2024 | Edited on 18/04/2024

17th century warrior headstone Kantipudi

சேலம் மாவட்டம், மாதநாயக்கன்பட்டி பெருந்தலைவர் காமராசர் நினைவு அரசு மேல்நிலைப்பள்ளி தொன்மை பாதுகாப்பு மன்றத்தின் தலைவர் தலைமை ஆசிரியர், பொறுப்பு ஆசிரியர்களாக அன்பரசி, விஜயகுமார் ஆகியோர் உள்ளனர். இப்பள்ளி மாணவர்கள் கொடுத்த தகவலின்படி ஆசிரியர்களும், மாணவர்களும் களப்பயணத்தின் போது வீரனின் நடுகல் ஒன்று கண்டறியப்பட்டது.

பொது ஆண்டு 17 ஆம் நூற்றாண்டைச் சேர்ந்த இந்த நடுகல்லில் எழுத்துகள் எதுவும் இல்லை. கல்பூமியின் மேற்பரப்பில் 2 அடி உயரமும் 1.5 அடி அகலம் கொண்டது. இந்த நடுகல்லை சுற்றி கல்திட்டை போன்ற அமைப்பும் உள்ளது . நடுகல்லில் போர் வீரனின் சிற்பம் உள்ளது.
வேட்டைக்கு சென்று இறந்ததற்காக எடுக்கப்பட்ட நடுகல்லாக இருக்கலாம். ஆலிடாசனம் நிலையில் வில்லில் நாணில் அம்பு எய்துவது போன்றும், இடுப்பில் குரு வாளும், காதில் பத்ர குண்டலமும், கழுத்தில் சரப்பளி, சவுடி, முத்தாரம் அணிகலன் அணிந்திருப்பது போன்றும் கையில் தோள்வளை இருப்பது போன்ற உருவமைப்பு உள்ளது.

இப்பகுதி தாருகாவனத்திற்க்கு அருகில் இருப்பதால் இந்த வீரன் வேட்டுவ தலைவனாக இருக்கலாம். இந்த நடுகல் எல்லாம் அவர்களின் நினைவைப் போற்றும் வகையில் வைக்கப்பட்டதாகும். தொன்மை பாதுகாப்பு மன்றத்தின் சார்பாக தொல்லியல் சார்ந்த வரலாற்று தகவல்களையும், அதனை பற்றிய விழிப்புணர்வையும் இன்றை இளைய தலைமுறை மாணவர்களுக்கு கொண்டு சேர்ப்பது தான் தொன்மை பாதுகாப்பு மன்றத்தின் நோக்கமாகும் என்கின்றனர் தொன்மை பாதுகாப்பு மன்ற ஆசிரியர்கள்.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 11/04/2024 | Edited on 11/04/2024

School bus incident The reason given by the student

ஹரியானா மாநிலம் மகேந்திரகர் அருகே கனினா என்ற இடத்தில் தனியார் பள்ளிப் பேருந்து விபத்துக்குள்ளானதில் 5 மாணவர்கள் உயிரிழந்தனர். மேலும் பேருந்தில் இருந்த 15 மாணவர்கள் காயமடைந்துள்ளனர். காயமடைந்த மானவர்கள் மருத்துவமணையில் சிகிச்சைக்காக அனுமதிக்கப்பட்டுள்ளனர். இந்த விபத்தில் காயமடைந்த மாணவர்களை ஹரியானா கல்வி அமைச்சர் சீமா த்ரிகா நேரில் சந்தித்து நலம் விசாரித்தார்.

இதனைத் தொடர்ந்து அவர் செய்தியாளரிடம் பேசுகையில், “நான் இப்போதுதான் மாத்ரிகா மருத்துவமனைக்கு வந்தேன். மூன்று குழந்தைகளை மட்டுமே சந்தித்தேன். மூவரும் காயமடைந்துள்ளனர். அவர்களின் உடைகள் முழுவதும் ரத்தம் உள்ளது. மருத்துவர்களின் அறிவுரைப்படி இங்கு உரிய சிகிச்சை அளிக்க முடியும்; சிலருக்கு பலத்த காயங்கள் உள்ளன” எனத் தெரிவித்தார்.

இந்த விபத்தில் காயமடைந்த மாணவர் ஒருவர் கூறுகையில், “பேருந்து ஓட்டுனர் குடிபோதையில் 120 கி.மீ. வேகத்தில் பள்ளிப் பேருந்தை ஓட்டினார். இதனால் கட்டுப்பாட்டை இழந்த பேருந்து கவிழ்ந்து விபத்து ஏற்பட்டது” எனத் தெரிவித்தார். இந்தச் சம்பவம் மக்கள் மத்தியில் பெரும் அதிர்ச்சியையும் பரபரப்பையும் ஏற்படுத்தியுள்ளது.