Breaking

ஆசிரியர்கள் துணையுடன் கல்லூரியில் கிராவல் மண் திருட்டு..?

Photographer

Published on 20/01/2020 | Edited on 20/01/2020

பல்கலைக்கழக வளாகத்தில் அனுமதியின்றி, கல்லூரி ஆசிரியர்கள் துணையுடன் 10 அடி ஆழத்திற்கு மிகாமல் பல லட்சம் மதிப்புள்ள கிராவல் மண் வெட்டி திருடப்பட்டுள்ளதாக புகார் எழுந்துள்ளது.

சிவகங்கை மாவட்டம் காரைக்குடியில் அமைந்துள்ளது அழகப்பா பல்கலைக்கழகம். 1985 மே 5ம் தேதி துவக்கப்பட்ட இப்பல்கலைக் கழகத்தில் தமிழ், ஆங்கிலம் தொடங்கி நுண்கலை மையம், பெண்கள் ஆய்வு மையம் என 28 துறைகளை தன்னகத்தேக் கொண்டது. இப்பல்கலைக்கழகத்திற்கு சொந்தமான காரைக்குடி அழகப்பா உடற்கல்வியியல் கல்லூரியில் 50000 ஆயிரம் சதுரடி அளவில் சுமார் ரூ. 4 கோடி மதிப்பீட்டில் பிரம்மாண்ட உள் விளையாட்டு அரங்கம் கட்ட ஒப்பந்தம் கோரப்பட்டு பொதுப்பணித்துறை ஒப்பந்தகாரர் ஒருவருக்கு பணி அளிக்கப்பட்டு பணி துவங்கி வருகின்றது.

sivagangai district alagappa university sand thief

இந்நிலையில், கட்டிடத்தின் தரை தளத்தை மூடுவதற்காக கல்லூரி வளாகத்திற்குள்ள இரண்டாவது கால்பந்து மைதானத்தின் தென்பகுதியில் புதர் மண்டிய இடத்தில் எவ்வித அனுமதியும் இன்றி சுமார் 10 அடி ஆழத்திற்கு 50 அடி சுற்றளவில் கிராவல் மண் தோண்டப்பட்டு கட்டிடத்தின் அருகே குவிக்கப்பட்டுள்ளது. இதுக்குறித்து பேசிய சமூக ஆர்வலர் ஜான்பாலோ, "முறையான அனுமதி இல்லாமல் உடற்கல்வியியல் கல்லூரி ஆசிரியர்கள் மற்றும் பல்கலைக்கழக அதிகாரிகள் துணையுடன் பல லட்சம் ரூபாய் மதிப்புள்ள கிராவல் மண் திருடப்பட்டுள்ளது.

இது குழந்தைகள் மற்றும் சிறுவர்கள் விளையாடும் பகுதியாகும், இதனால் உயிர்சேதம் ஏற்பட வாய்ப்புள்ளது. அதனால் உடனடியாக தோண்டப்பட்ட குழியை மூட நடவடிக்கைகள் எடுக்க புகார் அளிக்கப்பட்டுள்ளது. அனுமதியின்றி கிராவல் மண் அள்ளிய ஒப்பந்ததாரர் மற்றும் அவருக்கு திருட உறுதுணையாக இருந்த உடற்கல்வியியல் கல்லூரி ஆசிரியர்கள், பல்கலைக்கழக அதிகாரிகளால் மீது வழக்கு பதிந்து மிக கடுமையான நடவடிக்கைகள் எடுக்கப்பட வேண்டும் என்ற புகார் மாவட்ட நிர்வாகத்திடம் அளிக்கப்பட்டுள்ளது." என்கிறார் அவர்.

சிவகங்கை மாவட்டத்தில் கிராவல் மண் எடுக்க தடை உள்ள நிலையில் சுமார் பல லட்சம் மதிப்புள்ள கிராவல் மண் விளையாட்டு மைதானம் அருகே தோண்டப்பட்டது சர்ச்சையை ஏற்படுத்தியுள்ளது. எந்தவித அனுமதி கடிதமும் பெறப்படாமல் சிவகங்கை மாவட்டத்தில் கிராவல் மண் அள்ள நீதிமன்றத் தடை உள்ள நிலையில் உரிய நடவடிக்கை எடுக்க தவறினால் நீதிமன்றத்தை நாட உள்ளதாகவும் தகவல் வெளியாகியுள்ளது.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 25/04/2024 | Edited on 25/04/2024

Collectors present ed changed the place of investigation

தமிழகத்தில் உள்ள மணல் குவாரிகளில் அரசு நிர்ணயித்த அளவை விட கூடுதலாக மணல் அள்ளி விற்பனை செய்வதாகவும், மணல் ஒப்பந்த குவாரிகள் மூலம் வரும் வருமானத்தை சட்ட விரோதமாக பணப்பரிமாற்றம் செய்வதாகவும் குற்றச்சாட்டு எழுந்தது. இது தொடர்பாக திருச்சி, தஞ்சாவூர், கரூர், அரியலூர் மற்றும் வேலூர் ஆகிய 5 மாவட்ட ஆட்சியர்களுக்கு மணல் குவாரிகளுக்கு வழங்கப்பட்ட உரிமங்கள் தொடர்பான ஆவணங்களுடன் நேரில் அமலாக்கத்துறை முன்பு ஆஜராக சம்மன் அனுப்பப்பட்டிருந்தது.

இதனை எதிர்த்து உச்ச நீதிமன்றத்தில் தமிழக அரசு சார்பிலும், மாவட்ட ஆட்சியர்கள் சார்பிலும் மேல்முறையீட்டு மனு தாக்கல் செய்யப்பட்டது. இதனையடுத்து இந்த வழக்கு கடந்த 2 ஆம் தேதி (02.04.2024) விசாரணைக்கு வந்தது. அப்போது தமிழக அரசு சார்பில் வாதிடுகையில், “நாடாளுமன்ற மக்களவைத் தேர்தல் நடவடிக்கை பாதிக்கும் என்பதால் மாவட்ட ஆட்சியர்கள் ஆஜராக கால அவகாசம் வழங்க வேண்டும்” எனத் தெரிவிக்கப்பட்டது. இதனைப் பதிவு செய்துகொண்ட நீதிபதிகள், “அமலாக்கத்துறை சார்பில் சம்மன் அனுப்பப்பட்டிருந்தால் கண்டிப்பாக ஆஜராக வேண்டும். மணல் கொள்ளை வழக்கில் அமலாக்கத்துறை முன்பு மாவட்ட ஆட்சியர்கள் ஏப்ரல் 25 ஆம் தேதி நேரில் ஆஜராக வேண்டும். மாவட்ட ஆட்சியர்கள் ஆஜராக வழங்கப்பட்ட சம்மனுக்கு தடை எதுவும் வழங்க முடியாது” எனத் தெரிவித்திருந்தனர். மேலும் இந்த வழக்கு விசாரணையை மே 6 ஆம் தேதிக்கு நீதிபதிகள் ஒத்தி வைத்திருந்தனர்.

இந்நிலையில் மணல் முறைகேடு வழக்கு தொடர்பாக சென்னை நுங்கம்பாக்கம் சாஸ்திரி பவனில் உள்ள அமலாக்கத்துறை அலுவலகத்தில் வேலூர் ஆட்சியர் சுப்புலட்சுமி, அரியலூர் ஆட்சியர் ஆனி மேரி ஸ்வர்ணா, கரூர் ஆட்சியர் தங்கவேல், திருச்சி ஆட்சியர் பிரதீப்குமார் மற்றும் தஞ்சை ஆட்சியர் தீபக் ஜேக்கப் ஆகியோர் இன்று (25.04.2024) காலை 10.30 மணியளவில் விசாரணைக்கு ஆஜராகினர். அப்போது மாவட்ட ஆட்சியர்களிடம் நுங்கம்பாக்கத்தில் மற்றொரு இடத்தில் உள்ள மண்டல கிளை அலுவலகத்திற்கு செல்லுமாறு அமலாக்கத்துறை அதிகாரிகள் தெரிவித்தனர். முன்னதாக மணல் குவாரி ஒப்பந்ததாரர்கள் தொடர்புடைய இடங்களில் அமலாக்கத்துறையினர் சோதனை நடத்தி இருந்ததும், இந்த முறைகேட்டில் மாவட்ட ஆட்சியர்களுக்கும் தொடர்பு உள்ளது என அமலாக்கத்துறை குற்றம் சாட்டி இருந்ததும் குறிப்பிடத்தக்கது.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 25/04/2024 | Edited on 25/04/2024

Collectors appeared in the office of the ed

இதனை எதிர்த்து உச்ச நீதிமன்றத்தில் தமிழக அரசு சார்பிலும், மாவட்ட ஆட்சியர்கள் சார்பிலும் மேல்முறையீட்டு மனுத்தாக்கல் செய்யப்பட்டது. இதனையடுத்து இந்த வழக்கு கடந்த 2 ஆம் தேதி (02.04.2024) விசாரணைக்கு வந்தது. அப்போது தமிழக அரசு சார்பில் வாதிடுகையில், “நாடாளுமன்ற மக்களவைத் தேர்தல் நடவடிக்கை பாதிக்கும் என்பதால் மாவட்ட ஆட்சியர்கள் ஆஜராக கால அவகாசம் வழங்க வேண்டும்” எனத் தெரிவிக்கப்பட்டது.

இதனைப் பதிவு செய்துகொண்ட நீதிபதிகள், “அமலாக்கத்துறை சார்பில் சம்மன் அனுப்பப்பட்டிருந்தால் கண்டிப்பாக ஆஜராக வேண்டும். மணல் கொள்ளை வழக்கில் அமலாக்கத்துறை முன்பு மாவட்ட ஆட்சியர்கள் ஏப்ரல் 25 ஆம் தேதி நேரில் ஆஜராக வேண்டும். மாவட்ட ஆட்சியர்கள் ஆஜராக வழங்கப்பட்ட சம்மனுக்கு தடை எதுவும் வழங்க முடியாது” எனத் தெரிவித்திருந்தனர். மேலும் இந்த வழக்கு விசாரணையை மே 6 ஆம் தேதிக்கு நீதிபதிகள் ஒத்தி வைத்திருந்தனர்.

இந்நிலையில் மணல் முறைகேடு வழக்கு தொடர்பாக திருச்சி, தஞ்சாவூர், கரூர், அரியலூர் மற்றும் வேலூர் ஆகிய 5 மாவட்ட ஆட்சியர்களும் இன்று (25.04.2024) அமலாக்கத்துறை அலுவலகத்தில் ஆஜராக உள்ளனர். முன்னதாக மணல் குவாரி ஒப்பந்ததாரர்கள் தொடர்புடைய இடங்களில் அமலாக்கத்துறையினர் சோதனை நடத்தி இருந்ததும், இந்த முறைகேட்டில் மாவட்ட ஆட்சியர்களுக்கும் தொடர்பு உள்ளது என அமலாக்கத்துறை குற்றம் சாட்டி இருந்ததும் குறிப்பிடத்தக்கது.