நாகையில் உள்ளூர் விடுமுறை அறிவிப்பு

சிக்கல் சிங்காரவேலர் ஆலய குடமுழுக்கு விழா நடைபெற உள்ளதால் நாகை வட்டத்திற்கு உள்ளூர் விடுமுறை அறிவிக்கப்பட்டுள்ளது.

நாகப்பட்டினம் மாவட்டம் சிக்கலில் சிங்காரவேலர் கோவில் அமைந்துள்ளது. இந்த கோவிலில் இன்று காலை 9 மணி முதல் 10.30 மணிக்குள் குடமுழுக்கு விழா நடைபெறவுள்ளது.

சிக்கல் சிங்காரவேலர் கோவில் குடமுழுக்கு விழாவை முன்னிட்டு நாகப்பட்டினம் வட்டத்திற்கு இன்று ஒருநாள் உள்ளூர் விடுமுறை அறிவித்து அம்மாவட்ட ஆட்சியர் உத்தரவிட்டுள்ளார். இந்த விடுமுறையை ஈடுசெய்யும் வகையில் வருகிற 8-ந் தேதி (சனிக்கிழமை) பள்ளிகளுக்கு வேலை நாள் ஆகும் எனவும் மாவட்ட ஆட்சியர் ஜானி டாம் வர்கீஸ் தெரிவித்துள்ளார். 18 ஆண்டுகளுக்கு பிறகு இன்று குடமுழுக்கு விழா நடைபெற உள்ளது குறிப்பிடத்தக்கது.