Skip to main content

ரயில் டிக்கெட் முன்பதிவு செய்தால் 'இந்தி'யில் குறுஞ்செய்தி-அடுத்தகட்ட சர்ச்சை!!

Published on 04/10/2020 | Edited on 04/10/2020
Short message in 'Hindi' if booking train tickets

 

தமிழகத்தில் ரயில் டிக்கெட்டுகளை முன்பதிவு செய்தால் இந்தியில் குறுஞ்செய்திகள் வருவதாக புகார்கள் எழுந்துள்ளது சர்ச்சையை ஏற்படுத்தியிருக்கிறது.

ஏற்கனவே புதிய கல்விக் கொள்கை தொடர்பாக தமிழகத்தில் அனைத்துக் கட்சிகளும் எதிர்ப்புகளை தெரிவித்து வருகின்றன.  ஆளும் கட்சியான அ.தி.மு.க கூட தமிழகத்தில் இரு மொழிக் கொள்கைதான் பின்பற்றப்படும் என தெளிவாக தெரிவித்திருந்தது. புதிய கல்விக் கொள்கை வரைவு வெளியிடப்பட்டிருந்த நேரத்தில் தமிழகத்தில் அரசு பள்ளிகளில் மாணவர் சேர்க்கை துவங்கியிருந்த சமயத்தில் கோவையில் மாநகராட்சியில் மாணவர் சேர்க்கை விண்ணப்பத்தில் மூன்றாவது மொழியாக இந்தியை கற்றுக் கொள்ள விருப்பமா? தொழில் கல்வி மேற்கொள்ள மாணவருக்கு விருப்பம் உள்ளதா? போன்ற கேள்விகள் எழுந்து இருந்தது சர்ச்சையை ஏற்படுத்தியிருந்தது.

அதேபோல் அக்டோபர் 2 (நேற்று) காந்தி ஜெயந்தி அன்று பள்ளிகளில் நடைபெறும் வினா விடை போட்டிக்கான சுற்றறிக்கை விடப்பட்டிருந்தது. அந்த சுற்றறிக்கையில் போட்டியானது ஆங்கிலம் அல்லது இந்தியில் நடைபெறும் என தெரிவிக்கப்பட்டிருந்தது சர்ச்சையை ஏற்படுத்தி இருந்தது.

 

TT


இந்நிலையில் ரயில் டிக்கெட்டுகளை முன்பதிவு செய்யும் பொழுது முன்பதிவு செய்யப்பட்ட டிக்கெட் குறித்த தகவல்கள் குறுஞ்செய்தியாக வரும். எப்பொழுதுமே ஆங்கிலத்தில் இந்த குறுஞ்செய்திகள் வந்து கொண்டிருந்த நிலையில் தற்போது இந்தியில் இந்த குறுஞ்செய்திகள் வருவதாக புகார்கள் எழுந்துள்ளது. நாகர்கோவிலைச் சேர்ந்த செல்வி என்பவர் ரயில் டிக்கெட் முன்பதிவு செய்துள்ளார். ஆனால் அவருக்கு டிக்கெட் தொடர்பான குறுஞ்செய்தி இந்தியில் வந்துள்ளது. இந்தி தெரியாததால் அவர் இதுகுறித்து நாகர்கோவில் ரயில் பயணிகள் நலச் சங்கத்தில் தெரிவித்துள்ளார். இதனையடுத்து நாகர்கோவில் ரயில் பயணிகள் நலச் சங்கம் தற்பொழுது மத்திய ரயில்வே துறை அமைச்சகம், அமைச்சர் பியூஷ் கோயல் ஆகியோருக்கு இந்த விவகாரத்தை எடுத்துச் சென்றிருக்கிறார்கள்.

'நிறைய மாநிலங்களில் இந்தி தெரியாத மக்கள் இருக்கிறார்கள். அவர்களுக்கு நீங்கள் இந்தியில் குறுஞ்செய்தி அனுப்பினால் அவர்களுக்கு என்னவென்றே புரியாது. எனவே அவர்களுக்கு புரிந்து கொள்வதில் சிரமம் இருக்கின்றது. எனவே சேவை என்பது பாதிக்கப்பட வாய்ப்புள்ளது' என அந்த புகாரில் தெரிவித்துள்ளனர். இந்த சம்பவம் 'இந்தி திணிப்பு' குறித்து தமிழகத்தில் அடுத்தகட்ட சர்ச்சையை ஏற்படுத்தியுள்ளது.

 

 

சார்ந்த செய்திகள்

 

Next Story

ஜன்னலோர பயணம்; அடுத்தடுத்து 2 பெண்களுக்கு நேர்ந்த துயரம்

Published on 21/06/2024 | Edited on 21/06/2024
 window travel by train; Next is the tragedy of 2 women

ஈரோட்டிற்கு அடுத்தடுத்து வந்த ரயில்களில் ஜன்னலோரம் பயணித்த 3 பெண்களிடம் நகை பறிப்பு சிக்னலில் மெதுவாக சென்ற போது மர்ம நபர்கள் கைவரிசை காட்டிய சம்பவம் பரபரப்பை ஏற்படுத்தியுள்ளது.

ஈரோடு ரயில்வே போலீஸ் எல்லைக்குட்பட்ட ஆனங்கூர் ரயில் நிலையம் பகுதியில் சம்பவத்தன்று இரவு குர்லா எக்ஸ்பிரஸ் ரயிலில் ஜன்னலோரம் அமர்ந்திருந்த பெண் கழுத்தில் இருந்த 5 கிராம் தங்க செயினை மர்ம நபர்கள் பறித்துச் சென்றனர். இதனையடுத்து வந்த நீலகிரி எக்ஸ்பிரஸ் ரெயில், சேரன் எக்ஸ்பிரஸ் ரயில்களிலும் ஜன்னலோரம் பயணம் செய்த 2 பெண்களிடம் தலா 1.5 பவுன் தங்கச் செயினை மர்ம நபர்கள் பறித்துக் கொண்டு அங்கிருந்து தப்பிச் சென்றனர். இந்தத் துணிகர கொள்ளை பரபரப்பு ஏற்படுத்தியது.

இதுகுறித்து ஈரோடு ரயில்வே போலீசார் வழக்கு பதிவு செய்து பாதிக்கப்பட்ட பெண்களிடம் விசாரணை நடத்தினர். இதில் ஆனங்கூர் பகுதியில் ரயில் மெதுவாக சென்றபோது தண்டவாளம் பகுதியில் பதுங்கி இருந்த மர்ம நபர்கள் கண்ணிமைக்கும் நேரத்தில் செயினைப் பறித்துச் சென்றது தெரிய வந்தது. ஆனால் செயின் பறிப்பில் ஈடுபட்ட மர்ம நபர்களை அடையாளம் காண முடியவில்லை.

இது குறித்து ரயில்வே போலீசார் கூறியதாவது:- 'ஈரோட்டிற்கு அடுத்தடுத்து வந்த ரயில்களில் பெண்களிடம் நகை பறிப்பில் ஈடுபட்ட மர்ம நபர்கள் குறித்து சிசிடிவி கேமரா பதிவு கிடைக்கவில்லை. தொடர்ந்து ஆனங்கூர் பகுதியில் உள்ள சிசிடிவி கேமரா காட்சிகளைப் பெற்று ஆராய்ந்து வருகிறோம். மேலும் அப்பகுதியில் உள்ள செல்போன் டவருக்கு வந்து சென்ற செல்போன் அழைப்புகளையும் பட்டியலிட்டு விசாரணை நடத்தி வருகிறோம். விரைவில் செயின் பறிப்பில் ஈடுபட்ட நபர்களை கைது செய்வோம்.

இது போன்ற சம்பவத்தைத் தடுக்கவும் மர்ம நபர்களைப் பிடிக்கவும் ஈரோடு வழியே வந்து செல்லும் ரயில்களில் இரவு ரோந்து அதிகரிக்கப்பட்டுள்ளது.  ரயில்வே போலீசார், ரயில்வே பாதுகாப்புப் படையினர் கூட்டாக இணைந்து இரவு நேரத்தில் ரோந்து பணியில் ஈடுபட்டு வருகிறோம்' இவ்வாறு அவர்கள் கூறினர்.

Next Story

110 பாசஞ்சர் ரயில் மீண்டும் வருமா? மக்கள் கோரிக்கை!

Published on 17/05/2024 | Edited on 17/05/2024
People demand to run 110 passenger train again

மீட்டர் கேஜ் ரயில் பாதையில் ரயில் போக்குவரத்து நடைபெற்ற காலத்தில் சென்னையில் இருந்து செங்கோட்டை வரையில் கடலூர், மயிலாடுதுறை, தஞ்சாவூர், மதுரை வழியாக 109/110 எண் கொண்ட ரயில் இயக்கப்பட்டது. மெயின் லைன் என்று அழைக்கப்படும் விழுப்புரம், கடலூர், மயிலாடுதுறை, தஞ்சாவூர் மாவட்ட மக்கள் சென்னை மற்றும் தென் மாவட்டங்களுக்கு செல்ல பயன்படுத்தி வந்த ரயில் இது.

மக்களின் மனங்களில் நிறைந்த நினைவுகளை கொண்ட இந்த ரயில், அகல ரயில் பாதை திட்டம் காரணமாக நிறுத்தப்பட்டது. துரதிருஷ்டவசமாக இந்த ரயில் தற்போது மயிலாடுதுறை செங்கோட்டை இடையே இயக்கப்படுகிறது. இந்த ரயில் மயிலாடுதுறையோடு நிறுத்தப்பட்டு விடுவதால் கடலூர், விழுப்புரம், செங்கல்பட்டு மாவட்ட பயணிகள் இதைப் பயன்படுத்த முடியவில்லை. மேலும் தஞ்சாவூர், மயிலாடுதுறை, விருதுநகர், தென்காசி மாவட்டப் பயணிகளும் சென்னை செல்ல முடியவில்லை.

மீட்டர் கேஜ் காலத்தில் சென்னை வரை இயங்கி வந்த ரயில் தற்போது மயிலாடுதுறையோடு நிறுத்தப்படுவதால் பலரும் சிரமத்திற்கு ஆளாகி வருகின்றனர்... எனவே இந்த ரயிலை மீண்டும் தாம்பரம் முனையத்தில் இருந்து செங்கோட்டை வரை இயக்க வேண்டும் என்று கோரிக்கை விடுத்துள்ளனர்.

இது தொடர்பாக தொடர்ந்து வலியுறுத்தி வரும் மயிலாடுதுறை, கடலூர், விருதுநகர், தென்காசி மாவட்ட ரயில் பயணிகள் மயிலாடுதுறை & கடலூர் வழியாக பகல் நேரத்தில் சென்னை செல்லும் சோழன் எக்ஸ்பிரஸ் நிரம்பிய நிலையில் தான் தினமும் செல்கிறது. மேலும் விருதுநகர், ராஜபாளையம், சிவகாசி, சங்கரன்கோவில், கடையநல்லூர், தென்காசி, செங்கோட்டை பகுதியில் இருந்து பகல் நேரத்தில் சென்னை செல்ல ரயில் இல்லை. எனவே சென்னை -  செங்கோட்டை ரயிலை மயிலாடுதுறையோடு நிறுத்தப்படாமல் மீண்டும் தாம்பரத்தில் இருந்து இயக்க வேண்டும் என்று கோரிக்கை வலுத்து வருகிறது.