பாஜக எம்.பி. சத்ருகன் சின்ஹா காங்கிரசில் இணைந்தார்

பாஜக எம்.பி.யும், நடிகருமான சத்ருகன் சின்ஹா காங்கிரஸ் கட்சியில் இணைந்தார். பாஜக தலைமை மீது நீண்ட காலமாக அதிருப்தியில் இருந்த நிலையில் இன்று டெல்லியில் காங்கிரஸ் கட்சியின் கே.சி.வேணுகோபால், ரன் தீப் சுர்ஜிவாலா முன்னிலையில் காங்கிரசில் இணைந்துள்ளார்.

பீகாரின் பாட்னா தொகுதியில் இருந்து இரண்டு முறை மக்களவை தொகுதிக்கு தேர்ந்தெடுக்கப்பட்டவர் சத்ருகன் சின்ஹா. பிரதமர் மோடி, அமித்ஷாவை விமர்சித்ததால் இம்முறை சத்ருகன் சின்ஹாவுக்கு சீட் தரப்படவில்லை. சத்ருகன் சின்ஹா போட்டியிட்டு வென்ற தொகுதியில் மத்திய அமைச்சர் ரவிசங்கர் பிரசாத் போட்டியிடுகிறார்.