Skip to main content

‘21 வயது இளைஞருக்கும் 30 வயது பெண்ணுக்கும் ஏற்பட்ட காதல்’ - திடுக்கிடும் சம்பவத்திற்கு பின்பு வெளியான பரபரப்பு வாக்குமூலம்!

Published on 22/11/2021 | Edited on 22/11/2021

 

 a sensational confession released after the shocking incident

 

சேலம் மாவட்டம் ஆத்தூரில் உள்ள விடுதியில் எழிலரசி (30) என்ற பெண் கொலை செய்யப்பட்டுக் கிடந்தார். இவரது கொலையில் சம்மந்தப்பட்ட கொலையாளியைப் பிடிப்பதற்காக ஆத்தூர் டவுன் இன்ஸ்பெக்டர் ரஜினிகாந்த் தலைமையிலான போலீசார் தீவிரமாக தேடிவந்தனர். அதில், கொலை செய்யப்பட்ட பெண் எழிலரசி கடலூர் மாவட்டம் வேப்பூர் அருகே உள்ள காஞ்சரங்குளம் என்ற ஊரைச் சேர்ந்தவர் என்பதைக் கண்டறிந்தனர். மேலும், அவர் வைத்திருந்த செல்ஃபோன் மூலம் அவரை தொடர்புகொண்டவர்களை தேடிப் பிடித்து விசாரணை செய்ததில், கொலையாளி இளங்கோ (21) பிடிபட்டுள்ளார். தீவிர தேடுதலுக்குப் பின்பு பிடிபட்ட இளங்கோவிடம் காவல்துறையினர் தீவிர விசாரணை மேற்கொண்டனர்.

 

விசாரணையில் அவர் போலீசாரிடம் அளித்த வாக்குமூலத்தில், “எழிலரசியின் ஊரைச் சேர்ந்தவன் நான். எனது தந்தை என்ஜின் துறையில் பணிபுரிந்துவருகிறார். நான் டிப்ளமோ படித்துவிட்டு வெளிநாட்டுக்கு வேலை தேடிச் செல்வதற்கு ஏற்பாடு செய்துகொண்டிருந்தேன். இதற்கிடையே, எனது வயலில் விவசாயப் பணிகளை செய்துகொண்டிருந்தேன். எங்கள் நிலத்தின் பக்கத்தில் உள்ள நிலத்தை சேர்ந்தவர் எழிலரசி. அடிக்கடி எனது நிலத்திற்கு விவசாய பணிகளுக்காக செல்லும்போது இருவரும் பேசி பழகினோம். அதோடு, எங்கள் வீட்டிற்கு எழிலரசி தினசரி தனது குழந்தைகளுக்குப் பால் வாங்குவதற்காக வருவார். இதனால் எங்கள் இருவருக்கும் நெருங்கி பழகும் வாய்ப்பு ஏற்பட்டது.

 

அந்தப் பழக்கம் இருவருக்குமிடையே காதலாக மாறியது. மேலும், எழிலரசியின் கணவர் வெளிநாட்டில் இருந்ததால் எங்கள் இருவருக்கும் இடையே காதல் எந்தவித இடையூறுமின்றி தொடர்ந்தது. இதற்காக அடிக்கடி இருவரும் வெளியூர்களுக்குச் சென்று விடுதியில் அறை எடுத்து தனிமையில் இருந்துவிட்டு ஊருக்குச் செல்வது வழக்கம். இது கடந்த ஒருவருடமாக நீடித்துவந்தது. இந்த நிலையில், எனக்கு சிங்கப்பூரில் உள்ள ஒரு நிறுவனத்தில் வேலை கிடைத்தது. அதற்காக பாஸ்போர்ட், விசா எல்லாம் எடுத்துக்கொண்டு சிங்கப்பூர் செல்வதற்கு தயார் நிலையில் இருந்தேன். இது குறித்து எழிலரசியிடம் தெரிவித்தபோது, அவருக்கு நான் வெளிநாடு செல்வது பிடிக்கவில்லை.

 

நீ வெளிநாடு செல்லக் கூடாது என்னுடனேயே இருக்க வேண்டும் என்று வற்புறுத்திவந்தார். இந்த நிலையில், சம்பவத்தன்று காலை எனக்கு ஏழிலரிசி ஃபோன் செய்தார். நான் சேலத்தில் இருப்பதாகக் கூறினேன். அப்போது எழிலரசி, ‘என்னிடம் இருக்கும் பழைய நகைகளைக் கொடுத்துவிட்டு புதிய நகை வாங்க வேண்டும். அதற்காக நான் ஆத்தூர் வருகிறேன். நீ சேலத்திலிருந்து ஆத்தூர் வந்துவிட வேண்டும்’ என்று கூறினார். அதன்படி இருவரும் ஆத்தூரில் சந்தித்து அங்குள்ள ஒரு நகைக்கடையில் எழிலரசி தனது பழைய நகைகளைக் கொடுத்து புதிய நகைகளாக மாற்றிக்கொண்டார். அதன் பிறகு இருவரும் தனிமையில் இருப்பதற்காக அப்பகுதியில் உள்ள லாட்ஜுக்கு சென்றோம்.

 

அங்கு எனது பெயரை ராஜா என்று மாற்றிக்கொடுத்து இருவரும் அறை எடுத்துத் தங்கினோம். அங்கு இருவரும் தனிமையில் இருந்தோம், பிறகு எழிலரசி என்னிடம், ‘நீங்கள் வெளிநாட்டுக்குச் செல்லக் கூடாது. என் கணவரையும் குழந்தைகளையும் விட்டுவிட்டு நான் உன்னோடு வந்துவிடுகிறேன். இருவரும் திருமணம் செய்துகொண்டு வாழ்வோம். இதற்கு நீ சம்மதிக்காவிட்டால் நமக்குள்ள தொடர்பை ஊரில் உள்ளவர்களிடம் வெளிப்படுத்துவேன்’ என்று கோபத்துடன் கூறினார். எங்கள் காதலை எழிலரசி ஊரில் உள்ளவர்களிடம் கூறினால் அது பெரிய அவமானமாக ஆகிவிடும். நான் வெளிநாடு சென்று சம்பாதிக்கும் லட்சியமும் ஈடேறாது. இனிமேல் எழிலரசியை உயிரோடு விட்டுவைக்கக் கூடாது என்று முடிவு செய்து அவரை கழுத்தை நெரித்துக் கொலை செய்தேன்.

 

பின்னர் அவரது சேலையால் கழுத்தில் போட்டு இறுக்கிக் கட்டிலில் சேர்த்து கட்டிவிட்டு, அறையைவிட்டு வெளியே வந்தேன். அப்போது அங்கிருந்த ஊழியர் எங்கு செல்கிறீர்கள் என்று கேட்டபோது, எங்கள் இருவருக்கும் டிஃபன் வாங்கப் போவதாக கூறிவிட்டு தப்பிவிட்டேன்”. மேற்கண்டவாறு போலீசாரிடம் இளங்கோ வாக்குமூலம் அளித்துள்ளதாக போலீஸ் தரப்பில் கூறப்படுகிறது. கைது செய்யப்பட்ட இளங்கோவிடமிருந்து மூன்றரை பவுன் நகையைப் போலீசார் பறிமுதல் செய்துள்ளனர். இவர் மீது கொலை வழக்கு பதிவுசெய்த ஆத்தூர் போலீசார், நீதிமன்றத்தில் ஆஜர்படுத்தி சிறையில் அடைத்துள்ளனர். ஒரு இளைஞரின் தவறான செயலால் அவரையும் சிறைக்கு அனுப்பி, மூன்று குழந்தைகளும் கணவனும் இருக்கும்போது அந்தப் பெண் தடம் மாறிச் சென்றதன் விளைவு தற்போது கொலையில் முடிந்துள்ளது. 

 

 

சார்ந்த செய்திகள்

Next Story

சிக்கிய 6 கோடி ரூபாய் தங்கம்! - அதிரடியில் தேர்தல் பறக்கும் படை 

Published on 25/03/2024 | Edited on 25/03/2024
6 crores of gold trapped! Election Flying Squad in action
மாதிரி படம் 

சேலம் அருகே, உரிய ஆவணங்களின்றி கூரியர் நிறுவன வாகனத்தில் கொண்டு செல்லப்பட்ட 6.20 கோடி ரூபாய் தங்க நகைகளைத் தேர்தல் பறக்கும் படை அதிகாரிகள் பறிமுதல் செய்தனர்.

நாடாளுமன்றத் தேர்தல் வரும் ஏப்ரல் 19ம் தேதி நடக்கிறது. இதையொட்டி வாக்காளர்களுக்கு அரசியல் கட்சிகள் சார்பில் பணம் உள்ளிட்ட பரிசுப் பொருட்கள் வழங்கப்படுவதைத் தடுக்கும் வகையில், தேர்தல் பறக்கும் படை அதிகாரிகள் தீவிரமாகக் கண்காணித்து வருகின்றனர். இந்நிலையில், சேலத்தை அடுத்துள்ள மல்லூர் பிரிவு சோதனைச் சாவடியில் தேர்தல் பறக்கும் படை அதிகாரி ரபீக் அஹ்மது தலைமையில் அலுவலர்கள் மார்ச் 23 ஆம் தேதி காலை வாகனச் சோதனையில் ஈடுபட்டு இருந்தனர்.

அப்போது, சேலத்திலிருந்து வந்த தனியார் கூரியர் நிறுவனத்திற்குச் சொந்தமான வாகனத்தை நிறுத்தி சோதனையிட்டனர். அதில் இருந்த 3 சாக்கு மூட்டைகளைப் பிரித்துப் பார்த்தனர். அவற்றில் 39 நகைப் பெட்டிகள் வைக்கப்பட்டிருந்தன. அந்தப் பெட்டிகளில் 6.20 கோடி ரூபாய் மதிப்பிலான 29 கிலோ புதிய தங்க நகைகள் இருந்தன. இந்த நகைகளைக் கொண்டு செல்வதற்கான உரிய ஆவணங்கள் இல்லாததால் அவற்றை தேர்தல் பறக்கும் படை அதிகாரிகள் பறிமுதல் செய்தனர். 

அவற்றை, நாமக்கல் மாவட்டம் ராசிபுரம் வட்டாட்சியர் அலுவலகத்தில் உள்ள உதவி தேர்தல் நடத்தும் அலுவலர் முத்துராமலிங்கத்திடம் ஒப்படைத்தனர். இதுகுறித்து அவர் கூறுகையில், ''பறிமுதல் செய்யப்பட்ட நகைகள் சேலத்தில் இருந்து திண்டுக்கல், மதுரை, புதுக்கோட்டை ஆகிய இடங்களில் உள்ள நகைக் கடைகளுக்குக் கொண்டு செல்லப்படுவதற்காக கூரியர் நிறுவனத்தின் மூலம் அனுப்பி வைத்துள்ளனர். ஆனாலும் இதற்கான உரிய ஆதாரங்கள் இல்லாததால் நகைகளைப் பறிமுதல் செய்து, அரசு கருவூலத்தில் ஒப்படைக்கப்பட்டுள்ளது. சம்பந்தப்பட்ட நிறுவனம், இந்த நகைகளுக்கான ஆதாரங்களைக் காண்பித்துவிட்டு பெற்றுச் செல்லலாம்'' என்றார். 

Next Story

“பா.ஜ.க.வுக்கு பேரழிவுக் காலம் தொடங்கப் போகிறது” - மோடிக்கு டி.ஆர். பாலு பதிலடி!

Published on 19/03/2024 | Edited on 19/03/2024
Disastrous period is about to begin for BJP tR to Modi Balu retaliation

பிரதமர் மோடி சேலத்தில் நடைபெற்ற பா.ஜ.க. பரப்புரை பொதுக்கூட்டத்தில் கலந்துகொண்டு உரையாற்றினார். அப்போது பிரதமர் மோடி பேசுகையில், பாரத அன்னை வாழ்க. எனதருமை தமிழ் சகோதர சகோதரிகளே எனத் தமிழில் பேச்சை தொடங்கினார். மேலும், “கோட்டை மாரியம்மன் வாழும் புண்ணிய பூமிக்கு வந்திருப்பது மகிழ்ச்சியளிக்கிறது. எனக்கு கிடைத்திருக்கும் ஆதரவால் தி.மு.க.வுக்கு தூக்கம் தொலைந்துவிட்டது. தமிழகத்தில் எனக்கு கிடைத்திருக்கும் ஆதரவு பற்றித்தான் நாடு முழுவதும் இப்போது பேச்சாக இருக்கிறது. ஆடிட்டர் ரமேஷ் உள்ளிட்ட பா.ஜ.க. நிர்வாகிகள் கொலை செய்யப்பட்டதை மறக்கவே முடியாது. கட்சிக்காக நேர்மையாக உழைத்தவர்களை படுகொலை செய்துவிட்டார்கள். ராமதாஸின் அனுபவம், அன்புமணியின் திறமை பா.ஜ.க. கூட்டணிக்கு உதவியாக இருக்கும். வளர்ச்சியடைந்த இந்தியா, வளர்ச்சியடைந்த தமிழகத்தை அமைக்க 400 இடங்களைத் தாண்ட வேண்டும். முன்னாள் முதல்வர் ஜெயலலிதாவை தி.மு.க.வினர் எவ்வளவு இழிவுபடுத்தினர் என்பதை நினைத்து பாருங்கள். தமிழ்நாட்டில் பெண்களுக்கு எதிரான குற்றங்கள் அதிகரித்துள்ளது. தமிழகத்தின் முன்னாள் முதல்வரான காமராஜர் கொண்டு வந்த மதிய உணவு திட்டம்தான் எனக்கு உத்வேகம் அளித்தது. ஜி.கே. மூப்பனாரை பிரதமராக விடாமல் தடுத்தது காங்கிரஸ்தான்” எனத் தெரிவித்திருந்தார்.

இந்நிலையில், சேலத்தில் பிரதமர் மோடி ஆற்றிய உரைக்கு திமுக பொருளாளர் டி.ஆர். பாலு எம்.பி. பதிலடி கொடுத்துள்ளார். இது குறித்து அவர் வெளியிட்டுள்ள அறிக்கையில், “வாரம் தோறும் தமிழ்நாட்டுக்கு வருவதையே வாடிக்கையாக வைத்திருக்கும் பிரதமர் மோடி. இந்த வாரம் சேலத்தில் முழங்கிவிட்டுப் போயிருக்கிறார். பத்தாண்டு காலம் பிரதமராக இருந்தவர், தனது சாதனைகளைச் சொல்லி வாக்கு கேட்டிருக்க வேண்டும். அப்படி ஏதும் இல்லாததால் வாய்க்கு வந்ததை எல்லாம் பேசி இருக்கிறார். ‘தமிழகத்தில் பாஜகவுக்கு கிடைக்கும் ஆதரவை பார்த்து திமுகவின் தூக்கம் தொலைந்து விட்டது’ எனப் பேசியிருக்கிறார். மோடி அவர்களே! உங்களுக்குத்தான் தூக்கம் தொலைந்துவிட்டது. அதனால் தான் அடிக்கடி தமிழ்நாட்டுக்கு வந்து புலம்பிவிட்டுப் போகிறீர்கள்.

கடந்த தேர்தல் காலங்களில் இந்திய பிரதமர்கள் ஓரிரு முறைதான் தமிழ்நாட்டு வந்து பிரச்சாரம் செய்துவிட்டு போனார்கள். ஆனால், உங்களுக்குத் தூக்கம் வராததால் பல்லடம், மதுரை, தூத்துக்குடி, திருநெல்வேலி, சென்னை, கன்னியாகுமரி, கோவை, சேலம் என அடிக்கடி தமிழகம் வந்து பிரசாரம் செய்கிறீர்கள். உங்கள் பிரதமர் பதவிக்கு நிரந்தர ஓய்வு கொடுக்க தமிழ்நாட்டு மக்கள் மட்டுமல்ல, இந்திய மக்கள் அனைவரும் தயாராகி விட்டார்கள். சேலம் ஆடிட்டர் ரமேஷ் குறித்து பேசி கண்ணீர் விட்டிருக்கிறார் மோடி. ஜெயலலிதா ஆட்சியில் இருந்தபோது தான் சேலத்தைச் சேர்ந்த பா.ஜ.க. பிரமுகர் ஆடிட்டர் ரமேஷ் 2013 ஆம் ஆண்டு கொலை செய்யப்பட்டார். 11 ஆண்டுகள் கழித்து இப்போது நினைவுகூறுவது ஏன்? கோவையில் ரோட் ஷோ நடத்திய போது, 1998இல் நடந்த குண்டு வெடிப்பில் பலியானவர்களுக்கு அஞ்சலி செலுத்தும் நிகழ்ச்சியை நடத்தினார்கள். இத்தனை ஆண்டுகள் கழித்து இப்படியான நாடகத்தை தேர்தலுக்காக பா.ஜ.க. நடத்த ஆரம்பித்திருக்கிறது. ரோட்டில் ஷோ காட்டினாரே தவிர அதைப் பார்க்கத்தான் ஆள் இல்லை.

Disastrous period is about to begin for BJP tR to Modi Balu retaliation

ஜெயலலிதா ஆட்சியில் மட்டும் சேலம் ஆடிட்டர் ரமேஷ், பரமக்குடி முருகன், மதுரை சுரேஷ், வேலூர் அரவிந்தன், வெள்ளையப்பன், சென்னை சுரேஷ் உள்ளிட்ட பா.ஜ.க. ஆதரவாளர்கள் பலர் கொலை செய்யப்பட்டனர். இதை எல்லாம் பழைய பாஜகவினரிடம் கேட்டுத் தெரிந்து கொள்ளவும். அந்த ஜெயலலிதாவை தான் சேலம் கூட்டத்தில் புகழ்ந்து பேசி இருக்கிறார் பிரதமர். ‘ஜெயலலிதாவை திமுகவினர் எவ்வளவு இழிவுபடுத்தினர் என்பதை நினைத்துப் பாருங்கள்’ எனப் பேசியிருக்கிறார் மோடி. அந்த ஜெயலலிதா ஆட்சியில்தான் இவர்கள் கொல்லப்பட்டனர் என்பதை மோடி அவர்களே நினைத்துப் பாருங்கள். எம்.ஜி.ஆரையும், ஜெயலலிதாவையும் மோடி புகழ்வதைப் பார்த்து அ.தி.மு.க.வினர் மிக ஏளனமாக பேட்டி அளித்தார்கள். எதற்காக இவர்கள் பேரை நீங்கள் பயன்படுத்துகிறீர்கள் என்று கூட வெளிப்படையாக பேட்டி அளித்தார்கள். ஆனாலும் ஜெயலலிதாவை மறக்கவில்லை மோடி.

‘குஜராத் மோடியா? தமிழ்நாட்டு லேடியா?’ என்று ஜெயலலிதா கேட்டதை தமிழ்நாட்டு மக்கள் மறக்கவில்லை. மோடி வேண்டுமானால் மறந்திருக்கலாம். பதவி ஆசை அவரை பாடாகப் படுத்துகிறது. போகிற போக்கைப் பார்த்தால் ஜெயலலிதாவின் சமாதிக்கே சென்று கண்ணை மூடிக்கொண்டு உட்கார்ந்து விடுவார் போல!. ‘திமுக, காங்கிரசின் ஊழலைப் பற்றி பேச ஒருநாள் போதாது’ எனச் சொல்லியிருக்கிறார் மோடி. ஊழலைப் பற்றி பேச மோடிக்கு தகுதி இருக்கிறதா? தேர்தல் பத்திரம் திட்டத்தில் பா.ஜ.க. நடத்திய தில்லுமுல்லு நாடு முழுவதும் நாறிக் கொண்டிருக்கிறது. தேர்தல் பத்திரங்கள் மூலம் கிடைத்த நிதியில் 50 சதவிகிதத்திற்கு மேல் பாஜகதான் வாங்கியது. சி.பி.ஐ., அமலாக்கத் துறை, வருமானவரித் துறை போன்ற அதிகார அமைப்புகளை ஏவி, அதன் மூலம் நிறுவனங்களிடம் இருந்து நன்கொடைகளை மிரட்டிப் பறித்த பா.ஜ.க. உத்தமர் வேஷம் போடுகிறது. கொள்ளையை சட்டப்பூர்வமாக ஆக்கிய கட்சி பா.ஜ.க.

காங்கிரஸ் ஆட்சியில் நடந்த 2 ஜி அலைக்கற்றை பற்றிப் பேசியிருக்கிறார் மோடி. 2ஜி அலைக்கற்றை முறைகேடு வழக்கில் குற்றஞ்சாட்டப்பட்டவர்களை டெல்லி சி.பி.ஐ. நீதிமன்றம் 2017இல் விடுதலை செய்துவிட்டது. அதன் பிறகும் தி.மு.க.வின் பங்கு பற்றி மோடி வலிந்து பேசிக்கொண்டிருக்கிறார். 2022 ஆகஸ்டில் 5 லட்சம் கோடி ரூபாய்க்கு ஏலம் போக வேண்டிய 5ஜி அலைக்கற்றை 1 ½ லட்சம் கோடி ரூபாய்க்குத்தான் ஏலம் போனது. மீதி பணம் யார் பாக்கெட்டிற்கு போனது? என மோடி பதில் சொல்வாரா?. பெண் சக்தி பற்றியெல்லாம் பெருமை பொங்கப் பேசியிருக்கிறார் மோடி. ‘பெண்களுக்குச் சேவை செய்ய உறுதி ஏற்று இருக்கிறோம். பெண்கள்தான் பாஜகவின் கவசமாக உள்ளது’ என்றெல்லாம் பொய்களைக் கொட்டியிருக்கிறார் மோடி. மணிப்பூரில் நின்று மோடியால் இப்படிப் பேச முடியுமா?. மணிப்பூரில் பெண்களை நிர்வாணப்படுத்தி ஊர்வலமாக அழைத்துச் சென்ற காட்சிகள் சர்வதேச அளவில் இந்தியாவிற்குத் தலைகுனிவை ஏற்படுத்தியது. அந்த மணிப்பூருக்குச் சென்று பாதிக்கப்பட்ட பெண்களுக்கு ஆறுதல் சொன்னாரா? அந்த பாவம் எல்லாம் எந்த கங்கையில் குளித்தாலும் போகாது.

‘தமிழகத்தை புண்ணிய பூமியாக மாற்றுவோம்’ என்கிறார் மோடி. திருநெல்வேலியும் தூத்துக்குடியும் சென்னையும் பெரு வெள்ளத்தில் சிக்கி பேரிடர் நிவாரணம் கேட்டு தமிழ்நாடு கையேந்தியபோது ஒரு பைசாவும் தராத மோடிதான், தமிழகத்தைப் புண்ணிய பூமியாக மாற்ற போகிறாராம். ‘ஏப்ரல் 19 ஆம் தேதி தமிழகத்திலிருந்துதான் எதிர்க்கட்சிகளுக்கு அழிவு தொடங்கப் போகிறது’ என சொல்லியிருக்கிறார் மோடி. பத்தாண்டு அழிவு ஆட்சியில் இருந்து மக்கள் விடுதலை பெற இந்தியா கூட்டணிக்கு வாக்களிக்கத் தயாராகிவிட்டார்கள். ஏப்ரல் 19 ஆம் தேதிதான் பாஜகவுக்கு பேரழிவுக் காலம் தொடங்கப் போகிறது. ஒரு பிரதமர், அவர் தனது தகுதிக்கு ஏற்ப பேச வேண்டும். பா.ஜ.க.வின் நாலாந்தரப் பேச்சாளரைப் போல பேசக்கூடாது. மீறி மோடி அப்படி பேசுகிறார் என்றால் தோற்கப் போகிறோம் என்பதை அவரே உணர்ந்து விட்டார் என்பது தெரிகிறது. 400 தொகுதிகள் வெற்றி பெறப் போவதாக அவர் சொல்லிக் கொள்கிறார். உண்மையில் 400 தொகுதிகள் வெற்றி பெறப் போகிறவர் இப்படி தரந்தாழ்ந்து பேசமாட்டார்” எனத் தெரிவித்துள்ளார்.