Skip to main content

மாணவியின் ஆபாசப் படத்தை வெளியிடுவதாக மிரட்டல்; வாலிபர் கைது!

Published on 07/02/2021 | Edited on 07/02/2021

 

school student incident youth rasipuram police arrested


நாமக்கல் அருகே, பேஸ்புக் மூலம் நட்பாகப் பழகிய பள்ளி மாணவியை ஆபாசப் படம் எடுத்து, அதைச் சமூக ஊடகங்களில் வெளியிடுவதாக மிரட்டிய வாலிபரை காவல்துறையினர் கைது செய்தனர்.

 

நாமக்கல் மாவட்டம் ராசிபுரத்தைச் சேர்ந்த 15 வயது சிறுமி, அப்பகுதியில் உள்ள தனியார் பள்ளியில் எஸ்எஸ்எல்சி படித்து வருகிறார். இவருக்கு கடந்த சில மாதங்களுக்கு முன்பு விருதுநகர் மாவட்டம் ஸ்ரீவில்லிபுத்தூர் திருமலபுரம் பகுதியைச் சேர்ந்த தமிழ்ச்செல்வன் (24) பேஸ்புக் மூலம் அறிமுகமானார். 

 

தமிழ்ச்செல்வன் மின்வாரியத்தில் தற்காலிக ஊழியராகப் பணியாற்றி வருகிறார். இவர்கள் இருவரும் தங்களது நட்பை ஃபேஸ்புக்கில் வளர்த்து வந்துள்ளனர். மேலும், வாட்ஸ்ஆப் மூலமும் பேசி வந்துள்ளனர். இதனால் நாளடைவில் இவர்களுக்குள் காதல் மலர்ந்தது. 

 

பின்னர் இருவரும் அடிக்கடி நேரில் சந்தித்து வந்தனர். அப்போது மாணவியை தமிழ்ச்செல்வன் ஆபாசமாகப் புகைப்படம் எடுத்துள்ளார். இந்த நிலையில், அந்த மாணவியைத் தனது ஆசைக்கு இணங்குமாறு அடிக்கடி தமிழ்ச்செல்வன் வற்புறுத்தி வந்துள்ளார். ஆனால் மாணவி அதற்கு மறுப்பு தெரிவித்துள்ளார். 

 

தொடர்ந்து தமிழ்ச்செல்வன் வற்புறுத்தி வந்ததால், இதுகுறித்து மாணவி தாயிடம் தெரிவித்தார். இதைக் கேட்டு அதிர்ச்சி அடைந்த தாய், இதுகுறித்து தமிழ்ச்செல்வனிடம் கேட்டார். அப்போது தனது ஆசைக்கு இணங்காவிட்டால் மாணவியின் ஆபாசப் படங்களை இணையதளங்களில் வெளியிடுவேன் என மிரட்டி உள்ளார்.

 

இதுகுறித்து மாணவியின் தாய் வெள்ளிக்கிழமை (பிப். 5) ராசிபுரம் மகளிர் காவல்நிலையத்தில் புகார் அளித்தார். அதன்பேரில் போலீசார் விசாரணை நடத்தினர்.  தொடர்ந்து போலீசார் ஸ்ரீவில்லிபுத்தூர் விரைந்து சென்று தமிழ்ச்செல்வனை கைது செய்து ராசிபுரம் காவல்நிலையம் அழைத்து வந்தனர். அவரிடம் இருந்து மாணவியின் ஆபாசப் படங்களைப் பறிமுதல் செய்தனர். 

 

பின்னர், தமிழ்ச்செல்வன் மீது போக்ஸோ சட்டத்தின் கீழ் வழக்குப்பதிவு செய்யப்பட்டது. இதையடுத்து அவரை நீதிமன்றத்தில் ஆஜர்படுத்தி ராசிபுரம் கிளைச்சிறையில் அடைத்தனர். 


 

சார்ந்த செய்திகள்

Next Story

வீட்டில் பறிமுதல் செய்யப்பட்ட ஆயுதங்கள்; ரோபோக்களைக் கொண்டு சோதனை

Published on 26/04/2024 | Edited on 26/04/2024
 seized at home; Testing with robots

மேற்கு வங்கத்தில் வீடு ஒன்றிலிருந்து ஆயுதங்கள் பறிமுதல் செய்யப்பட்ட நிலையில் தற்போது அந்தப் பகுதியில் ரோபோக்களைக் கொண்டு ஆயுதங்களை பறிமுதல் செய்ய பாதுகாப்புப் படையினர் அதிகப்படியாக குவிக்கப்பட்டுள்ளனர்.

இந்தியாவில் 18-வது மக்களவைத் தேர்தலுக்கான வாக்குப்பதிவு நடைபெற்று வரும் நிலையில் சந்தோஷ்காளி விவகாரம் மீண்டும் பரபரப்பை ஏற்படுத்தி இருக்கிறது. மேற்கு வங்கத்தில் சந்தோஷ்காளி பகுதியில் ஆயுதங்கள் பதுக்கி வைக்கப்பட்டு இருப்பதாக சிபிஐ போலீசாருக்கு தகவல் வந்தது. தேர்தல் வன்முறையில் பயன்படுத்துவதற்காக ஆயுதங்கள் குவிக்கப்பட்டுள்ளதாக சந்தேகம் எழுந்த நிலையில் சிபிஐ  போலீசார் சந்தோஷ்காளி பகுதியில் சோதனை நடத்த முடிவு செய்தனர்.

அதனைத் தொடர்ந்து வீடு ஒன்றில் துப்பாக்கிகள் பறிமுதல் செய்யப்பட்ட நிலையில் மேலும் அங்கு அதிகப்படியான ஆயுதங்கள் இருக்க வாய்ப்பு இருப்பதாக சிபிஐக்கு சந்தேகம் எழுந்தது. மனிதர்களால் ஆய்வு செய்தால் குண்டு வெடிப்பு உள்ளிட்ட அசம்பாவிதங்கள் நடைபெறலாம் என்ற யூகத்தின் அடிப்படையில் தேசிய பாதுகாப்புப் படையினர் வரவழைக்கப்பட்டனர். தேசிய பாதுகாப்புப் படையின் சார்பாக ரோபோ கருவிகள் மூலமாக வெடிகுண்டு மற்றும் ஆயுதங்கள் அங்கிருந்து பறிமுதல் செய்யப்பட்டதாகக் கூறப்படுகிறது. வெளிநாட்டில் தயாரிக்கப்பட்ட ஆயுதங்கள் அதிகப்படியாக பறிமுதல் செய்யப்பட்டுள்ளதாக அதிகாரிகள் மட்டத்தில் தெரிவிக்கப்பட்டுள்ளது. ஏற்கெனவே அங்கு திரிணாமுல் காங்கிரஸ் முன்னாள் நிர்வாகி ஷாஜகான் என்பவர் சந்தோஷ்காளி பகுதியில் ஆதரவாளர்களைத் திரட்டி ஆயுதங்களை வைத்து வன்முறையில் ஈடுபட்டதாக கைது செய்யப்பட்டு இருந்தது குறிப்பிடத்தக்கது.

Next Story

உறவினர் வீட்டு விஷேஷத்திற்குச் சென்ற மகன்; தாய்க்குக் காத்திருந்த அதிர்ச்சி!

Published on 26/04/2024 | Edited on 26/04/2024
 young man who went to visit a relative's house passed away

ஈரோடு, சூரம்பட்டி, நேரு வீதியைச் சேர்ந்தவர் சுலோச்சனா (73). இவரது கணவர் மருதாசலம் (75). இவர்களுக்கு மூன்று மகன்கள் உள்ளனர். கடைசி மகன் மட்டும் திருமணம் ஆகி தனியாக வசித்து வருகிறார். மற்ற இரண்டு மகன்களும் பெற்றோர்களுடன் வசித்து வந்தனர். 2-வது மகன் மோகனுக்கு மது குடிக்கும் பழக்கம் உள்ளது. இந்த நிலையில், கடந்த 21ஆம் தேதி சித்தோடு, சாணார்பாளையத்தில் உள்ள தங்களது உறவினர் வீட்டு விசேஷத்துக்குச் சென்று வருவதாக கூறிச் சென்ற மோகன் அதன்பின் வீடு திரும்பவில்லை.

இதையடுத்து, பல்வேறு இடங்களில் மகனைத் தேடி வந்த தாய் சுலோச்சனா, நேற்று சித்தோடு பகுதியில் சென்று தன் மகன் குறித்து விசாரித்துள்ளார். அப்போது, கடந்த 21ஆம் தேதி மதுபோதையில் சித்தோடு வந்த மோகன் அங்குள்ள செல்போன் கடை முன்பாக மயங்கிக் கிடந்தவர், சிறிது நேரத்தில் இறந்து விட்டதாகவும், இதையடுத்து, அங்கிருந்தவர்கள் மோகனின் உடலை சித்தோடு அரசு மருத்துவக் கல்லூரி மருத்துவமனைக்கு அனுப்பி வைத்து விட்டதாகவும் தெரிவித்துள்ளனர்.

இதையடுத்து, சுலோச்சனா அரசு மருத்துவக் கல்லூரி மருத்துவமனைக்கு சென்று இறந்தது தனது மகன் மோகன் தான் என்பதை உறுதி செய்தார்.  இதுகுறித்து நேற்று அவர் அளித்த புகாரின் பேரில், சித்தோடு போலீசார் வழக்குப் பதிவு செய்து விசாரித்து வருகின்றனர்.