Skip to main content

மனைவியுடன் முறையற்ற உறவு; நண்பனை சரமாரியாக வெட்டிய கணவன்

Published on 09/12/2022 | Edited on 09/12/2022

 

salem marriage issue police investigation

 

சேலம், சூரமங்கலம் திருவாக்கவுண்டனூர் மாரியம்மன் கோயில் பகுதியைச் சேர்ந்தவர் பூபதி (36). இவருடைய மனைவி காவியா (30 பெயர் மாற்றப்பட்டுள்ளது). டிச. 1 ஆம் தேதி வீட்டில் இருந்து வெளியே சென்ற அவர் அதன் பின் வீடு திரும்பவில்லை. இதனால் அதிர்ச்சி அடைந்த பூபதி, மனைவியைக் காணவில்லை என்று சூரமங்கலம் காவல்நிலையத்தில் புகார் அளித்தார். காவல்துறையினர் வழக்குப்பதிவு செய்து விசாரணை நடத்தினர். வீட்டில் நடத்திய சோதனையில், அங்கிருந்து காவியா எழுதி வைத்திருந்த ஒரு கடிதத்தைக் கைப்பற்றினர். 

 

அந்தக் கடிதத்தை காவியா தன்னுடைய கணவருக்கு எழுதி இருந்தார். அதில், “உன்னை எனக்குப் பிடிக்கவில்லை. நான் செல்கிறேன். என்னை தேட வேண்டாம்” என்று மட்டும் எழுதியிருந்தார். விசாரணையில், காவியாவுக்கும், பூபதியின் நண்பரான சேலம் அம்மாபேட்டை மிலிட்டரி சாலையைச் சேர்ந்த கண்ணன் (32) என்பவருக்கும் திருமணத்தை மீறிய உறவு இருந்து வருவதும், அவருடன் சரண்யா சென்றுவிட்டதும் தெரிய வந்தது. 

 

பூபதியின் வீட்டிற்கு அடிக்கடி வந்து சென்றதில் கண்ணனுக்கும் காவியாவுக்கும் பழக்கம் ஏற்பட்டு, நாளடைவில் நெருக்கமான உறவாக மாறியிருக்கிறது. டிச. 1 ஆம் தேதி வீட்டை விட்டு வெளியேறிய காவியா, கண்ணனுடன் ஒரு வீடு எடுத்து குடும்பம் நடத்தி வருவதும் தெரியவந்தது. இதையடுத்து காவியாவை மீட்ட காவல்துறையினர் அவரிடம் விசாரித்தனர். அப்போது அவர், இனிமேல் கணவருடன் சேர்ந்து வாழ விருப்பமில்லை என்றும், கண்ணனுடன் சேர்ந்து வாழ விரும்புவதாகவும் கூறினார். காவல்துறையினர் அறிவுரை வழங்கியும் அவர் தன் முடிவில் உறுதியாக இருந்தார். இதையடுத்து இரு தரப்பினரிடமும் எழுதி வாங்கிவிட்டு அனுப்பி விட்டனர். 

 

இந்நிலையில், டிச. 7 ஆம் தேதி மாலை பூபதியும் கண்ணனும் அலைபேசியில் பேசியுள்ளனர். அப்போது சமாதானம் பேசிக்கொள்ளலாம் என கண்ணனிடம் பூபதி தெரிவித்துள்ளார். அதன்பேரில் திருவாக்கவுண்டனூரில் உள்ள ஒரு கோயில் திடலில் வைத்து இருவரும் பேசியுள்ளனர். பின்னர் நண்பர்கள் இருவரும் ஒன்றாக மதுபானம் குடித்துள்ளனர். போதை தலைக்கேறிய நிலையில் இருந்த பூபதி திடீரென்று, என்னுடன் நண்பனாக பழகிவிட்டு எனக்கே துரோகம் செய்து விட்டாய். என் மனைவியையே அபகரித்து விட்டாயே என்று கூறி கண்ணனிடம் தகராறு செய்தார். இருவருக்கும் வாக்குவாதம் முற்றி கைகலப்பாக மாறியது. 

 

ஒரு கட்டத்தில் ஆத்திரத்தின் எல்லைக்கே சென்ற பூபதி, தான் மறைத்து வைத்திருந்த கத்தியை எடுத்து கண்ணனை சரமாரியாக வெட்டினார். இதில் கண்ணனுக்கு கழுத்து, நெஞ்சு, தலை, கை ஆகிய இடங்களில் பலத்த வெட்டு விழுந்தது. ஒருவழியாக அவரிடம் இருந்து தப்பிய கண்ணன், அங்கிருந்த தனது மோட்டார் சைக்கிளை எடுத்துக்கொண்டு வேகமாக ஓட்டிச்சென்றார். 

 

கத்தி வெட்டில் பலத்த காயம் அடைந்திருந்த கண்ணன், கொண்டலாம்பட்டி அருகே வேகமாக சென்றபோது அவர் மீது எதிரில் வந்த கார் மோதியது. இதில் தூக்கி வீசப்பட்ட அவர் மேலும் பலத்த காயம் அடைந்தார். அந்த வழியாக வந்த வாகன ஓட்டிகள் அவரை மீட்டு, '108' ஆம்புலன்ஸ் வாகனத்தின் மூலம் கொண்டு சென்று சேலம் அரசு மருத்துவமனையில் சேர்த்தனர். அவருக்கு தீவிர சிகிச்சை அளிக்கப்பட்டு வருகிறது. 

 

இதுகுறித்து தகவல் அறிந்த சூரமங்கலம் காவல்நிலைய காவல்துறையினர் பூபதி மீது கொலை முயற்சி வழக்குப்பதிவு செய்தனர். இதற்கிடையே பூபதி தலைமறைவாகி விட்டார். அவரை தேடி வருகின்றனர். 

 

 

சார்ந்த செய்திகள்

Next Story

நாயைக் குளிப்பாட்ட சென்ற அக்கா, தம்பிக்கு நேர்ந்த துயரம்!

Published on 24/04/2024 | Edited on 24/04/2024
Both sister and brother drowned in lake while going to bathe their dog

திருப்பத்தூர் மாவட்டம் வாணியம்பாடி அடுத்த கொத்தகோட்டை, புளியந்தோப்பு வட்டம் பகுதியைச் சேர்ந்த கூலித் தொழிலாளிகள் முருகன்- மாலதி தம்பதியினர். ஜோதிலிங்கம் (10) ஜோதிகா (8), ஜோதிஷ் (7) ஆகிய மூன்று குழந்தைகள் உள்ளனர். இவர்கள் அதே பகுதியில் ஒரு குடிசை வீட்டில் வசித்து வந்த நிலையில்  கொத்தகோட்டை அரசு துவக்கப்பள்ளியில் படித்து வந்துள்ளனர்.

இந்த நிலையில் பள்ளி விடுமுறை என்பதால் ஜோதிகா மற்றும் ஜோதிஷ் ஆகிய இருவரும் வீட்டின் அருகே உள்ள எறாகுட்டை ஏரியில் தங்களது வீட்டில் வளர்த்து வந்த நாயை குளிப்பாட்ட கொண்டு சென்றுள்ளனர். அப்போது எதிர்பாராத விதமாக  ஏரியில் தவறி விழுந்து அக்கா ஜோதிகா(8) தம்பி ஜோதிஸ் (7) ஆகிய இருவரும் நீரில் மூழ்கியுள்ளனர். இதனைக் கண்ட அப்பகுதி மக்கள் சிலர்  நீரில் மூழ்கிய இருவரையும் நீண்ட நேரம் போராடி சடலமாக மீட்டனர்.

இது குறித்து தகவல் அறிந்த வாணியம்பாடி கிராமிய போலிசார் ஏரியில் மூழ்கி உயிரிழந்த இரண்டு சிறுவர்களையும் மீட்டு பிரேத பரிசோதனைக்காக வாணியம்பாடி அரசு மருத்துவமனைக்கு அனுப்பி வைக்கப்பட்டு சம்பவம் குறித்து வழக்குப்பதிவு செய்து விசாரணை மேற்கொண்டு வருகின்றனர்

இது தொடர்பாக உயிரிழந்த சிறுவர்களின் பெற்றோர் கூறுகையில்: தாங்கள் இருவரும் மூன்று குழந்தைகளுடன் குடிசை வீட்டில் வசித்து கூலி வேலை செய்து வருகிறோம். கடந்த ஆறு மாதங்களுக்கு முன்பு அந்த குடிசை வீட்டையும் பக்கத்து வீட்டுக்காரர் எரித்து விட்டார். அப்போது வீட்டில் இருந்த குழந்தைகளின் சாதி சான்று மற்றும் ஆதார் அட்டை உள்ளிட்ட பல்வேறு ஆவணங்கள் எரிந்து விட்டது. துறை சார்ந்த அதிகாரிகளிடம் பலமுறை புகார் அளித்தும் எந்தவித நடவடிக்கை எடுக்கவில்லை. தற்போது வரை குடிசை வீடும் இல்லாமல் ஆங்காங்கே வீதியிலும், கோயில் இடங்களிலும் மூன்று குழந்தைகளை வைத்து வசித்து வருவதாக வேதனையுடன் தெரிவித்தனர்.

Next Story

பெட்ரோல் குண்டு வீச்சு சம்பவம்; அதிமுக நிர்வாகி உள்ளிட்ட 4 பேர் கைது!

Published on 24/04/2024 | Edited on 24/04/2024
Ambedkar statue incident 4 people including ADMK executive 

கடலூர் மாவட்டம் குள்ளஞ்சாவடி அருகே உள்ள அம்பலவாணன் பேட்டை கிராமத்தில் அண்ணல் அம்பேத்கர் சிலை ஒன்று உள்ளது. அந்தப் பகுதிக்கு இன்று (24.04.2024) அதிகாலை இரு சக்கர வாகனத்தில் வந்த மர்மநபர்கள் சிலர் அம்பேத்கர் சிலை மீது பெட்ரோல் குண்டை வீச முயற்சி செய்துள்ளனர். அப்போது மர்மநபர்கள் வீசிய பெட்ரோல் குண்டு அம்பேத்கர் சிலை மீது படாமல் அதற்கு பின்னால் இருந்த பழைய ஊராட்சி மன்ற கட்டடத்தின் மீது பட்டு வெடித்துள்ளது. அதே சமயம் அம்பேத்கர் சிலைக்கு எவ்வித பாதிப்பும் ஏற்படவில்லை.

இது குறித்து தகவல் அறிந்த போலீசார் சம்பவ இடத்திற்கு விரைந்து வந்து விசாரணை மேற்கொண்டனர். இதனையடுத்து இந்த சம்பவம் தொடர்பாக அதே பகுதியைச் சேர்ந்த 4 இளைஞர்களிடம் போலீசார் விசாரணை மேற்கொண்டனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. மேலும், முன்னெச்சரிக்கை நடவடிக்கையாக போலீசார் அம்பலவாணன் பேட்டை, குள்ளஞ்சாவடி பகுதிகளில் பாதுகாப்பு பணியில் ஈடுபடுத்தப்பட்டுள்ளனர்.

இந்நிலையில், பெட்ரோல் குண்டு வீச்சு தொடர்பாக அதே பகுதியைச் சேர்ந்த வெற்றி (வயது 21), கிருஷ்ணகுமார் (வயது 21), அதிமுக இளைஞர் பாசறை கிளை கழக செயலளார் சதீஷ் (வயது 29), விஜயராஜ் (வயது 22) ஆகிய 4 பேரை கைது செய்து போலீசார் விசாரணை மேற்கொண்டுள்ளனர். அதே சமயம் அம்பேத்கர் சிலை அருகே குண்டு வீசிய இடத்தை தூய்மைப்படுத்திய விசிகவினர் பால் அபிஷேகம் செய்து மாலை அணிவித்து மரியாதை செலுத்தினர்.