Skip to main content

ஏற்காட்டில் வடமாநில தம்பதி வெட்டி கொலை; போலீசார் விசாரணை!

Published on 01/10/2020 | Edited on 01/10/2020

 

 

salem district yercaud couple incident police investigation

 

 

ஏற்காட்டில் தனியார் எஸ்டேட்டில் கூலி வேலை செய்து வந்த வடமாநிலத்தைச் சேர்ந்த கணவன், மனைவியை மர்ம நபர்கள் சரமாரியாக வெட்டிக் கொலை செய்த சம்பவம் பரபரப்பை ஏற்படுத்தி உள்ளது.

 

சேலம் மாவட்டம் ஏற்காடு வெள்ளக்கடையில், சேலத்தை சேர்ந்த ராமமூர்த்தி என்பவருக்கு சொந்தமான கரோரோ எஸ்டேட் உள்ளது. இந்த எஸ்டேட்டில் வடமாநிலத்தைச் சேர்ந்த கூலித் தொழிலாளர்கள் வேலை செய்து வருகின்றனர். அவர்கள் தங்குவதற்காக எஸ்டேட் அருகிலேயே 8 வீடுகள் கட்டி கொடுக்கப்பட்டு உள்ளன.

 

இங்குள்ள ஒரு வீட்டில் ஜார்க்கண்ட் மாநிலத்தைச் சேர்ந்த கொண்டா பஹான் (41), அவருடைய மனைவி சுதிகென்ஸ் (36) ஆகியோர் தங்கியிருந்தனர். புதன்கிழமை (செப். 30) காலை நீண்ட நேரமாகியும் கணவன், மனைவி இருவரும் கதவைத் திறக்கவில்லை. வேலைக்கும் வரவில்லை.

 

இதையடுத்து அக்கம்பக்கத்தினர் அவருடைய வீட்டுக்குச் சென்று பார்த்தபோது கதவு உள்தாழ்ப்பாள் போடாமல் லேசாக திறந்து இருந்தது தெரிய வந்தது. உள்ளே எட்டி பார்த்தபோது, வீட்டுக்குள் கணவன், மனைவி இருவரும் ரத்த வெள்ளத்தில் சடலமாக கிடப்பது தெரிந்தது.

 

இதுகுறித்து ஏற்காடு காவல் நிலையத்திற்கு தகவல் அளிக்கப்பட்டது. காவல்துறையினர் சம்பவ இடத்திற்கு வந்து பார்த்தபோது, அந்த வீட்டின் கதவு உள்பக்கமாக தாழிடப்பட்டு இருந்தது. கதவை உடைத்து உள்ளே சென்று சடலங்களை மீட்டனர். சடலங்களை உடற்கூறாய்வுக்காக சேலம் அரசு மருத்துவமனைக்கு அனுப்பி வைத்தனர்.

 

வீடு முழுவதும் ரத்தம் படிந்து இருந்தது. மர்ம நபர்கள் அவர்களை சரமாரியாக வெட்டி கொலை செய்திருப்பது தெரிய வந்தது. சுதிகென்சின் கழுத்து பகுதியில் பலத்த வெட்டுக்காயம் இருந்தது. அரை நிர்வாணமாக கிடந்த அவருடைய உடல் மீது கொண்டா பஹான் உடல் கிடந்தது.

 

காவல்துறை விசாரணையில், சம்பவம் நடந்த வீட்டுக்கு அருகில் வசித்து வந்த வடமாநிலத்தைச் சேர்ந்த கைரா புத்ரா, ராம்சோநாக் ஆகிய இருவரும் திடீரென்று காணாமல் போயிருப்பது தெரிய வந்தது.

 

செவ்வாய்க்கிழமை (செப். 29) இரவு, கொண்டா பஹான், சுதிகென்ஸ், பக்கத்து வீட்டில் வசித்து வரும் கைரா புத்ரா, ராம்சோநாக் ஆகியோர் ஒன்றாக மது குடித்துள்ளனர். அப்போது அவர்களுக்குள் ஏற்பட்ட தகராறில் இச்சம்பவம் நடந்திருக்கலாம் என சந்தேகிக்கப்படுகிறது. குடிபோதையில் சுதிகென்சிடம் பாலியல் ரீதியில் தொந்தரவு செய்திருக்கலாம் அப்போது இந்த கொலை நடந்திருக்கலாம் என்ற சந்தேகமும் காவல்துறைக்கு எழுந்துள்ளது.

 

மோப்ப நாய் வரவழைக்கப்பட்டு துப்பு துலக்கப்பட்டது. விரல் ரேகை நிபுணர்கள் சம்பவ இடத்தில் சில முக்கிய தடயங்களை சேகரித்துள்ளனர். மேலும், அக்கம்பக்கத்தினர் பார்த்தபோது கதவு திறந்து இருந்த நிலையில், காவல்துறையினர் வந்தபோது கதவு உள்புறமாக தாழிட்டது யார் என்றும் விசாரித்து வருகிறார்கள்.

 

சேலம் புறநகர் டிஎஸ்பி உமாசங்கர், சங்ககிரி டிஎஸ்பி ரமேஷ்பாபு, ஏற்காடு காவல் ஆய்வாளர் ஆனந்தன் ஆகியோர் தலைமையில் தனிப்படை காவல்துறையினர் தீவிர விசாரணை நடத்தி வருகின்றனர்.

 

தலைமறைவான கைரா புத்ரா, ராம்சோநாக் ஆகியோர் மலை கிராமங்களில் எங்காவது ஒளிந்திருக்கலாம் என்ற தகவலால் ஏற்காட்டைச் சுற்றியுள்ள அனைத்து கிராமங்களிலும் தீவிரமாக தேடி வருகின்றனர். இச்சம்பவம் அப்பகுதியில் பரபரப்பை ஏற்படுத்தி உள்ளது.

 

 

சார்ந்த செய்திகள்

 

Next Story

'நகைக்காகப் பாசத்தைப் பொழிந்த மாமியார்; மருமகள் எடுத்த சோக முடிவு

Published on 19/07/2024 | Edited on 19/07/2024
'Mother-in-law who showered affection on jewelry; A sad decision taken by the daughter-in-law

நகை கொடுக்கல் வாங்கல் பிரச்சனையில் மருமகள் மாமியார் இடையே ஏற்பட்ட சண்டையில் மருமகள் தூக்கிட்டு தற்கொலை செய்துகொண்ட சம்பவம் சென்னை தாம்பரம் அருகே பரபரப்பை ஏற்படுத்தியுள்ளது.

சென்னை தாம்பரம் பவானி நகர் பகுதியில் வசித்து வருபவர்கள் பிரேம்குமார்-மஞ்சுளா தம்பதி. ஆட்டோ ஓட்டி வந்த பிரேம்குமார் டிவி ஷோரூமில் பணியாற்றி வந்த மஞ்சுளாவை சில ஆண்டுகளுக்கு முன் காதலித்து இரு வீட்டார் சம்மதத்துடன் திருமணம் செய்து கொண்டதாக கூறப்படுகிறது. தொடர்ந்து மருமகள் மஞ்சுளாவை நன்கு கவனித்து வந்த மாமியார் சித்ரா, மஞ்சுளா அணிந்திருந்த 15 சவரன் நகைகளில் 12 சவரன் நகையை அவசர தேவைக்காக கேட்டுள்ளார்.

மஞ்சுளாவும் மாமியார் சித்ராவிற்கு நகைகளை கொடுத்ததாகக் கூறப்படுகிறது. இந்நிலையில் நான்கு மாதங்களுக்கு பிறகு தன்னுடைய நகையை திரும்பத் தரும்படி மாமியார் சித்ராவிடம் மஞ்சுளா கேட்டுள்ளார். ஆரம்பத்தில் பாசத்தை பொழிந்த மாமியார் சித்ரா மருமகள் மீண்டும் நகையை கேட்டதால் ஆத்திரமடைந்து வாக்குவாதத்தில் ஈடுபட்டார். இதனால் அடிக்கடி மாமியார் மருமகள் இருவருக்கும் இடையே சண்டை ஏற்பட்டது. இதனால் மணிமங்கலத்தில் தனியாக வீடு எடுத்து பிரேம்குமாரும் மஞ்சுளாவும் வசித்து வந்தனர்.

இந்நிலையில் கணவன் பிரேம்குமாரிடம் நகையைக் கேட்டு வாங்கி தரும்படி மஞ்சுளா கேட்ட பொழுது பிரேம்குமாருக்கும் மஞ்சுளாவிற்கும் இடையே வாக்குவாதம் ஏற்பட்டு சண்டை ஏற்பட்டது. இதனால்  வீட்டின் அறைக்குள் சென்ற மஞ்சுளா பல மணி நேரமாகியும் வெளியே வராததால் பிரேம்குமார் அக்கம் பக்கத்தினர் உதவியுடன் அறையின் கதவை உடைத்துக் கொண்டு சென்ற பொழுது உள்ளே மின்விசிறியில் மஞ்சுளா தூக்கிட்டு தற்கொலை செய்து கொண்டது அதிர்ச்சியை ஏற்படுத்தியது. இந்த சம்பவத்தில் தற்கொலை செய்து கொண்ட மஞ்சுளா இரண்டு மாதம் கர்ப்பமாக இருந்ததாகவும் தகவல்கள் வெளியாகியுள்ளது. 

மஞ்சுளாவின் உடல் பிரேதப் பரிசோதனைக்காக மருத்துவமனைக்கு அனுப்பி வைக்கப்பட்டது. இந்த தகவலை அறிந்த பெண்ணின் உறவினர்கள் அந்த பகுதியில் உள்ள சாலையில் அமர்ந்து, உடனடியாக தன்னுடைய மகளின் உயிரிழப்பு காரணமானவர்களை உடனடியாக கைது செய்ய வேண்டும் எனப் போராட்டத்தில் ஈடுபட்டதால் பரபரப்பு ஏற்பட்டது. அங்கு வந்த போலீசார் சமாதானப்படுத்தி போராட்டம் நடத்தியவர்களை அங்கிருந்து அனுப்பி வைத்தனர்.

Next Story

பாதயாத்திரை விபத்தில் பலியான 5 பேர்; நிவாரணத் தொகையை வழங்க அமைச்சர்கள்

Published on 18/07/2024 | Edited on 18/07/2024
5 lose their live in padayatra accident; Ministers to provide relief amount

சமயபுரம் கோவிலுக்கு பாதயாத்திரை சென்ற போது விபத்தில் பலியான 5 பக்தர்களின் குடும்பங்களுக்கு நிவாரணம் அறிவிக்கப்பட்டுள்ளது.

புதுக்கோட்டை மாவட்டம் கந்தர்வக்கோட்டை சட்டமன்றத் தொகுதிக்குட்பட்ட கல்லாக்கோட்டை ஊராட்சி கண்ணுகுடிப்பட்டி கிராமத்தைச் சேர்ந்த ஆண்கள், பெண்கள் என ஏராளமானவர்கள் சமயபுரம் முத்துமாரியம்மன் கோவிலுக்கு பாதயாத்திரை சென்றனர். இந்நிலையில் நேற்று அதிகாலை தஞ்சை மாவட்டம் வளப்பக்குடி கிராமம் அருகே நடந்து சென்ற பக்தர்கள் மீது சரக்கு வாகனம் மோதி விபத்து ஏற்பட்டுள்ளது.

இந்த விபத்தில் கண்ணுகுடிப்பட்டி என்கிற ஒரே கிராமத்தைச் சேர்ந்த முத்துசாமி (60), ராணி (37), மோகனாம்பாள் (27), மீனா (26), தனலட்சுமி (36) ஆகிய 5 பேரும் பரிதாபமாக உயிரிழந்தனர். மேலும் இவர்களுடன் நடந்து சென்ற சங்கீதா படுகாயமடைந்து தஞ்சாவூர் மருத்துவக்கல்லூரி மருத்துவமனையில் தீவிர சிகிச்சைப் பிரிவில் சிறப்புச் சிகிச்சை பெற்று வருகிறார். இந்த சம்பவம் குறித்து தகவலறிந்த தமிழ்நாடு முதலமைச்சர் விபத்தில் உயிரிழந்த குடும்பத்தினருக்கு இரங்கல் தெரிவித்ததுடன் உயிரிழந்தவர்களின் குடும்பங்களுக்கு நிவாரணமாக தலா ரூ.2 லட்சமும், காயமடைந்து சிகிச்சை பெற்று வரும் நபருக்கு ரூ.1 லட்சம் நிவாரணம் வழங்க உத்தரவிட்டார்.

இந்நிலையில் இன்று அமைச்சர்கள் ரகுபதி, மெய்யநாதன், கந்தர்வக்கோட்டை சட்டமன்ற உறுப்பினர் சின்னதுரை மற்றும் புதுக்கோட்டை வருவாய் கோட்டாட்சியர் ஐஸ்வர்யா ஆகியோர் கண்ணுக்குடிப்பட்டி கிராமத்திற்கு சென்று பாதிக்கப்பட்டவர்களின் குடும்பத்தினர்களுக்கு ஆறுதல் கூறி முதலமைச்சரின் நிவாரண நிதிக்கான காசோலையை வழங்கினர். நிகழ்ச்சியில் அதிகாரிகள் மற்றும் உள்ளாட்சி பிரதிநிதிகள் கலந்து கொண்டனர்.

The website encountered an unexpected error. Please try again later.