மேட்டூர் அணைக்கு நீர்வரத்து அதிகரிப்பு!

காவிரி நீர் பிடிப்பு பகுதிகளில், மழை காரணமாக மேட்டூர் அணைக்கு நீர்வரத்து அதிகரித்துள்ளது.

சேலம் மாவட்டத்தில் உள்ள மேட்டூர் அணைக்கு நீர்வரத்து 2,386 கனஅடியில் இருந்து 4,159 கனஅடியாக அதிகரித்துள்ளது. மேட்டூர் அணையின் நீர்மட்டம் 101.05 அடியாகவும், நீர் இருப்பு 66.20 டி.எம்.சி.யாகவும் இருக்கிறது. அணையில் இருந்து குடிநீர் தேவைக்காக வினாடிக்கு 1,000 கனஅடி தண்ணீர் வெளியேற்றப்படுகிறது. இன்னும் சில தினங்களில் (ஜூன் 12- ஆம் தேதி) குறுவைசாகுபடிக்காக மேட்டூர் அணையில் இருந்து தண்ணீர் திறக்கப்பட உள்ள நிலையில், நீர்வரத்து அதிகரித்துள்ளது என்பது குறிப்பிடத்தக்கது.