Skip to main content

'இந்தியாவை வல்லரசாக்கும் தகுதி கிராம ஊராட்சிகளுக்கு உள்ளது' -ஊராட்சிகளின் உதவி இயக்குநர் கங்காதரணி பேச்சு!

Published on 24/01/2020 | Edited on 24/01/2020

திண்டுக்கல் மாவட்டத்தில் ஊரக உள்ளாட்சி தேர்தலில் புதிதாக தேர்ந்தெடுக்கப்பட்ட கிராம ஊராட்சி தலைவர்கள், துணைத்தலைவர்களுக்கான ஊராட்சி நிர்வாகம் தொடர்பான ஒருநாள் பயிற்சி வகுப்பு ஜனவரி 22,23,24 ஆகிய தேதிகளில் காந்திகிராமம் கே.வி.கே.அரங்கத்தில் நடைபெற்றது.

மாவட்ட ஆட்சித்தலைவர் மு.விஜயலட்சுமி தலைமை தாங்கி பயிற்சி வகுப்பை துவக்கி வைத்தார். திட்ட இயக்குநர் கவிதா, மாவட்ட ஊராட்சி செயலாளர் அகமது ஆகியோர் கலந்துகொண்டு ஊராட்சி மன்ற தலைவர் மற்றும் துணை தலைவர்களுக்கு பயிற்சி அளித்தனர். நிறைவுநாள் விழாவிற்கு ஊராட்சிகளின் உதவி இயக்குநர் கங்காதரணி தலைமை தாங்கினார்.

 

Rural panchayats have the potential to make India great - Gangadharani

 

திண்டுக்கல் ஒன்றிய வட்டார வளர்ச்சி அலுவலர் கிருஷ்ணன் மற்றும் பயிற்சியாளர்களும், துணை வட்டார வளர்ச்சி அலுவலர்களுமான வீரக்கடம்பு கோபு ஆகியோர் முன்னிலை வகித்தனர். தலைமை உரையாற்றிய ஊராட்சிகளின் உதவி இயக்குநர் கங்காதரணி திண்டுக்கல் மாவட்டத்தில் மாவட்ட ஆட்சித்தலைவர் மு.விஜயலெட்சுமி தலைமையில் கிராம ஊராட்சிகளுக்கு செய்ய வேண்டிய நலத்திட்ட உதவிகளை செய்து உங்களிடம் நாங்கள் ஒப்படைத்துள்ளோம். அதை நீங்கள் முன்னேற்ற பாதையில் கொண்டு செல்லவேண்டும் என வேண்டுகோள் விடுத்தார். இந்தியா வல்லரசு ஆகவேண்டும் என மறைந்த முன்னாள் ஜனாதிபதி அப்துல்கலாம் கனவு கண்டார். அந்த கனவை நிறைவேற்றும் பொறுப்பில் நீங்கள் உள்ளீர்கள். 

இந்தியா வல்லரசு ஆவதை கிராமங்களில் இருந்து தொடங்குங்கள். வெற்றி பெற்று தலைவர் மற்றும் துணை தலைவர் பதவியில் அமர்ந்துள்ள நீங்கள் சாதி, மத, இன வேறுபாடின்றி நலத்திட்ட உதவிகளை உங்கள் ஊராட்சியில் வசிக்கும் பொதுமக்களுக்கு வழங்குங்கள் என்றார். மத்திய மாநில அரசு வழங்கும் நலத்திட்ட உதவிகளை 100 சதவீதம் பெற்று உங்கள் ஊராட்சி மேம்பட சிறப்பாக பணியாற்றுங்கள் என வேண்டுகோள் விடுத்தார்.

 

Rural panchayats have the potential to make India great - Gangadharani

 

ஊராட்சி சம்மந்தமான குறைகளை எந்த நேரத்திலும் தனது செல்போன் நம்பருக்கு அழைத்து நீங்கள் புகார் செய்யலாம் எனக்கூறி தனது செல்போன் நம்பரை ஊராட்சி மன்ற தலைவர்களுக்கு வழங்கினார். பயிற்சி வகுப்பில் தொப்பம்பட்டி ஒன்றியம் கொத்தையம் ஊராட்சியை சேர்ந்த துணைதலைவர் குப்பாத்தாள் (வயது 81) பயிற்சி வகுப்பில் கலந்துகொண்டது அனைவரையும் வியப்பில் ஆழ்த்தியது. பயிற்சி வகுப்பில் வட்டார வளர்ச்சி அலுவலர்கள் நாகராஜன், சாந்தா, மகேந்திரன் மற்றும் திண்டுக்கல் ஊராட்சி ஒன்றிய துணை வட்டார வளர்ச்சி அலுவலர் (திட்டம்) வீரகடம்புகோபு, தொப்பம்பட்டி ஒன்றிய துணை வட்டார வளர்ச்சி அலுவலர் (நிர்வாகம்) பிரபுபாண்டி ஆகியோர் பயிற்சி அளித்தனர்.

பயிற்சி வகுப்பிற்கான ஏற்பாடுகளை ஊராட்சிகளின் உதவி இயக்குநர் அலுவலக கண்காணிப்பாளர் ரவீந்தரன், கணக்காளர் கமலக்கண்ணன் மற்றும் அலுவலக பணியாளர்கள் சிறப்பாக செய்திருந்தனர். பயிற்சி வகுப்பில் கலந்துகொண்ட அனைவருக்கும் மதிய உணவு மற்றும் மாலையில் சிற்றுண்டி சிறப்பான முறையில் வழங்கப்பட்டது. 

 

 

 

சார்ந்த செய்திகள்

Next Story

'எல்லாருமே திருடங்கதான்... சொல்லப் போனா...' - பாடலுக்கு நடனமாடியபடி வந்த சுயேச்சை வேட்பாளர்

Published on 28/03/2024 | Edited on 28/03/2024
Independent candidate danced to the song 'ellarume Thirudangathan... sollpona...'

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

நேற்று வேட்புமனு தாக்கல் முடிந்த நிலையில் இன்று மனுக்கள் பரிசீலனைக்கு எடுத்துக் கொள்ளப்பட இருக்கிறது. நேற்று முக்கிய கட்சிகளின் பிரமுகர்கள் முதல் சுயேச்சை வேட்பாளர்கள் எனப் பலர் இறுதி நாள் என்பதால் வேட்பு மனுக்களைத் தாக்கல் செய்தனர். வேட்புமனு தாக்கல் செய்ய வரும் சுயேச்சை வேட்பாளர்கள் மற்றும் அரசியல் கட்சியைச் சேர்ந்த வேட்பாளர்கள் சிலர் நூதன முறைகளில் வந்து வேட்புமனு தாக்கல் செய்வது முன்னரே பல தேர்தல்களில் நடந்துள்ளது.

தேர்தல் நேரங்களில் இதுபோன்ற நூதன சம்பவங்கள் நடைபெறுவது வழக்கம். அந்த வகையில் திண்டுக்கல்லில் வேட்புமனு தாக்கல் செய்ய வந்த சுயேச்சை வேட்பாளர் ஒருவர் 'எல்லாருமே திருடங்கதான் சொல்லப்போனால் குருடங்கதான்' என்ற பாடலை ஒலிக்கவிட்டபடி சாலையில் நடனமாடிக்கொண்டே வேட்புமனு தாக்கல் செய்ய வந்தார். இது தொடர்பான வீடியோ காட்சிகள் இணையத்தில் வைரலாகி வருகிறது.

Next Story

காற்றில் பறக்கும் தேர்தல் விதிமுறை-நிலக்கோட்டையில் அதிகாரிகளின் மெத்தனம்

Published on 17/03/2024 | Edited on 17/03/2024
Is there an election? Or not?- Complacency of authorities in Nilakottai

பல்வேறு எதிர்பார்ப்புகளுக்கு மத்தியில் நேற்று பிற்பகல் நாட்டின் 18 வது நாடாளுமன்ற தேர்தலுக்கான தேதிகள் அறிவிக்கப்பட்டது. மொத்தமாக ஏழு கட்டங்களாக தேர்தல் அறிவிக்கப்பட்டுள்ள நிலையில் முதற்கட்டமாக தமிழ்நாட்டில் ஏப்ரல் 19ஆம் தேதி நாடாளுமன்ற தேர்தல் நடைபெற இருக்கிறது. ஏற்கனவே தமிழகத்தில் உள்ள அரசியல் கட்சிகள் கூட்டணி, தொகுதிப் பங்கீடு என தீவிரம் காட்டி வரும் நிலையில் தேர்தல் தேதி அறிவிக்கப்பட்டதால் தேர்தல் நடத்தை விதிமுறைகள் அமலுக்கு வந்துள்ளது. இந்நிலையில் திண்டுக்கல் மாவட்டத்தில் உள்ள நிலக்கோட்டை தொகுதியில் தேர்தல் நடைமுறைகள் அமல்படுத்துவதில் அரசு அதிகாரிகள் மெத்தனம் காட்டி வருவதாகக் கூறப்படுகிறது.

நிலக்கோட்டை பேருந்து நிலையம் அருகே நிலக்கோட்டை சட்டமன்றத் தொகுதியின் அலுவலகம் உள்ளது. பாராளுமன்ற தேர்தலை முன்னிட்டு நேற்று தேர்தல் தேதி அறிவித்தும் கூட இதுவரை சீல் வைக்கப்படவில்லை. எம்.எல்.ஏ தேன்மொழி ஆதரவாளர்கள் வழக்கம்போல்  சட்டமன்ற அலுவலகத்தை பூட்டிச் சென்ற பூட்டு மட்டுமே அங்கு காட்சிப் பொருளாக தொங்குகின்றதே தவிர தேர்தல் விதி முறைகளின்படி அந்த அலுவலகத்திற்கு அதிகாரிகள் சீல் வைக்காமல் மெத்தனப் போக்கை கடைபிடித்து வருகிறார்கள்.

இதே போல் தொகுதி முழுவதும் கொடிக் கம்பங்கள் அகற்றப்படவில்லை ஆளுங்கட்சி, எதிர்க்கட்சி என அனைவரும் சாலையில் வைத்துள்ள பேனர்கள் அப்படியே இருக்கிறது. தொகுதியில் தேர்தல் நடக்கிறதா? இல்லையா? என பொதுமக்கள் கேட்கும் அளவிற்கு அதிகாரிகளின் செயல்பாடு மெத்தனமாக உள்ளதாகக் குற்றச்சாட்டும் எழுந்து வருகிறது.