ஊரக உள்ளாட்சி தேர்தல்... வேட்பாளர் பட்டியலை வெளியிட்ட நாம் தமிழர் கட்சி!

தமிழ்நாட்டில் கடந்த 2019ஆம் ஆண்டு புதிதாக உருவாக்கப்பட்ட காஞ்சிபுரம், செங்கல்பட்டு, நெல்லை, தென்காசி, கள்ளக்குறிச்சி, விழுப்புரம், ராணிப்பேட்டை, வேலூர், திருப்பத்தூர் ஆகிய 9 மாவட்டங்களைத் தவிர மற்ற மாவட்டங்களில் உள்ளாட்சித் தேர்தல் நடைபெற்றது.இந்நிலையில், சில தினங்களுக்கு முன் தமிழ்நாடு தேர்தல் ஆணையம் உள்ளாட்சித் தேர்தல் தொடர்பான அறிவிப்பை வெளியிட்டது. அதன்படி, அக்டோபர் 6 மற்றும் 9 தேதிகளில் இரண்டு கட்டங்களாக தேர்தல் நடைபெற இருக்கிறது. இதற்கிடையே, இந்த ஒன்பது மாவட்டங்களிலும் வேட்புமனு தாக்கல் 15.09.2021 அன்று துவங்கியது.

இந்நிலையில் நாம் தமிழர் கட்சி ஊரக உள்ளாட்சி தேர்தலில் போட்டியிடும் வேட்பாளர்களில் முதற்கட்ட வேட்பாளர்கள் பட்டியலை வெளியிட்டுள்ளது. விழுப்புரம், காஞ்சிபுரம், செங்கல்பட்டு, ராணிப்பேட்டை, வேலூர் மாவட்டங்களில் வேட்பாளர்கள் அறிவிக்கப்பட்டுள்ளனர். நடைபெற இருக்கும் உள்ளாட்சித் தேர்தலிலும் நாம் தமிழர் கட்சி தனித்து போட்டியிடும் என அக்கட்சியின் தலைமை ஒருங்கிணைப்பாளர் சீமான் ஏற்கனவே அறிவித்திருந்தார் என்பது குறிப்பிடத்தக்கது.