Skip to main content

நாகையில் முகாமிட்டுள்ள ஆர்.எஸ்.எஸ். பயிற்சி முகாம்

Published on 25/09/2019 | Edited on 25/09/2019


நாகையில் காலாண்டு விடுமுறையை பயன்படுத்தி தனியார் பள்ளி ஒன்றில் பாதுகாப்புடன் ஆர்.எஸ்.எஸ். பயிற்சி முகாம் துவங்கியிருக்கிறது.

நாகை மாவட்டம் மயிலாடுதுறையில் உள்ள குருஞானசம்பந்தம் பள்ளியில் சில மாதங்களுக்கு முன்பு நடைபெற்ற ஆர்.எஸ்.எஸ். பயிற்சிக்கு பொதுமக்களும், சமுக ஆர்வளர்களும் எதிர்ப்பு தெரிவித்தது பெரும் சர்ச்சையை ஏற்படுத்தியது. பயிற்சி வகுப்பு நடக்கும் பள்ளிக்கூடத்தில் கல்வீசி கலவரம் செய்ததாக சிலர் மீது வழக்கும் பதிவானது. ஆனாலும் பொதுமக்களின் எதிர்ப்பையும் மீறி போலீஸாரின் பாதுகாப்போடு நடத்தி முடித்தனர்.

அந்த வகுப்பு முடிந்து மூன்று மாதங்களுக்குள் காலாண்டு விடுமுறையை பயன்படுத்தி நாகையில் உள்ள ஒரு தனியார் பள்ளியில் ஆர்.எஸ்.எஸ். பயிற்சி முகாம் தஞ்சை கோட்ட பொறுப்பாளர் ஆறுமுகசாமி, கோட்ட அமைப்பாளர் சுரேஷ்குமார் ஆகியோர் தலைமையில் நடைபெற்று வருகிறது.

நாகை அடுத்த வடகுடி பகுதியில் இயங்கி வரும் தனியார் பள்ளி மைதானத்தில் 24ம் தேதி காலை 6 மணிக்கு தொடங்கிய பயிற்சியில் நூற்றுக்கும் மேற்பட்ட பள்ளி மாணவர்கள் மற்றும் இளைஞர்கள் கலந்து கொண்டுள்ளனர். ஆர்.எஸ்.எஸ். அமைப்பின் சீருடைகளை அணிந்துகொண்டு நடைபெறும் முகாமில் செய்தி சேகரிக்க பத்திரிகையாளர்களுக்கு அனுமதி மறுத்துவிட்டனர். ஆர்.எஸ்.எஸ். அமைப்பை சேர்ந்த விவேக் என்பவர் செய்தியாளர்களை படம் பிடிக்க விடாமல் தகராறில் ஈடுபட்டதுடன் கேமராவையும் பிடுங்க முயற்சி செய்தார்.

"தனியார் பள்ளி வளாகத்தில் இன்றிலிருந்து 5 நாட்கள் நடைபெறும் பயிற்சி முகாமிற்கு காவல்துறையில் ஆர்.எஸ்.எஸ். அமைப்பு சார்பாக எந்த அனுமதியும் பெறவில்லை" என்கிறார்கள் காவல்துறையினர்.

 

 

 

சார்ந்த செய்திகள்

 

Next Story

“ஆர்.எஸ்.எஸ்ஸின் துணை அமைப்பாக என்.சி.இ.ஆர்.டி செயல்பட்டு வருகிறது” - ஜெய்ராம் ரமேஷ் தாக்கு

Published on 17/06/2024 | Edited on 17/06/2024
Jairam ramesh Criticized NCERT

தேசிய கல்வி ஆராய்ச்சி மற்றும் பயிற்சி கவுன்சில் (என்.சி.இ.ஆர்.டி) தயாரித்த 12ஆம் வகுப்பு அரசியல் அறிவியல் பாடப்புத்தக்கத்தில், குஜராத் கலவரம் பற்றியும், பாபர் மசூதி இடிப்பு பற்றிய பாடப்பகுதி நீக்கப்பட்டுள்ளது. குஜராத் கலவரம் குறித்தும், பாபர் மசூதி இடிப்பு குறித்தும் பல தகவல்கள் மாற்றப்பட்டுள்ளன. குஜராத்தில் நடந்த கலவரம் குறித்த பாடத்தில் முன்பு இஸ்லாமியர்கள் பலர் கொல்லப்பட்டனர் என்று இருந்ததைப் பல சமூகத்தைச் சேர்ந்த பலரும் பலியானதாகக் கூறப்பட்டுள்ளது. 

அதே போல், பாபர் மசூதி இடிப்புக்குப் பின் நடந்த மதக்கலவரம், உ.பியில் ஜனாதிபதி ஆட்சி அமல்படுத்தப்பட்டது போன்ற பல தகவல்கள் நீக்கப்பட்டுள்ளது. அதற்குப் பதிலாக, பாபர் மசூதி வழக்கில் உச்சநீதிமன்றம் அளித்த தீர்ப்பும், அதை அனைத்து சமூகத்தால் கொண்டாடப்பட்டது என்றும் கருத்தொற்றுமையைக் கட்டி எழுதியதற்கான ஒரு சிறந்த எடுத்துக்காட்டு இந்த தீர்ப்பு என்றும் குறிப்பிடப்பட்டுள்ளது. இத்தகைய திருத்தங்கள் கடும் சர்ச்சையாகியுள்ளது. இந்த மாற்றங்கள் மூலம் வரலாற்றை மாற்ற மத்திய அரசு முயற்சிப்பதாக எதிர்க்கட்சிகள் குற்றம் சாட்டி வருகின்றன.  

இந்த நிலையில், காங்கிரஸ் பொதுச் செயலாளர் ஜெய்ராம் ரமேஷ் இந்த விவகாரம் குறித்து விமர்சனம் செய்துள்ளார். இது குறித்து அவர் தனது எக்ஸ் பக்கத்தில் தெரிவித்துள்ளதாவது, “நீட் 2024 இல் வழங்கப்பட்ட கருணை அடிப்படையிலான மதிப்பெண்களுக்கு என்.சி.இ.ஆர்.டி மீது தேசிய தேர்வு முகமை குற்றம் சாட்டியுள்ளது. இதன் மூலம் தன் மீதான மோசமான தோல்விகளில் இருந்து என்.டி.ஏ மடை மாற்றுகிறது. 

இருப்பினும் என்.சி.இ.ஆர்.டி 2014 ஆம் ஆண்டு முதல் ஆர்.எஸ்.எஸ் துணை அமைப்பாக செயல்பட்டு வருகிறது. திருத்தப்பட்ட 11 ஆம் வகுப்பு அறிவியல் பாடப்புத்தகத்தில் மதச்சார்பின்மையை விமர்சிக்கிறது. இது சம்பந்தமாக அரசியல் கட்சிகளின் கொள்கைகளை விமர்சித்துள்ளது என்றே சொல்லலாம். என்.சி.இ.ஆர்.டியின் நோக்கம் என்.சி.இ.ஆர்.டியின் நோக்கம் பாடப்புத்தகங்களைத் தயாரிப்பதே தவிர அரசியல் துண்டு பிரசுரங்கள் தயாரிப்பது அல்ல. 

இந்தியக் குடியரசின் அடித்தளத் தூணாக மதச்சார்பின்மை நாட்டின் அரசியலமைப்புச் சட்டத்தின் மீது என்.சி.இ.ஆர்.டி தாக்குதல் நடத்தி வருகிறது. பல்வேறு உச்ச நீதிமன்றத் தீர்ப்புகள், மதச்சார்பின்மை என்பது அரசியலமைப்பின் அடிப்படைக் கட்டமைப்பின் இன்றியமையாதப் பகுதியாக இருப்பதைத் தெளிவாகக் காட்டுகிறது. இது நாக்பூர் அல்லது கல்வி ஆராய்ச்சி மற்றும் பயிற்சிக்கான நரேந்திர கவுன்சில் அல்ல, கல்வி ஆராய்ச்சி மற்றும் பயிற்சிக்கான தேசிய கவுன்சில் என்பதை என்.சி.இ.ஆர்.டி தனக்குத்தானே நினைவூட்ட வேண்டும். பள்ளியில் என்னை வடிவமைத்த என்.சி.இ.ஆர்.டி பாடப்புத்தகங்களும் இப்போது சந்தேகத்திற்குரிய தரத்தில் இருக்கிறது” என்று குறிப்பிட்டுள்ளார். 

Next Story

“ராமர் அவர்களின் ஆணவத்தைத் தடுத்துவிட்டார்” - பா.ஜ.க மீது ஆர்.எஸ்.எஸ் கடும் விமர்சனம்

Published on 14/06/2024 | Edited on 14/06/2024
Rss criticize BJP

ஏழு கட்டங்களாக மக்களவைத் தேர்தல் ஏப்ரல் 19ஆம் தேதி முதல் ஜூன் 1ஆம் தேதி வரை நடைபெற்றது. இந்த தேர்தல் பரப்புரையில், அதிக பெரும்பான்மையாக 400 இடங்களைக் கைப்பற்றி ஆட்சி அமைப்போம் என பா.ஜ.க தொடர்ந்து கூறி வந்தது. ஆனால், ஜூன் 4ஆம் தேதி வெளியான தேர்தல் முடிவுகள் பா.ஜ.கவுக்கு பெரும் ஏமாற்றத்தைப் பெற்றுத் தந்தது. 

543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றுள்ளது. இதில் தேசிய ஜனநாயகக் கூட்டணியில் உள்ள பா.ஜ.க தனித்து 240 தொகுதிகளை மட்டுமே கைப்பற்றியிருந்தது. இதனால் ஆட்சி அமைக்கத் தனிப்பெரும்பான்மை இல்லாத பா.ஜ.கவுக்கு, தேசிய ஜனநாயகக் கூட்டணியில் உள்ள தெலுங்கு தேசம் கட்சி மற்றும் ஐக்கிய ஜனதா தளம் ஆகிய கூட்டணிக் கட்சிகளின் ஆதரவோடு பிரதமர் மோடி மூன்றாவது முறையாக ஆட்சி அமைத்துள்ளார். 

பெரும்பான்மைக்குத் தேவையான இடங்களை பா.ஜ.க பெறாதது குறித்து பல்வேறு விமர்சனங்களைப் பெற்று வருகிறது. அந்த வகையில், ஆர்.எஸ்.எஸ் இயக்கம் பா.ஜ.கவுக்கு எதிரான கருத்துக்களைத் தொடர்ந்து தெரிவித்து வருகிறது. ராஜஸ்தான் மாநிலம், ஜெய்ப்பூரில் நேற்று (13-06-24) ஆர்.எஸ்.எஸ் சார்பில் நிகழ்ச்சி நடைபெற்றது. இந்த கூட்டத்தில் ஆர்.எஸ்.எஸ் மூத்த தலைவர் இந்திரேஷ் குமார், பா.ஜ.கவுக்கு மக்களவைத் தேர்தலில் ஏற்பட்ட பின்னடைவு குறித்து விமர்சனம் செய்துள்ளார். 

அதில் பேசிய இந்திரேஷ் குமார், “ராம ராஜ்ஜியத்தில் இருக்கும் ஜனநாயகத்தைப் பாருங்கள். ராமர் மீது பக்தி கொண்டவர்கள் கர்வம் கொண்டு ஆணவமடைந்தனர். இருப்பினும், அந்தக் கட்சி மிகப்பெரிய கட்சியாக உருவெடுக்கப்பட்டது. அவர்களின் ஆணவம் காரணமாக அந்த கட்சிக்கு 241 இடங்கள் கொடுத்து அவர்களின் ஆணவத்தை ராமர் தடுத்து நிறுத்தியிருக்கிறார். ராமர் மீது நம்பிக்கை இல்லாதவர்கள் 234 இடங்கள் கொடுத்து தடுத்து நிறுத்தியிருக்கிறார். ராமனிடம் பிரார்த்தனை செய்பவர்கள் பணிவாக இருக்க வேண்டும். ராமர் யாருக்கும் பாரபட்சம் காட்டுவதில்லை, தண்டிப்பதில்லை. ராமர் அனைவருக்கும் நீதி வழங்குகிறார். அவர் அனைவருக்கும் கொடுக்கிறார், தொடர்ந்து கொடுக்கிறார். ராமர் எப்போதும் நீதியாக இருந்தார், அப்படியே இருப்பார்” என்று கூறினார்.