Skip to main content

பொறியியல் படிப்பு - தரவரிசை பட்டியல் வெளியீடு!

Published on 26/06/2023 | Edited on 26/06/2023

 

Release of Ranking List for Engineering Courses

 

பொறியியல் படிப்புக்கான தரவரிசையில் 200க்கு 200 வாங்கிய மாணவர்களில் 100 பேர் மாநில பாடத்திட்டத்தில் படித்தவர்கள் என அமைச்சர் தெரிவித்துள்ளார்.

 

பொறியியல் படிப்புகளுக்கான கலந்தாய்வுக்கு விண்ணப்பித்த மாணவர்களுக்குத் தரவரிசை பட்டியல் தற்போது வெளியிடப்பட்டுள்ளது. கலந்தாய்வுக்கு   1,87,693 மாணவர்களுக்கு விண்ணப்பித்திருந்த நிலையில் தற்போது வெளியாகியுள்ள தரவரிசை பட்டியலில் திருச்செந்தூரைச் சேர்ந்த மாணவி நேத்ரா முதலிடம் பிடித்துள்ளார். நாகை மாவட்டத்தைச் சேர்ந்த நிவேதிதா என்ற மாணவி இரண்டாம் இடம் பிடித்துள்ளார். மேலும் தரவரிசை பட்டியலில் 102 மாணவர்கள் 200க்கு 200 கட் ஆஃப் மதிப்பெண் எடுத்துள்ளனர். 

 

இதையடுத்து செய்தியாளர்களைச் சந்தித்த அமைச்சர் பொன்முடி, ஒரு லட்சத்து 78 ஆயிரம் பேருக்குத் தரவரிசை பட்டியல் வெளியிடப்பட்டுள்ளது. இந்த பட்டியலில் மொத்தமுள்ள 102 பேரில் 200க்கு 200 பெற்ற 100 பேர் மாநில பாடபுத்தகத்தில் படித்தவர்கள். அரசு பள்ளியில் படித்த 15,136 ஆண்கள், 13,284 பெண்கள் கட்டணமின்றி இலவசமாக பொறியியல் படிக்கவுள்ளனர். இந்த 13,284 பெண்கள் புதுமைப்பெண் திட்டத்தில் பயனடையவுள்ளனர். 7.5 சதவீத இட ஒதுக்கீட்டின் கீழ் 28,425 மாணவர்கள் தரவரிசைப் பட்டியல் வழங்கப்பட்டுள்ளது. இது கடந்தாண்டை விட கூடுதலாக 5,842 மாணவர்களுக்கு வழங்கப்பட்டுள்ளது. நீட் தேர்வு முடிவு காரணமாக பொறியியல் கலந்தாய்வு ஜூலை 2க்கு பதிலாக 10 நாட்கள் தள்ளிப்போக வாய்ப்புள்ளது” என்றார்.

 

 

சார்ந்த செய்திகள்

 

Next Story

ஆசிரியர் மீது அளவில்லா அன்பு... ஆச்சரியத்தில் ஆழ்த்திய மாணவர்கள்!

Published on 17/07/2024 | Edited on 17/07/2024
133 students are joined in same school as teacher has transferred In Telangana

தெலங்கானா மாநிலத்தில் பொனகல் என்ற கிராமத்தில் ஒன்றாம் வகுப்பு முதல் ஐந்தாம் வகுப்பு வரை செயல்படும் தொடக்கப்பள்ளி ஒன்று உள்ளது. இங்கு 250 மாணவ மாணவிகள் பயின்று வருகின்றனர். இந்த பள்ளியில் ஸ்ரீனிவாசன் என்பவர் ஆசிரியராக பணியாற்றி வருகிறார். இவர் 12 ஆண்டுகளாக இந்த பள்ளியில் ஆசிரியராக பணியாற்றி வரும் நிலையில், மாணவர்கள் அனைவரும் இவரின் மீது பெரும் மதிப்பும் மரியாதையும் வைத்துள்ளனர். ஸ்ரீனிவாசனும் மாணவர்களின் நலன் சார்ந்த விஷங்களில் அதீத கவனம் எடுத்து அவர்களுக்குத் தேவையான அனைத்து உதவிகளையும் செய்து வந்திருக்கிறார். மேலும் அவர் படிப்பைத் தாண்டி மற்ற விஷங்களிலும் மாணவர்களுக்கு உதவியிருக்கிறார். 

இந்த நிலையில் ஜூலை 1 ஆம் தேதி ஆசிரியர் ஸ்ரீனிவாசன் அக்காபெல்லிகுடா என்ற கிராமத்தில் இருக்கும் பள்ளிக்கு பணியிட மாற்றம் செய்யப்பட்டார். இதனை அறிந்த மாணவர்கள் கதறி அழுது, ‘வேறு பள்ளிக்கு எல்லாம் செல்ல வேண்டாம் சார்..’ என்று வலியுறுத்தியுள்ளனர். இருப்பினும் ஆசிரியர் ஸ்ரீனிவாசன் அக்காபெல்லிகுடா பள்ளிக்குச் சென்றுவிட்டார். இந்த நிலையில் தங்களுக்கு விருப்பமான ஆசிரியர் வேலை பார்க்கும் பள்ளியில் தான் படிப்போன் என்று பொனகல் கிராமத்தில் உள்ள தொடக்கப்பள்ளியில் இருந்து அக்காபெல்லிகுடாவில் உள்ள பள்ளியில் 133 மாணவர்கள் சேர்ந்துள்ளனர். 

பொனகல் கிராமத்தில் உள்ள தொடக்க பள்ளியில் 250 மாணவர்களில் பாதி மாணவர்கள் ஸ்ரீனிவாசன் பணியிட மாற்றம் பெற்ற பள்ளியில் சேர்ந்திருப்பது பலரையும் நெகிழ்ச்சியடைய செய்துள்ளது. “இது பெற்றோர்கள் என் மீது வைத்திருக்கும் நம்பிக்கையைத்தான் காட்டுகிறது. ஒவ்வொரு மாணவர்களின் மனநிலையை புரிந்துகொண்டு அவர்களுக்கு ஏற்றார்போல் பாடத்தை நடத்துகிறேனே தவிர வேறெதையும் நான் செய்யவில்லை” என்று கூறிய ஆசிரியர் ஸ்ரீனிவாசன், அனைத்து அரசு பள்ளிகளும் தற்போது தரம் உயர்த்தப்பட்டுள்ளது; அதனைப் பெற்றோர்கள் பயன்படுத்திக் கொள்ள வேண்டும் என்று கோரிக்கைவைத்துள்ளார். 

Next Story

‘முற்றிலும் வதந்தியே..’ - ராமதாஸ் அறிக்கைக்குத் தமிழக அரசு விளக்கம்!

Published on 17/07/2024 | Edited on 17/07/2024
Tamil Nadu govt explanation for Ramdas report regarding online liquor sale

ஆன்லைன் வினியோக நிறுவனங்கள் மூலமாக வீடுகளுக்கே மதுவை கொண்டு சென்று விற்க திட்டமா? என்று பாமக நிறுவனர் ராமதாஸ் கண்டனம் தெரிவித்திருந்தார்.

இது தொடர்பாக அவர் வெளியிட்டுள்ள அறிக்கையில், “தமிழ்நாட்டில்  பீர், ஒயின், மணமூட்டப்பட்ட மதுவகைகள் போன்ற குறைந்த அளவில் ஆல்கஹால் கொண்ட மதுவகைகளை சொமாட்டோ, ஸ்விக்கி, பிக்பேஸ்கட் போன்ற ஆன்லைன் வினியோக நிறுவனங்கள் மூலமாக வீடுகளுக்கே கொண்டு சென்று விற்க தமிழக அரசு திட்டமிட்டிருப்பதாகவும், அதன் சாதக பாதகங்கள் குறித்து ஆன்லைன் வினியோக நிறுவனங்கள், மது உற்பத்தியாளர்கள் போன்றோருடன் கலந்தாய்வு செய்து வருவதாகவும் தி எகனாமிக் டைம்ஸ் நாளிதழ்  செய்தி வெளியிட்டுள்ளது.  இந்த செய்தியில் கூறப்பட்டுள்ள தகவல்கள் உண்மையா? வீடுகளுக்கே சென்று மது விற்க திட்டமிடப்பட்டுள்ளதா? என்பது குறித்து தமிழக அரசு விளக்கமளிக்க வேண்டும். ஒருவேளை இந்த செய்தி உண்மையாக இருந்தால் தமிழக அரசின் திட்டம் கடுமையாக கண்டிக்கத்தக்கது ஆகும்.

வீடுகளுக்கே கொண்டு சென்று மதுவை விற்பனை செய்வது என்பது மக்கள் நலனை விரும்பும் அரசுகளால் நினைத்துக் கூடப் பார்க்க முடியாத தீமை ஆகும். ஆனால், தமிழக அரசு அத்தகைய தீமையை செய்யாது என்று உறுதியாக கூற முடியவில்லை. அதற்கு காரணம், விளையாட்டு அரங்குகள், பன்னாட்டு நிகழ்வுகள், திருமண விழாக்கள் போன்றவற்றில் மதுவகைகளை வினியோகித்தல், மதுக்கடைகளில் காகிதக் குடுவைகளில் குறைந்த விலையில் மது விற்பனை செய்வது போன்ற புரட்சிகரமான திட்டங்களை அறிமுகம் செய்யத் துடித்த வரலாறு தமிழக அரசுக்கு உண்டு. அதனால்தான் இந்த செய்தியும் உண்மையாக இருக்குமோ? என்று நம்பத் தோன்றுகிறது.

மது, புகையிலை எதுவாக இருந்தாலும் நுகர்வோருக்கு எளிதில் கிடைக்காத வகையில் கட்டுப்பாடுகள் ஏற்படுத்தப்பட வேண்டும் என்பது தான் உலக சுகாதார நிறுவனத்தின் வழிகாட்டுதல் ஆகும். அதன் மூலம் தான் மது - புகையிலை ஆகியவற்றின் பயன்பாட்டை குறைக்க முடியும் என்பது உலக சுகாதார நிறுவனத்தின் நம்பிக்கை ஆகும். ஏற்கனவே தெருவுக்குத்தெரு மதுக்கடைகள் திறக்கப்பட்டிருப்பதால் தான் மாணவர்கள் மதுவை வாங்கிச் சென்று பள்ளிகளில் வைத்து அருந்தும் கொடுமை நிகழ்கிறது. வீடுகளுக்கே  மதுவை நேரடியாக கொண்டு வினியோகிக்க அனுமதித்தால் அதனால் ஏற்படும் விளைவுகளை நினைத்துக் கூடப் பார்க்க முடியாது.

போதை குறைந்த  மது வீடுகளுக்கே நேரடியாக வினியோகிக்கபட்டால், அது வீடுகளில் உள்ள குழந்தைகளையும், பெண்களையும் சுவைத்துப் பார்க்கத் தூண்டும். காலப்போக்கில்  வீட்டில் உள்ள பெண்களையும், பிள்ளைகளையும்  மதுவுக்கு அடிமையாக்கவே இந்த வழக்கம் வழிகோலும். ஒரு குடும்பத்தில் ஒருவர் மட்டுமே குடிக்கும் முறைக்கு முடிவுகட்டி குடும்பமே மது அருந்தும் கலாச்சாரத்தை உருவாக்கவே வீடு தேடு மதுவை கொண்டு சென்று கொடுக்கும் திட்டம் வழிவகுக்கும்.

தமிழ்நாட்டில் படிப்படியாக மதுவிலக்கை ஏற்படுத்துவோம் என்று வாக்குறுதி  அளித்த முதலமைச்சர் மு.க.ஸ்டாலின், மதுப்பழக்கத்தை ஊக்குவிக்கும் வகையிலான இத்தகைய திட்டங்களை அனுமதிக்கக் கூடாது.  மது வகைகளை ஆன்லைன் வினியோக நிறுவனங்கள் மூலமாக வீடுகளுக்கே கொண்டு சென்று விற்பனை செய்யும் திட்டம் இருந்தால் அதை தமிழக அரசு கைவிட வேண்டும்; இல்லாவிட்டால் மக்களைத் திரட்டி மாபெரும் போராட்டத்தை பாட்டாளி மக்கள் கட்சி நடத்தும்.” எனக் குறிப்பிட்டிருந்தார்.

இந்த நிலையில் ஆன்லைன் வினியோக நிறுவனங்கள் மூலமாக வீடுகளுக்கே மதுவை கொண்டு சென்று விற்பது தொடர்பான தகவலை தமிழக அரசு மறுத்துள்ளது. இது தொடர்பாக தமிழக அரசின் உண்மை சரிபார்ப்பு குழு வெளியிட்டுள்ள பதிவில், “இது முற்றிலும் வதந்தியே; அப்படி ஒரு திட்டமே இல்லை, அது தொடர்பாக பேச்சுவார்த்தைக் கூட நடைபெறவில்லை என டாஸ்மாக் நிர்வாக இயக்குநர் தெரிவித்துள்ளார். ஆன்லைன் விநியோக நிறுவனங்களால் மதுவை வீடுகளுக்கே கொண்டு சென்று விற்க சில மாநிலங்களில் அனுமதி வழங்கி வருவதால், தமிழ்நாட்டிலும் அனுமதி வழங்க இருப்பதாக தவறான தகவல் பரப்பப்படுகிறது” எனத் தெரிவித்துள்ளார்.