Skip to main content

“சிகப்பி நெல் வெள்ளத்தைத் தாங்கி வளர்கிறது”-துணைவேந்தர் கதிரேசன்!

Published on 02/02/2022 | Edited on 02/02/2022

 

"Red paddy grows flood tolerant"-Kathiresan

 

அண்ணாமலை பல்கலைக்கழகத்தில் வேளாண் புலத்தின் சார்பாகச் சர்வதேச நெல் ஆராய்ச்சி மையம் மற்றும் அண்ணாமலை பல்கலைக்கழகம் இடையே ஆய்வு மற்றும் கல்வி கூட்டு துவக்கவிழா நடைபெற்றது. விழாவிற்கு பல்கலைக்கழகத் துணைவேந்தர் இராம.கதிரேசன் தலைமை தாங்கினார். இதனைத்தொடர்ந்து அரங்கத்தில் கூடியிருந்த விவசாயிகள் மற்றும் பேராசிரியர்கள் மத்தியில் அவர் பேசுகையில், கடந்த 10 ஆண்டுகளுக்கு மேலாக அண்ணாமலைப் பல்கலைக்கழகம் மற்றும் சர்வதேச நெல் ஆராய்ச்சி மையம் இணைந்து வேளாண் ஆராய்ச்சி பணிகளை மேற்கொண்டு வருகிறது.

 

அண்ணாமலை பல்கலைக்கழகம் தொடர் ஆராய்ச்சிகள் வாயிலாக உருவாக்கிய இயற்கை சீற்றங்களைத் தாங்கி வளரும் தன்மை கொண்ட சிகப்பி நெல் ரகம்,  கேரளாவில் கடுமையான வெள்ளத்தைத் தாங்கி நல்ல மகசூல் கொடுத்து வருகிறது. இதனால் கேரள விவசாயிகளிடம் சிகப்பி நெல் மிகவும் நல்ல வரவேற்பை பெற்றுள்ளது. கேரளாவின் பல இடங்களில் இந்த நெல்லை விவசாயிகள் அதிக அளவு பரப்பளவில் பாலக்காடு பகுதிகளில் விரும்பிச் சாகுபடி செய்து வருகிறார்கள். அண்ணாமலைப் பல்கலைக்கழகத்தில் உருவாக்கப்பட்டுள்ள நெல்வயல்களில் மீன், கோழி வளர்ப்பை உள்ளடக்கிய ஒருங்கிணைந்த கூட்டு பண்ணை விவசாய முறையைத் தமிழகத்தில் உள்ள சிறு விவசாயிகள் முதல் பெரிய விவசாயிகள் வரை திட்டத்தின் செயல்பாட்டை விளக்கி விவசாயிகளின் வருமானத்தை மூன்று மடங்காக்க அனைத்து ஏற்பாடுகளும் செய்யப்பட்டு வருவதாகக் கூறினார். 

 

சிறப்பு விருந்தினராகக் கலந்துகொண்ட சர்வதேச நெல் ஆராய்ச்சி மையத்தின் உலக ஆய்வு இயக்குநர் அஜய்கோலி பேசுகையில், தெற்கு ஆசிய நாடுகளில் இயற்கை சீற்றங்களை தாங்கி வளரும் புதிய நெல் ரகங்களை உருவாக்குவதில் சர்வதேச நெல் ஆராய்ச்சி மையம் மற்றும் அண்ணாமலை பல்கலைக்கழகம் இணைந்து செயல்படுகிறது. தற்போது சர்வதேச நெல் ஆராய்ச்சி மையத்தின் ஆய்வுகள் அடிப்படை அறிவியல் மற்றும் புவியியல் சார்ந்த தரவுகளை அடிப்படையாகக் கொண்டு செயல்படுவதால் நம்மால் மிகவும் குறுகிய காலத்தில் இனப்பெருக்கம் வாயிலாகப் பருவமாற்றம் பிரச்சனைகளுக்கு எதிர்ப்புத்தன்மை கொண்ட புதிய ரகங்களை உருவாக்க முடியும் என்றார்.

 

இவ்விழாவில் விரா.நாராயணன் நெல் உற்பத்தியாளர் சங்க தலைவர் நடராஜன், சங்கத்தின் இயக்குநர் ரங்கநாயகி ஆகியோர் இயற்கை முறையில் விளைவித்த நாட்டு பாசுமதி நெல்லை துணைவேந்தரிடம் வழங்கினார்கள். இதனை அண்ணாமலைப் பல்கலைக்கழகத் துணைவேந்தர் கதிரேசன் இந்த நெல் குறித்து ஆய்வுப் பணிகளைத் தொடர சர்வதேச நெல் ஆராய்ச்சி மைய விஞ்ஞானிகளிடம் விழாவில் வழங்கினார். 

 

இந்த துவக்கவிழாவில் சர்வதேச நெல் ஆராய்ச்சி மையத்தின் தெற்கு ஆசிய ஆலோசகர் முனைவர் உமாசங்கர்சிங். தேர்வுத்துறை கட்டுப்பாட்டு அதிகாரி பிரகாஷ் நன்றி கூறினார். விழாவில் மக்கள் தொடர்பு அதிகாரி இரத்தினசம்பத், துணை வேந்தரின் நேர்முக செயலர் பாக்கியராஜ், வேளாண் விரிவாக்க மைய இணை பேராசிரியர் ராஜ்பிரவின் உள்ளிட்ட பல்கலைக்கழக பேராசிரியர்கள், விவசாயிகள், மாணவர்கள் உள்ளிட்டவர்கள் கலந்துகொண்டனர்.

 

 


 

சார்ந்த செய்திகள்

Next Story

அண்ணாமலை பல்கலைக்கழகத்தில் பாலியல் சமத்துவ பயிற்சி பட்டறை

Published on 08/03/2024 | Edited on 08/03/2024
Gender Equality Workshop at Annamalai University

சிதம்பரம் அண்ணாமலைப் பல்கலைக்கழகம், ஸ்ரீபெரும்புதூர் ராஜீவ்காந்தி தேசிய இளைஞர் மேம்பாட்டு நிறுவனம் இணைந்து பாலியல் சமத்துவத்தைப் பற்றிய 3 நாட்கள் பயிற்சி பட்டறை பல்கலைக்கழக மக்களியல் துறையில் நடைபெற்றது. மக்களியல் துறை உதவிப் பேராசிரியர் க. மகேஸ்வரி அனைவரையும் வரவேற்றார். கலைப்புல தலைவர் விஜயராணி தலைமை தாங்கிப் பேசினார். துறைத் தலைவர் ரவிசங்கர் பயிற்சி பட்டறை பற்றிய தொகுப்பு உரையாற்றினார்.

சிறப்பு விருந்தினராக அண்ணாமலைப் பல்கலைக்கழக ஆளவை மன்ற உறுப்பினர் பேராசிரியர் அரங்க பாரி, ராஜீவ்காந்தி தேசிய மேம்பாட்டு நிறுவனத்தின் பேராசிரியர் வசந்தி ராஜேந்திரன், சிதம்பரம் வட்டாட்சியர் ஹேமா ஆனந்தி ஆகியோர் கலந்து கொண்டு மாணவ - மாணவிகளுக்குப் பாலியல் சமத்துவத்தைப் பற்றிய விழிப்புணர்வை ஏற்படுத்தினார்கள். இதில் அண்ணாமலைப் பல்கலைக்கழக மாணவ - மாணவியர்கள் மற்றும் அதன் உறுப்பு கல்லூரி மாணவ - மாணவியர்கள் 100 பேர் கலந்து கொண்டனர். மக்களியல் துறை இணைப் பேராசிரியர் பீமலதா தேவி நன்றியுரை வழங்கினார்.

Next Story

‘மீண்டும் கல்லூரிக்குப் போகலாம்’ - குடும்பத்தினருடன் பொன்விழாவைக் கொண்டாடிய முன்னாள் மாணவர்கள்!

Published on 01/03/2024 | Edited on 01/03/2024
Ex-students who celebrated Golden Jubilee with their families at annamalai university

அண்ணாமலை பல்கலைக்கழகத்தில் கடந்த 1970 முதல் 1974 ஆம் ஆண்டில் வேளாண் கல்லூரியில் 45 மாணவர்கள் பயின்றனர். கல்வி பயின்ற பிறகு அவர்கள் மத்திய - மாநில அரசின் பல்வேறு துறைகளில் வங்கி, அண்ணாமலைப் பல்கலைக்கழகம் உள்ளிட்ட  பல்வேறு துறைகளில் பணியாற்றி பணி நிறைவு பெற்றுள்ளனர். இவர்கள் அனைவரும் ஒருங்கிணைந்து, ‘AU74 அக்ரி பட்டதாரிகள் சங்கம்’ என்ற சங்கத்தை அமைத்து,  அரசுப் பள்ளி மற்றும் கல்லூரியில் பயிலும் மாணவர்களுக்குப் பல்வேறு உதவிகளைச் செய்து வருகின்றனர். மேலும் அவர்கள், பல்வேறு கல்லூரிகளில் பயிலும் வேளாண் மாணவர்களுக்கு வழிகாட்டியாக இருந்து வருகின்றனர்.

இவர்கள் கல்வி பயின்று 50 ஆண்டுகள் கடந்த நிலையில், குடும்பத்தினருடன் இணைந்து 50 ஆம் ஆண்டு பொன்விழாவை (1974 - 2024) பல்கலைக்கழக வேளாண் கல்லூரியில் கொண்டாடினார்கள். இவ்விழாவுக்கு சங்கத்தின் தலைவர் அக்ரி நடராஜன் தலைமை தாங்கினார். சிறப்பு விருந்தினராகப் பல்கலைக்கழக துணைவேந்தர் இராம. கதிரேசன் கலந்துகொண்டு, முன்னாள் மாணவர்களை பாராட்டி பொன்விழா ஆண்டு மலரை வெளியிட்டு வாழ்த்துரை வழங்கினார்.

இதில் பல்கலைக்கழக பதிவாளர் சிங்காரவேலு,  தேர்வு கட்டுப்பாட்டு அதிகாரி பிரகாஷ், வேளாண் புல தலைவர் அங்கயற்கண்ணி மற்றும் 1974 ஆம் ஆண்டுகளில் மாணவர்களுக்கு கல்வி பயிற்றுவித்த முன்னாள் பேராசிரியர்கள் பாலசுப்ரமணியன், கோவிந்தசாமி ஆகியோர் கலந்துகொண்டு முன்னாள் மாணவர்களைப் பாராட்டி மலரும் நினைவுகளை நினைவுகூர்ந்து வாழ்த்தினார்கள்.

Ex-students who celebrated Golden Jubilee with their families at annamalai university

மேலும், அங்கு பயின்ற முன்னாள் வேளாண் மாணவர்கள் வேளாண் கல்லூரிக்கு, சங்கத்தின் சார்பாக ரூ. 3 லட்சம் செலவில் உபகரணங்கள், அறைகள் புதுப்பித்தல் போன்ற உதவிகளைச் செய்வதாக உறுதியளித்தனர். இதனைத் தொடர்ந்து குடும்பத்துடன் அனைவரும் ஆட்டம் பாட்டத்துடன் மலரும் நினைவுகளை நினைவு கூர்ந்தனர். இது குறித்து அவர்கள் கூறியதாவது, ‘50 ஆண்டுகளுக்குப் பிறகு நண்பர்களை குடும்பத்துடன் சந்தித்த நிகழ்வு மறக்க முடியாத ஒன்றாக உள்ளது’ என்று கூறினார்கள்.