Skip to main content

90 கிலோ மீட்டர் தொலைவில் மிக்ஜாம்- திருவள்ளூருக்கு  'ரெட் அலர்ட்'

Published on 04/12/2023 | Edited on 04/12/2023

 

'Red Alert' for Tiruvallur

 

வங்கக் கடலில் நிலவிய ஆழ்ந்த காற்றழுத்த தாழ்வு மண்டலம் புயலாக மாறியுள்ளது. இதற்கு மிக்ஜாம் எனப் பெயரிடப்பட்டுள்ளது. புயல் காரணமாக சென்னை, செங்கல்பட்டு, காஞ்சிபுரம், திருவள்ளூர் உள்ளிட்ட மாவட்டங்களில் இரவிலிருந்து பலத்த சூறைக் காற்றுடன் கனமழை பொழிந்து வருகிறது. மிக்ஜாம் புயல் காரணமாக 23 மாவட்டங்களுக்கு எச்சரிக்கை விடுக்கப்பட்டுள்ளது. வானிலை ஆய்வு மைய அறிவிப்பின்படி சென்னை, செங்கல்பட்டு, காஞ்சிபுரம், திருவள்ளூர், ராணிப்பேட்டை, திருவண்ணாமலை, விழுப்புரம், கடலூர், மயிலாடுதுறை ஆகிய மாவட்டங்களில் மழைக்கு வாய்ப்புள்ளது என அறிவிக்கப்பட்டுள்ளது.

 

சென்னையில் தொடர் மழை காரணமாக பல்வேறு இடங்களில் மழைநீர் தேங்கி உள்ளது. தற்போதைய நிலவரப்படி 'மிக்ஜாம்' புயல், புயல் என்ற நிலையில் இருந்து தீவிரப் புயலாக மாறி உள்ளதாக சென்னை வானிலை ஆய்வு மையம் அறிவித்துள்ளது. சென்னைக்கு கிழக்கே 90 கிலோ மீட்டர் தொலைவில் தற்போது புயல் மையம் கொண்டுள்ளது. இந்தநிலையில் திருவள்ளூர் மாவட்டத்திற்கு அதிதீவிர மழைக்கான ரெட் அலர்ட் எச்சரிக்கை விடப்பட்டுள்ளது. அதேபோல் சென்னை, செங்கல்பட்டு, காஞ்சிபுரம் ஆகிய மாவட்டங்களுக்கு மிக கனமழைக்கான ஆரஞ்சு அலர்ட் விடுக்கப்பட்டுள்ளது. அதுமட்டுமல்லாது விழுப்புரம், திருவண்ணாமலை, திருப்பத்தூர், வேலூர் ஆகிய மாவட்டங்களில் மழைக்கு வாய்ப்புள்ளதாக அறிவிக்கப்பட்டுள்ளது.  

 

 

சார்ந்த செய்திகள்

Next Story

 டயர் குடோனில் பயங்கர தீ விபத்து!

Published on 20/02/2024 | Edited on 20/02/2024
Terrible fire accident in tire godown in chennai

சென்னை மாதவரம் அடுத்த மாத்தூர் சுங்கச்சாவடி அருகே டயர் குடோன் ஒன்று இயங்கி வருகிறது. இந்த குடோனில், டயர்கள், எண்ணெய் டிரம் அடுக்கி வைக்கப்பட்டுள்ளது. இந்த நிலையில், இந்த இடத்தில் திடீரென பயங்கர தீ பற்றி எரிந்துள்ளது. இங்கு ஏற்பட்ட தீ மளமளவென பரவி அந்த பகுதி முழுவதும் பல அடி உயரத்திற்கு கரும்புகை சூழ்ந்து மேலெழும்பி வருகிறது. மேலும், இந்த பகுதியில் மாநகர சுகாதார மருத்துவமனை இயங்கி வருவதால், அங்கு இருக்கக்கூடிய நோயாளிகள் உடனடியாக பாதுகாப்பான இடத்திற்கு அழைத்து வரப்பட்டுள்ளனர்.

இதனையடுத்து, இந்த தீ விபத்து சம்பவம் குறித்து அங்கிருந்த பொதுமக்கள் தீயணைப்பு துறையினருக்கு தகவல் கொடுத்தனர். அந்த தகவலின் பேரின் சம்பவ இடத்திற்கு விரைந்து வந்த தீயணைப்பு துறையினர், இங்கு தீயை அணைக்க முயற்சியில் ஈடுபட்டு வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது. 

Next Story

தனியார் வணிக வளாகத்தில் பயங்கர தீ விபத்து!

Published on 20/02/2024 | Edited on 20/02/2024
A terrible fire in a private commercial complex

சென்னை அமைந்தகரை - பூந்தமல்லி நெடுஞ்சாலையில் தனியார் வணிக வளாகம் ஒன்று செயல்பட்டு வருகிறது. இந்த வளாகத்தில் நேற்று (19-02-24) இரவு 9:30 மணி போல் திடீரென பயங்கர தீ விபத்து ஏற்பட்டது. இதனால், அந்த பகுதி முழுவதும் கரும்புகையால் சூழ்ந்தது. இதனையடுத்து, அங்குள்ள பொதுமக்கள் காவல்துறையினருக்கும், தீயணைப்பு துறையினருக்கும் தகவல் தெரிவித்தனர்.

தகவல் அறிந்த தீயணைப்பு துறையினர் சம்பவ இடத்திற்கு விரைந்து சென்று வணிக வளாகத்தில் ஏற்பட்டிருந்த தீயை அணைக்க முயற்சி செய்தனர். சுமார் 1 மணி நேர போராட்டத்திற்கு பின்னர் தீயணைப்பு துறையினர் தீயை கட்டுக்குள் கொண்டு வந்தனர். வணிக வளாகத்தில் திடீரென தீ விபத்து ஏற்பட்டதால், அந்த பகுதியில் பெரும் பதற்றம் நிலவியது. 

மேலும், இந்த சம்பவம் குறித்து அமைந்தகரை காவல்துறையினர் வழக்குப்பதிவு செய்து விசாரணை நடத்தி வருகின்றனர். காவல்துறையினர் நடத்திய முதற்கட்ட விசாரணையில், மின்கசிவினால் தீ விபத்து ஏற்பட்டிருக்கலாம் என்று கூறப்படுகிறது.