Skip to main content

தலைமை ஆசிரியை மீது தாக்குதல்! - போதை ஆசாமி மீது வழக்கு! 

Published on 11/02/2023 | Edited on 11/02/2023

 

rajapalayam government school headmaster issue

 

ராஜபாளையம் வட்டம் – ஆலங்குளம் அருகே கொங்கன்குளத்தில் R.V.K. தொடக்கப்பள்ளி உள்ளது. இங்கு தலைமை ஆசிரியையாகப் பணியாற்றுகிறார் ஜெயகிருஷ்ணா. அந்த கிராமத்தைச் சேர்ந்த இளைஞர்கள் சிலர் மது அருந்திவிட்டு காலி பாட்டில்களை அந்தப் பள்ளிக்கு அருகில் வீசி விட்டுச் செல்வதை வழக்கமாகக் கொண்டிருந்தனர். ஒவ்வொரு தடவையும் அந்த இடத்தில் காலி பாட்டில்களைச் சுத்தம் செய்யும்போது, தலைமை ஆசிரியை ஜெயகிருஷ்ணா சத்தம் போடுவார். 

 

இந்நிலையில், கடந்த 9ஆம் தேதி தன் வீட்டைப் பெருக்கிவிட்டு, ஜெயகிருஷ்ணா குப்பைத் தொட்டியில் குப்பை போடச் சென்றபோது, குடிபோதையில் இருந்த மாரிச்சாமி என்பவர், “எப்போது பார்த்தாலும் என்னை எதற்காக சத்தம் போடுகிறாய்?” என்று திட்டியபடி கையில் வைத்திருந்த கம்பால் மாறிமாறி அடித்திருக்கிறார். இதைப் பார்த்து தலைமை ஆசிரியை ஜெயகிருஷ்ணாவின் தந்தை சுப்புராம் மற்றும் அக்கம்பக்கத்தில் உள்ளவர்கள் ஓடிவந்து விலக்கிவிட, கொலை மிரட்டல் விடுத்து அங்கிருந்து சென்றுள்ளார் மாரிச்சாமி.  

 

ஜெயகிருஷ்ணா அளித்த புகாரின் பேரில் ஆலங்குளம் காவல்நிலையம் மாரிச்சாமி மீது 4 பிரிவுகளின் கீழ் வழக்குப் பதிவு செய்து விசாரித்து வருகிறது.   

 

 

சார்ந்த செய்திகள்

 

Next Story

விவசாய பட்ஜெட்டுக்கு எதிர்பார்ப்பு; கலைஞர் விழாவில் 200 விவசாயிகளுக்குப் பண்ணைக்கருவிகள்!

Published on 19/06/2024 | Edited on 19/06/2024
Farm implements for farmers at kalaignar centenary function

கலைஞர் நூற்றாண்டு நிறைவு விழா மற்றும் கலைஞரின் 101 வது பிறந்த நாளை முன்னிட்டு இராஜபாளையம் தொகுதியிலுள்ள 200 விவசாயிகளுக்கு ராஜபாளையம் சட்டமன்ற உறுப்பினரான தங்கப்பாண்டியன் எம்.எல்.ஏ தனது 84, 85-வது மாத ஊதியத்திலிருந்து 2,10,000 ரூபாய் மதிப்பீட்டில் பண்ணைக்கருவிகள், தார்பாய்கள் மற்றும் மரக்கன்றுகளை வழங்கினார்.

இந்நிகழ்ச்சியில் தென்காசி தொகுதி திமுக எம்.பி. டாக்டர் ராணி ஸ்ரீகுமாரும் கலந்துகொண்டார். தங்கப்பாண்டியன் எம்.எல்.ஏ தனது உரையில் “விவசாயத்திற்கு தனி பட்ஜெட் அமைத்து அவர்களின் வாழ்க்கைத்தரம் உயர்வதற்கு தமிழ்நாடு முதலமைச்சர் மு.க.ஸ்டாலின் தொடர்ந்து நடவடிக்கை மேற்கொண்டு வருகிறார். கலைஞர்  ஆட்சியில்தான் இந்தியாவில் முதன்முறையாக விவசாயிகளுக்கு இலவச மின்சாரம் வழங்கப்பட்டது. மேலும், நேரடி நெல் கொள்முதல் மையம் உருவாக்கி விவசாயிகளின் நலனைக் காத்தவர் கலைஞர். அதுபோல்,  தமிழ்நாடு முதலமைச்சர் மு.க.ஸ்டாலின், 2 லட்சம் விவசாய மின் இணைப்புகள் வழங்கி சாதனை செய்துள்ளார். தற்போது வரவிருக்கும் விவசாய பட்ஜெட்டை, விவசாய பெருமக்கள் ஆவலுடன் எதிர்பார்த்து கொண்டிருக்கிறார்கள்” என்றார்.   

Farm implements for farmers at kalaignar centenary function

இந்நிகழ்ச்சியில் டாக்டர் ராணி ஸ்ரீகுமார் எம்.பி.  “வாடிய  பயிரைக் கண்டபோதெல்லாம் வாடினேன் என்றார் வள்ளலார். அவர்களின் கூற்றுப்படி பயிர்களை வாடாமல் பார்த்துக்கொள்ளும் விவசாயப் பெருமக்களாகிய தங்கள்  அனைவரையும் வாழ்த்தி வணங்குகிறேன்”எனப் பேசினார்.  

Next Story

தேசிய நெடுஞ்சாலையில் ரூ.41.37 கோடி மதிப்பீட்டில் புதிய தார்ச்சாலை! - ராஜபாளையம் திமுக எம்.எல்.ஏ. பெருமிதம்!

Published on 17/06/2024 | Edited on 17/06/2024
New tarmac on National Highway at a cost of Rs.4 1.37 crore says thangapandian mla

சட்டமன்ற உறுப்பினர்கள் பலரும், மக்கள் நலனைக் கருத்தில்கொண்டு, முடிந்த அளவுக்கு தங்களின் தொகுதிக்கான திட்டங்களைக் கொண்டுவருவதில் முனைப்புடன் இருப்பார்கள். ராஜபாளையம் திமுக எம்.எல்.ஏ. தங்கப்பாண்டியன், தொகுதி மக்களிடம் தொடர்ந்து நல்ல பெயரெடுப்பதோடு, அதைத் தக்கவைத்துக்கொள்வதிலும் சிரத்தையுடன் செயல்பட்டு வருகிறார். ‘நமது மக்கள் எம்.எல்.ஏ.’என்ற  அடைமொழிக்கு ஏற்ப, ஒவ்வொரு மாதமும் தனது எம்.எல்.ஏ. சம்பளத்தை தொகுதி  மக்களின் நலன் சார்ந்த காரியங்களுக்காகச் செலவிட்டு வருகிறார்.  

தங்கப்பாண்டியன் எம்.எல்.ஏ. முயற்சியால் ரூ.41.37 கோடி ரூபாய் மதிப்பீட்டில் புதிய தார்ச்சாலை அமைத்திட, டெல்லியிலுள்ள தலைமை தேசிய நெடுஞ்சாலைத்துறை ஆணையம் முன் அனுமதி தந்துள்ளது. இது எப்படி சாத்தியமானது? ராஜபாளையம் தொகுதி மக்களின் எதிர்பார்ப்பினைப் பூர்த்திசெய்யும் நோக்கத்துடன், தேசிய நெடுஞ்சாலைத்துறை மதுரை மண்டல அலுவலகத்தில் கோரிக்கை மனு  ஒன்றை அளித்திருந்தார் தங்கப்பாண்டியன் எம்.எல்.ஏ. இதனைத் தொடர்ந்து,  வருவாய்த்துறை அமைச்சர் கே.கே.எஸ்.எஸ்.ஆர். ராமச்சந்திரனும் அத்துறையிடம்  வலியுறுத்தினார்.

தற்போது, ராஜபாளையம் கிருஷ்ணாபுரம் OP முதல் ராஜபாளையம் நகர் வழியாக ஸ்ரீவில்லிபுத்தூர் கிருஷ்ணன்கோவில் வரையிலுள்ள தேசிய நெடுஞ்சாலையில்,  ரூ.41.37 கோடி ரூபாய் மதிப்பீட்டில் புதிய தார்ச்சாலை அமைப்பதற்கு தலைமை தேசிய நெடுஞ்சாலைத்துறை ஆணையம் அனுமதி அளித்ததைத் தொடர்ந்து, டெண்டர் விடப்பட்டுள்ளது. ஒப்பந்தப்புள்ளி திறக்கும் பணிகள் நிறைவுற்றதும், அடுத்த மாதமே சாலை அமைக்கும் பணியைத் தொடங்கி விடுவார்கள் என்று பெருமிதத்துடன் கூறினார்  தங்கப்பாண்டியன் எம்.எல்.ஏ.   

வாக்களித்த மக்களுக்கு ஏதாவது நல்லது பண்ணவேண்டுமென்ற சிந்தனையும் செயல்பாடும் மக்கள் பிரதிநிதிகளுக்கு இருப்பது ஆறுதலானது.