Skip to main content

குளத்தை மீட்க துண்டறிக்கை வெளியிட்டு சிறைசென்ற எழுத்தாளருக்கு அச்சுறுத்தல்... காவல் நிலையத்தில் புகார்

Published on 16/09/2019 | Edited on 16/09/2019

நீர்நிலை ஆக்கிரமிப்புகளை அகற்றி சீரமைக்க வேண்டும் என்று நீதிமன்றங்கள் உத்தரவுகளை அடுத்தடுத்து போட்டாலும் ஆட்சியாளர்களும், அதிகாரிகளும் அசைந்து கொடுப்பதில்லை.

புதுக்கோட்டை மாவட்டம் கொத்தமங்கலத்தில் இளைஞர்கள் சொந்தச் செலவில் நீர்நிலைகளை தூர்வாரினாலும் நீர்நிலை ஆக்கிரமிப்புகளை அகற்றிக் கொடுத்தால் சிறப்பாக இருக்கும் என்று மாவட்ட ஆட்சியர், வட்டாட்சியர் என மனு கொடுத்தும் எந்த நடவடிக்கையும் இல்லை. அதனால் பட்ட கஷ்டத்திற்கு பலன்கிடைக்காமல் கவலையில் உள்ளனர். இதேபோலதான் பல மாவட்டங்களிலும் நடக்கிறது.

 

pudukottai

 

அதேபோலதான் புதுக்கோட்டை மாவட்டம் கறம்பக்குடி தாலுகா குளந்திரான்பட்டு கிராமத்தில் சுமார் 10 ஏக்கர் பரப்பளவுள்ள வெட்டுக்குளத்தை காணாமல் அந்த குளத்தை மீட்டுத் தரக்கோரி அதே கிராமத்தைச் சேர்ந்த எழுத்தாளர் துரைகுணா கடந்த 2017 முதல் மாவட்ட ஆட்சியர், வட்டாட்சியர் என அனைத்து அதிகாரிகளுக்கும் மனு கொடுத்தார். பலனில்லை வழக்கு தொடுத்தார் வழக்கு நிலுவையில் உள்ளது. இந்தநிலையில்தான் 15 நாட்களுக்கு முன்பு குளத்தை மீட்க ஆட்கள் தேவை என மாவட்ட ஆட்சியர் முதல் கிராம நிர்வாக அலுவலர் வரை தேவை என துண்டறிக்கை வெளியிட்டார்.

இந்த துண்டறிக்கை அதிகாரிகள் மட்டத்தில் கோபத்தை ஏற்படுத்தியது. ஆனாலும் சம்மந்தப்பட்ட இடத்தில் காணாமல் போன குளத்தை கண்டறிய அதிகாரிகள் களமிறங்கி அளவீடு செய்தனர். அத்தனையும் இன்னும் 15 நாளில் அறுவடைக்கு தயாரான நெல் கதிர்.  போன அதிகாரிகள் கதிரை அறுக்க 2 மாதம் அவகாசம் கொடுத்துவிட்டு வந்தார்கள். வந்த கையோடு துண்டறிக்கை வெளியிட்ட துரை குணா மீது வழக்குபதிவு செய்து கைது செய்தனர்.

 

pudukottai

 

வளைந்து கிடந்த பயிரை அழிக்க யார் உத்தரவிட்டதோ.. அடுத்த நாள் காலை 7 மணிக்கெல்லாம் பொக்கலின் இயந்திரங்களுடன் போலீஸ் பாதுகாப்போடு சென்ற அதிகாரிகள் நெல் கதிரை அழித்தனர். இடத்தை நாங்க ஆக்கிரமிப்பு செய்யல பழைய மணியக்கார் ஆக்கிரமித்து அனுபவித்தார் அதன் பிறகு எங்களிடம் பணத்தை வாங்கிட்டு கொடுத்தார் கதிர் அறுக்கும் வரை காத்திருங்கள் பிறகு குளம் வெட்டலாம் என்று வாகனங்களுக்கு முன்னால் விழுந்து கதறினார்கள் சோறு கொடுக்கும் நெல் பயிர் இரவு வரை அழிக்கப்பட்டது. ஆனால் குளம் வெட்டவில்லை.

இந்தநிலையில்தான் செப்டம்பர் 15 ந் தேதி துண்டறிக்கை வெளியிட்டதற்காக சிறைப்படுத்தப்பட்டு நிபந்தனை பிணையில் வந்துள்ள துரைகுணா கறம்பக்குடி காவல் நிலையத்தில் உயிருக்கு பாதுகாப்பு கேட்டு புகார் கொடுத்துள்ளார்.
 

அந்த புகாரில் குளந்திரானபட்டு கிராமத்தில் குளத்தை மீட்க துண்டறிக்கை வெளியிட்டதால் நிலம் மீட்கப்பட்டுள்ளது. ஆனால் அதற்கு நான் தான் காரணம் என்று அதே ஊரைச் சேர்ந்த தொழிலதிபர்கள் கரிகாலன், கருப்பையா ஆகிய இருவராலும் என் உயிருக்கு அச்சுறுத்தல் உள்ளது. குளித்தலை சம்பவம் போல நடக்க வாய்ப்புள்ளதால் எனக்கும் என் குடும்பத்துக்கும்  பாதுகாப்பு வேண்டும் என்று அந்த மனுவில் குறிப்பிட்டுள்ளார். புகார் கொடுத்த சம்பவத்தால் மேலும் பரபரப்பு ஏற்பட்டுள்ளது.

 

சார்ந்த செய்திகள்

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.

Next Story

ரெய்டில் சிக்கிய பிக் பாஸ் டைட்டில் வின்னர்

Published on 27/03/2024 | Edited on 27/03/2024
big boss 17 title winner Munawar Faruqui arrested

சின்னத்திரையில் ரியாலிட்டி நிகழ்ச்சிகளில் கலந்துகொண்டு வந்த முனாவர் பரூக்கி, ஸ்டாண்ட்-அப் காமெடியனாகவும் ராப் படகராகவும் பிரபலமானார். இவர் 2021 ஆம் ஆண்டில், ஒரு ஸ்டாண்ட்-அப் நிகழ்ச்சியின் போது இந்து கடவுள்களை பற்றி கருத்து தெரிவித்த நிலையில், இந்து மத உணர்வுகளைப் புண்படுத்தியததாக அவர் மீது புகார்கள் எழுந்தன. இது தொடர்பாக அவர் மீது வழக்கு பதியப்பட்டு ஒரு மாதம் சிறையில் அடைக்கப்பட்டார். பின்னர் வலது சாரி அமைப்புகளின் அச்சுறுத்தல்களால் தான் நகைச்சுவை துறையிலிருந்து விலகுவதாக அறிவித்திருந்தார். அதன் பிறகு எந்த நிகழ்ச்சிகளிலும் கலந்து கொள்ளாமலிருந்த முனாவர் பரூக்கி, 2022 ஆம் ஆண்டு ஒரு தொலைகாட்சி நிகழ்ச்சியில் கலந்து அதன் முதல் சீசனில் வெற்றி பெற்றார். மேலும் இந்தி பிக் பாஸ் சீசன் 17ல் டைட்டில் வின்னராக தேர்வு செய்யப்பட்டார்.

big boss 17 title winner Munawar Faruqui arrested

இந்த நிலையில், ஹூக்காவில் புகையிலை தொடர்பான காவல்துறையினர் சோதனையில் முனாவர் பரூக்கி கைது செய்யப்பட்டு பின்பு விடுவிக்கப்பட்டுள்ளார். நேற்று இரவு மும்பையில் உள்ள கோட்டை பகுதியில் ஹூக்கா பார்லரில் மூலிகை பொருள் என்ற பெயரில் ஹூக்காவில் புகையிலை பயன்படுத்தப்படுவதாக காவல் துறையினருக்கு தகவல் கிடைத்துள்ளது. அதன் பேரில் அந்த பாருக்கு சென்ற காவல் துறையினர் சோதனை மேற்கொண்டுள்ளனர். இரவு 10.30 மணியளவில் தொடங்கிய அந்த சோதனை இன்று அதிகாலை 5 மணி வரை தொடர்ந்துள்ளது. 

இந்த சோதனையில் மொத்தம் ரூ. 4,400 ரொக்கம் மற்றும் ரூ.13,500 மதிப்புள்ள 9 ஹூக்கா பானைகள் பறிமுதல் செய்தனர். அந்த சோதனையின் போது 14 பேர் கைது செய்யப்பட்டனர். அதில் பிக் பாஸ் 17 டைட்டில் வின்னர் முனாவர் பரூக்கியும் ஒருவர். இந்த வழக்கு தொடர்பாக தொடர்ந்து விசாரணை நடப்பதாக தெரிவிக்கப்பட்டுள்ளது. இதனிடையே முனாவர் பரூக்கியிடம், ஜாமீனில் வெளிவரக்கூடிய குற்றம் என்ற வகையில், நோட்டீஸ் ஒன்றைக் கொடுத்துவிட்டு பின்பு காவல்துறையினர் விடுவித்தனர். இந்த சம்பவம் அங்கு சற்று பரப்பரப்பை ஏற்படுத்தியது.