Skip to main content

குளமாகிய சிவானந்தா சாலை; மழைநீரில் மூழ்கிய கார் 

Published on 04/12/2023 | Edited on 04/12/2023

 

 Pond Sivananda Road; A car submerged in rainwater

 

வங்கக் கடலில் நிலவிய ஆழ்ந்த காற்றழுத்த தாழ்வு மண்டலம் புயலாக மாறியுள்ளது. இதற்கு மிக்ஜாம் எனப் பெயரிடப்பட்டுள்ளது. புயல் காரணமாக சென்னை, செங்கல்பட்டு, காஞ்சிபுரம், திருவள்ளூர் உள்ளிட்ட மாவட்டங்களில் இரவிலிருந்து பலத்த சூறைக் காற்றுடன் கனமழை பொழிந்து வருகிறது. மிக்ஜாம் புயல் காரணமாக 23 மாவட்டங்களுக்கு எச்சரிக்கை விடுக்கப்பட்டுள்ளது. வானிலை ஆய்வு மைய அறிவிப்பின்படி சென்னை, செங்கல்பட்டு, காஞ்சிபுரம், திருவள்ளூர், ராணிப்பேட்டை, திருவண்ணாமலை, விழுப்புரம், கடலூர், மயிலாடுதுறை ஆகிய மாவட்டங்களில் மழைக்கு வாய்ப்புள்ளது என அறிவிக்கப்பட்டுள்ளது.

 

சென்னையில் தொடர் மழை காரணமாக பல்வேறு இடங்களில் மழைநீர் தேங்கி உள்ளது. தற்போதைய நிலவரப்படி 'மிக்ஜாம்' புயல், புயல் என்ற நிலையில் இருந்து தீவிரப் புயலாக மாறி உள்ளதாக சென்னை வானிலை ஆய்வு மையம் அறிவித்துள்ளது. சென்னைக்கு கிழக்கே 90 கிலோ மீட்டர் தொலைவில் தற்போது புயல் மையம் கொண்டுள்ளது.  

 

இந்நிலையில் சென்னை சேப்பாக்கத்தில் உள்ள சிவானந்தா சாலையில் அதிக அளவிலான மழைநீர் தேங்கியுள்ளது. இதனால் அந்த பகுதியே குளம் போல காட்சியளிக்கிறது. தொடர்ந்து கனமழை பெய்து வருவதால் அந்த வழியாக யாரும் போக்குவரத்து மேற்கொள்ள வேண்டாம் என அறிவிக்கப்பட்டிருந்தது. ஆனால் அதனை மீறி ஒருவர் காரை செலுத்திய நிலையில் வெள்ளத்தில் கார் சிக்கியது. இதனால் அந்த கார் மூழ்கும் நிலை ஏற்பட்டது. அந்த காட்சிகள் தற்போது வைரலாகி வருகிறது.

 

 

 

சார்ந்த செய்திகள்

Next Story

வெள்ள பாதிப்பில் இடிந்த வீடுகளைச் சீரமைக்க 382 கோடி; தமிழக அரசு அரசாணை

Published on 20/02/2024 | Edited on 20/02/2024
382 crores to repair the houses destroyed in the flood; Tamil Govt.

அண்மையில் மிக்ஜாம் புயல் காரணமாகச் சென்னையிலும் அதனைத் தொடர்ந்து பெய்த கனமழை காரணமாகத் தமிழகத்தின் தென் மாவட்டங்களான தூத்துக்குடி, நெல்லை ஆகிய மாவட்டங்களில் வெள்ள பாதிப்பு ஏற்பட்டது. குறிப்பாகத் தூத்துக்குடி மாவட்டம் ஸ்ரீவைகுண்டம் பகுதியில் ரயிலில் சிக்கிய பயணிகள் அதிகளவில் இரண்டு மூன்று நாட்களுக்குப் பிறகு போராடி மீட்கப்பட்டனர்.

மொத்தமாக ஏற்பட்ட வெள்ள பாதிப்புகளுக்குத் தமிழக அரசு பல்வேறு நிவாரண நடவடிக்கைகளை மேற்கொண்டு இருந்தது. இந்த நிலையில், மழை வெள்ள பாதிப்புகளால் பழுதடைந்த வீடுகளைக் கட்டுவதற்காக 382 கோடி ரூபாய் ஒதுக்கீடு செய்யப்பட்டு அதற்கான அரசாணை வெளியிடப்பட்டுள்ளது.

சென்னை மற்றும் தென் மாவட்டங்களில் மழை வெள்ளத்தால் பாதிக்கப்பட்ட வீடுகளைப் பழுது பார்க்கவும், புதிதாகக் கட்டவும் 382 கோடி ரூபாய் ஒதுக்கீடு செய்யப்பட்டுள்ளது. மொத்தமாக 4,577 புதிய வீடுகள் கட்ட ரூபாய் 199 கோடி ரூபாயும், 9,975 வீடுகளைச் சீரமைக்க ரூபாய் 182 கோடியும் ஒதுக்கி அரசாணையானது வெளியிடப்பட்டுள்ளது. புதிதாக வீடு கட்டுவதற்கு ரூபாய் 4 லட்சம் ரூபாயும், பகுதி சேதமடைந்த வீடுகளுக்கு 2 லட்சம் ரூபாயும் வழங்க ஏற்கனவே தமிழக முதல்வர் உத்தரவிட்டிருந்தார். முதல்வரின் உத்தரவுப்படி ஊரக வளர்ச்சித் துறை மூலம் வீடுகளைச் சீரமைக்கவும், புதிதாக வீடுகளைக் கட்டவும் தற்போது நிதி ஒதுக்கீடு செய்யப்பட்டுள்ளது.

Next Story

 டயர் குடோனில் பயங்கர தீ விபத்து!

Published on 20/02/2024 | Edited on 20/02/2024
Terrible fire accident in tire godown in chennai

சென்னை மாதவரம் அடுத்த மாத்தூர் சுங்கச்சாவடி அருகே டயர் குடோன் ஒன்று இயங்கி வருகிறது. இந்த குடோனில், டயர்கள், எண்ணெய் டிரம் அடுக்கி வைக்கப்பட்டுள்ளது. இந்த நிலையில், இந்த இடத்தில் திடீரென பயங்கர தீ பற்றி எரிந்துள்ளது. இங்கு ஏற்பட்ட தீ மளமளவென பரவி அந்த பகுதி முழுவதும் பல அடி உயரத்திற்கு கரும்புகை சூழ்ந்து மேலெழும்பி வருகிறது. மேலும், இந்த பகுதியில் மாநகர சுகாதார மருத்துவமனை இயங்கி வருவதால், அங்கு இருக்கக்கூடிய நோயாளிகள் உடனடியாக பாதுகாப்பான இடத்திற்கு அழைத்து வரப்பட்டுள்ளனர்.

இதனையடுத்து, இந்த தீ விபத்து சம்பவம் குறித்து அங்கிருந்த பொதுமக்கள் தீயணைப்பு துறையினருக்கு தகவல் கொடுத்தனர். அந்த தகவலின் பேரின் சம்பவ இடத்திற்கு விரைந்து வந்த தீயணைப்பு துறையினர், இங்கு தீயை அணைக்க முயற்சியில் ஈடுபட்டு வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.