காவல்துறை எஸ்.ஐ. பணியிடத்திற்கான உடல்தகுதி தேர்வு இலவசமாக வழங்கப்படுகிறது என்று சேலம் மாவட்ட ஆட்சியர் கார்மேகம் தெரிவித்துள்ளார்.
இதுகுறித்து அவர் வெளியிட்டுள்ள செய்திக்குறிப்பில், "தமிழ்நாடு சீருடைப் பணியாளர் தேர்வு வாரியத்தால் அறிவிப்பு வெளியிடப்பட்டுள்ள காவல்துறை எஸ்.ஐ., பதவிக்கான எழுத்துத் தேர்வு முடிவுகள் வெளியிடப்பட்டு உள்ளன.
உடல்தகுதித் தேர்வுக்கு பயிற்சி பெறும் வகையில், சேலம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் மூலமாக இலவச உடல்தகுதி தேர்வுக்கான பயிற்சி வழங்கப்படுகிறது. இந்தப் பயிற்சி முகாம், வரும் ஜூலை 5- ஆம் தேதி காலை 07.00 மணிக்கு, சேலம் காந்தி விளையாட்டு மைதானத்தில் தொடங்குகிறது. சிறந்த நிபுணர்கள் மூலம் பயிற்சி வழங்கப்படும்.
இப்பயிற்சி முகாமில் கலந்து கொள்ள விரும்புவோர், 94990- 55941 என்ற செல்போன் எண்ணில் தொடர்பு கொண்டு, முன்பதிவு செய்து கொள்ள வேண்டும். சேலம் மாவட்டத்தைச் சேர்ந்த தகுதி வாய்ந்த நபர்கள் இந்தப் பயிற்சி வகுப்பில் கலந்து கொண்டு பயன்பெறுமாறு கேட்டுக் கொள்ளப்படுகிறது." இவ்வாறு சேலம் மாவட்ட ஆட்சியர் கார்மேகம் தெரிவித்துள்ளார்.