Skip to main content

ஆளுநர் உத்தரவின்படி ஹெல்மெட் அணியாதவர்களுக்கு அபராதம் விதித்த காவல்துறை!

Published on 12/02/2019 | Edited on 12/02/2019

 

புதுச்சேரியில் தலைக்கவசம் அணிய வேண்டியது கட்டாயம் என கடந்த 2017-ஆம் ஆண்டு மே மாதம் அறிவிக்கப்பட்டது. ஆனால் அப்போது அந்த அறிவிப்புக்கு பொதுமக்கள் மத்தியில் கடும் எதிர்ப்பு கிளம்பியது. குறிப்பாக  பெண்கள் அதிருப்தி தெரிவித்தனர். அதனை தொடர்ந்து கட்டாய தலைக்கவசம் திட்டம் தளர்த்தப்பட்டது. இந்நிலையில் கடந்த சில நாட்களுக்கு முன்பு பொதுமக்கள் பலர் தலைக்கவசம் அணியாமல் வாகனங்களில் செல்வதை படம் பிடித்து, சமூக வலைதளத்தில் வெளியிட்ட துணை நிலை ஆளுநர் கிரண்பேடி கட்டாய ஹெல்மெட் திட்டத்தை அமல்படுத்துமாறு அதிகாரிகளுக்கு உத்தரவிட்டார். அதன் பேரில் புதுச்சேரியில் கட்டாயமாக ஹெல்மெட் அணிய வேண்டும் என்பதை மீண்டும் அமல்படுத்த டிஜிபி சுந்தரி நந்தா அறிவித்தார்.

 

 Police ordered fine for not submitting helmet

 

அதையடுத்து  நேற்று முதல் கட்டாய ஹெல்மெட் சட்டம் நடைமுறைக்கு வந்துள்ளது. பெரும்பாலானோர் தலைக்கவசம் அணிந்து பயணம் செல்லும் நிலையில், தலைக்கவசம் அணியாமல் பயணித்த  இருசக்கர வாகன ஓட்டிகளுக்கு ‘ஸ்பாட் பைன்’ இல்லாமல் வாகன எண்கள் பதிவு செய்து, சம்மன் அனுப்பப்பட்டு நீதிமன்றம் மூலம் அபராதம் செலுத்த காவல்துறையினர் நடவடிக்கை எடுத்து வருகின்றனர்.

 

 

தலைக்கவசம் அணியும் விவகாரத்தில் விழிப்புணர்வு ஏற்படுத்த வேண்டும். அபராதம் விதிக்க கூடாது என முதல்வர் நாராயண்சாமியின் வேண்டுகோள் புறந்தள்ளப்பட்டு  துணைநிலை ஆளுநரின் உத்தரவே செயல்படுத்தப்படுகின்றது.

 

 Police ordered fine for not submitting helmet

 

அதேசமயம் பள்ளி, கல்லூரிகளுக்கு செல்வோர்,  வேலைக்கு செல்வோர் என பல்வேறு பணியின் காரணமாக அலைக்கழிக்க விரும்பாமல், சம்மன் அனுப்பி நீதிமன்றம் மூலம் அபராதம் செலுத்த நடவடிக்கை நடைமுறைப்படுத்தப்பட்டுள்ளது.

 

 

முன்னதாக இரண்டு நாள் முன்பு கிரண்பேடி சாலையில் சென்ற வாகன ஓட்டிகளிடம் தலைக்கவசம் அணியுமாறு அறிவுறுத்தினார்.

 

 

 

 

சார்ந்த செய்திகள்

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.

Next Story

லிஸ்டில் உள்ள 737 பேர்; இன்றே கடைசி நாள்

Published on 27/03/2024 | Edited on 27/03/2024
737 people on the list; Today is the last day

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

மார்ச் 20 ஆம் தேதி வேட்புமனு தாக்கல் தொடங்கிய நிலையில், 27 ஆம் தேதி வேட்புமனு தாக்கல் செய்யக் கடைசி நாள் என அறிவிக்கப்பட்டிருந்தது. அதன்படி இன்று கடைசி நாளாகும். தமிழ்நாட்டின் 39 தொகுதிகள் உட்பட 102 தொகுதிகளுக்கான வேட்புமனு தாக்கல் இன்று நிறைவு பெறுகிறது. நாளை வேட்புமனு பரிசீலனை நடைபெறுகிறது. நாடாளுமன்றத் தேர்தலில் போட்டியிடத் தமிழ்நாட்டில் இதுவரை 737 பேர் வேட்புமனு தாக்கல் செய்துள்ளனர். 39 தொகுதிகளில் இதுவரை ஆண்கள் 628 பேரும், பெண்கள் 109 பேரும் வேட்புமனு தாக்கல் செய்துள்ளதாகத் தேர்தல் ஆணையம் தெரிவித்துள்ளது.