Skip to main content

வரிசையாக பிடிப்பட்ட விஷ பாம்புகள்..! 

Published on 03/07/2021 | Edited on 03/07/2021

 

Poisonous snakes caught in a row ..!

 

சிதம்பரம் அருகே ஒரத்தூர் கிராமத்தில் தண்ணீரின்றி இருந்த 10 அடி ஆழ கிணற்றில் பாம்புகள் உள்ளதாக சிதம்பரம் வனத்துறையினருக்கு அப்பகுதியில் உள்ள பொதுமக்கள் தகவல் அளித்தனர். இதனைத் தொடர்ந்து சிதம்பரம் வனச்சரக அலுவலர் செந்தில்குமார் தலைமையில் வனவர் அஜிதா, வனக் காப்பாளர் அனுசுயா, சரளா மற்றும் வனப் பணியாளர்கள் புஷ்பராஜ், பாண்டியன் ஆகியோர் கொண்ட குழுவினர் சம்பந்தபட்ட கிராமத்திற்குச் சென்று கிணற்றில் இறங்கி, 6 அடி நீளமூள்ள 8 விஷப் பாம்புகளைப் பிடித்தனர். இதனைப் பார்த்த அந்தப் பகுதி பொதுமக்கள் நிம்மதி பெருமூச்சு விட்டனர். பின்னர் இந்தப் பாம்புகளை வேப்பூரில் உள்ள காப்புக்காட்டில் விட்டனர்.

 

 

சார்ந்த செய்திகள்

 

Next Story

தன்னைக் கடித்த பாம்பை திருப்பிக் கடித்த நபர்; மூடநம்பிக்கையால் நடந்த சம்பவம்!

Published on 06/07/2024 | Edited on 06/07/2024
A person who bites back a snake that has bitten him in bihar

தன்னைக் கடித்த பாம்பை மூடநம்பிக்கையால் மீண்டும் திருப்பிக் கடித்த சம்பவம் பெரும் பரபரப்பை ஏற்படுத்தியுள்ளது. 

பீகார் மாநிலம் ரஜெலி பகுதியைச் சேர்ந்தவர் சந்தோஷ் லோஹர் (35). இவர் ரயில்வே ஊழியராக பணியாற்றி வருகிறார். இந்த நிலையில், கடந்த 2ஆம் தேதி இவர், தனது வேலையை முடித்துவிட்டு ரயில் தண்டவாளம் அருகே உள்ள வனப்பகுதியில் தூங்கிக் கொண்டிருந்தார். அப்போது அவரைப் பாம்பு ஒன்று கடித்துள்ளது. 

தன்னைக் கடித்த பாம்பை திருப்பி கடித்தால், பாம்பின் உடலில் இருக்கும் விஷம் தன்னை ஒன்றும் செய்யாது என்ற மூட நம்பிக்கை சந்தோஷ் லோஹருக்கு இருந்ததாகக் கூறப்படுகிறது. அந்த மூடநம்பிக்கையின் காரணமாக, சந்தோஷ் அந்தப் பாம்பை பிடித்து 3 முறை கடித்து உள்ளார். இதில் அந்தப் பாம்பு சம்பவ இடத்திலேயே உயிரிழந்தது. 

இதனையடுத்து, உடனடியாக அங்கிருந்த மற்ற ஊழியர்கள் சந்தோஷை மீட்டு அருகே உள்ள மருத்துவமனைக்கு அனுமதித்துள்ளனர். அங்கு அவரைப் பரிசோதித்து, அவருக்கு உரிய சிகிச்சை அளிக்கப்பட்டது. அதன் பிறகு, அவர் உடல்நலம் தேறியதையடுத்து அடுத்த நாள் மருத்துவமனையில் இருந்து விடுவிக்கப்பட்டார். 

Next Story

சிதம்பரம் நடராஜர் கோவில் தீட்சிதர்களைக் கண்டித்து அரை நிர்வாண ஆர்ப்பாட்டம்!

Published on 22/06/2024 | Edited on 22/06/2024
Demonstration against Chidambaram Nataraja temple deities

சிதம்பரம் நடராஜர் கோவிலில் உள்ள தில்லை கோவிந்தராஜ பெருமாள் கோவிலுக்கு கடந்த 300 ஆண்டுகளுக்கு மேலாக சைவ வைணவ பாகுபாட்டால் சிதம்பரம் நடராஜர் கோவில் தீட்சிதர்கள் கோவிந்தராஜ பெருமாள் கோவிலுக்கு பிரம்மோற்சவம் நடத்துவதற்கு தொடர்ந்து எதிர்ப்பு தெரிவித்து வருகின்றனர்.

மேலும் தற்போது கோவிந்தராஜ பெருமாள் கோவில் இந்து சமய அறநிலை துறையின் கீழ் செயல்பட்டு வருகிறது இதற்கு இந்து அறநிலையத்துறை மற்றும் கோவில் அறங்காவலர்கள் பிரம்மோற்சவம் நடத்துவதற்கு அனைத்து ஏற்பாடுகளையும் செய்த போது நடராஜர் கோவில் தீட்சிதர்கள் இதற்கு எதிர்ப்பு தெரிவித்துள்ளனர். இதுகுறித்த வழக்கு சென்னை உயர்நீதிமன்றத்தில் நடைபெற்று வருகிறது.

இந்நிலையில் சிதம்பரம் காந்தி சிலை அருகே தெய்வீகபக்தர்கள் பேரவை சார்பில் பிரம்மோற்சவம் நடத்த எதிர்ப்பு தெரிவிக்கும் தீட்சிதர்களை கண்டித்தும் பிரம்மோற்சவம் நடத்த ஒத்துழைப்பு அளிக்க வலியுறுத்தி அரை நிர்வாண கண்டன ஆர்ப்பாட்டம் நடைபெற்றது. இந்த ஆர்ப்பாட்டத்திற்கு தெய்வீக பக்தர்கள் பேரவை நிறுவனர் ஜெமினி ராதா தலைமை தாங்கினார்.

இதில் காங்கிரஸ் கட்சியின் நகர தலைவர் மக்கின், மாவட்ட நிர்வாகி ராஜா சம்பத்குமார், இந்திய கம்யூனிஸ்ட் கட்சியின் மாவட்ட நிர்வாகி வி எம் சேகர், விடுதலை சிறுத்தைகள் கட்சியின் மாவட்டச் செயலாளர் அரங்கத் தமிழ் ஒளி, தெய்வீக பக்தர்கள் பேரவை நிர்வாகிகள், அனைத்துக் கட்சிகளை சேர்ந்த நிர்வாகிகள் பொதுமக்கள் என நூற்றுக்கும் மேற்பட்டவர்கள் கலந்து கொண்டு நடராஜர் கோவில் தீட்சிதர்களைக் கண்டித்தும், பிரம்மோற்சவம் நடத்த அனைத்து ஏற்பாடுகளுக்கும் எந்தவித தடையும் விதிக்காமல் ஒத்துழைப்பு அளிக்க வேண்டும் எனக் கோஷங்களை எழுப்பினார்கள்.