Skip to main content

“இந்த பெயரை கொண்டவர்களுக்கு பெட்ரோல் இலவசம்” - வினோத சலுகையை அறிவித்த பெட்ரோல் பங்க் நிறுவனம்!

Published on 12/08/2021 | Edited on 12/08/2021

 

"Petrol is free for those with this name" - Petrol bunk announces bizarre offer

 

கரூரில் உள்ள ஒரு பெட்ரோல் நிலையத்தில் வினோதமான சலுகை ஒன்று அறிவிக்கப்பட்டுள்ளது. ‘நீரஜ்’ என்ற பெயர் கொண்டவர்களுக்கு இரண்டு லிட்டர் பெட்ரோல் இலவசம் என அறிவிக்கப்பட்டுள்ளது.

 

கரூர், சுங்க கேட் பகுதியில் அமைந்துள்ள இந்தியன் ஆயில் பெட்ரோல் நிலையத்தில், ‘நீரஜ்’ என்ற பெயர் உள்ளவர்கள் தங்கள் பெட்ரோல் பங்க்கிற்கு வந்தால் 2 லிட்டர் பெட்ரோல் இலவசமாக வழங்கப்படும் எனவும், ஆதார் அட்டை கொண்டு வர வேண்டுமெனவும் அறிவித்துள்ளனர். மேலும், ஒலிம்பிக்கில் தங்கம் வென்ற நீரஜ் சோப்ராவுக்கு வாழ்த்து தெரிவிக்கும் விதமாக இந்த அறிவிப்பு வெளியிடப்பட்டுள்ளதாக பெட்ரோல் பங்க் உரிமையாளர் தெரிவித்துள்ளார்.

 

 

சார்ந்த செய்திகள்

 

Next Story

இதுக்கெல்லாம் ஒரு சண்டையா? - மாறி மாறி தாக்கிகொண்ட இளைஞர்கள்!

Published on 27/06/2024 | Edited on 27/06/2024
Young people beaten in turn at gudiyattam

வேலூர் மாவட்டம் குடியாத்தம் புதிய பேருந்து நிலையம் எதிரே உள்ள தனியார் பெட்ரோல் பங்கில் கபிலேஷ் (வயது18) என்பவர் பணியாற்றி வருகிறார். நேற்று இரவு கபிலேஷ் பணியில் இருந்த போது இருசக்கர வாகனத்திற்கு பெட்ரோல் நிரப்புவதற்காக இரண்டு பேர் வந்துள்ளனர். 

பெட்ரோல் நிரப்பும்போது கடைசியாக பெட்ரோல் கன்னை இருசக்கர வாகனத்தில் இருந்து எடுக்கும் போது சிறிது பெட்ரோல் இரு சக்கர வாகனத்தின் உரிமையாளர் மீது சிந்தியதாகக் கூறப்படுகிறது. இதனால் ஊழியர் கபிலேசுக்கும் இரு சக்கர வாகனத்தில் வந்த நபர்களுக்கும் வாக்குவாதம் ஏற்பட்டுள்ளது. இதில் இருசக்கர வாகனத்தில் வந்தவர் கபிலேஷை கன்னத்தில் தாக்கியுள்ளார். பின்னர் இருவரும் மாறி மாறி தாக்கிக் கொண்டுள்ளனர்.

இதில் கபிலேஷ் சிசிடிவி காட்சிகளுடன் குடியாத்தம் நகர காவல் நிலையத்தில் கொடுத்தப் புகாரின் பேரில் கொண்ட சமுத்திரம் மற்றும் ஆர்.எஸ்.புரம் பகுதியைச் சேர்ந்த சுந்தர்ராஜன், தமிழ்வாணன், லோகேஷ், இரணியன், தினேஷ் பாபு ஆகிய ஐந்து பேர் மீது வழக்குப் பதிவு செய்து அவர்களைக் கைது செய்து விசாரணை மேற்கொண்டு வருகின்றனர்.

பெட்ரோல் பங்க் ஊழியர்களும் வாடிக்கையாளர்களும் மாறி மாறி அடித்துக் கொண்ட சிசிடிவி காட்சி வெளியாகி பெரும் பரபரப்பை ஏற்படுத்தியுள்ளது.

Next Story

பெட்ரோல் பங்க் மேலாளர் மீது தாக்குதல்; திருவண்ணாமலையில் பரபரப்பு

Published on 25/12/2023 | Edited on 25/12/2023
incident for petrol station manager in Tiruvannamalai

திருவண்ணாமலை வேலூர் சாலையில் மாவட்ட ஆட்சியர் அலுவலகம் அருகே அமைந்துள்ளது திருச்செந்தூர் பெட்ரோல் பங்க். இந்த பெட்ரோல் பங்கில் நேற்று மாலை  (24.12.2023) இரண்டு இரு சக்கர வாகனத்தில் வந்த நான்கு இளைஞர்கள் வாகனத்திற்கு பெட்ரோல் நிரப்பிவிட்டு பணத்தை இவர் கொடுப்பார் அவர் கொடுப்பார் என மாறி மாறி கூறியதையடுத்து பெட்ரோல் பங்க் ஊழியருக்கும் அந்த இளைஞர்களுக்கும் இடையே வாக்குவாதம் ஏற்பட்டது.

இதனால் பெட்ரோல் பங்கில் கூச்சல் குழப்பம் ஏற்பட்டதை அறிந்த மேலாளர் தனது அறையில் இருந்து வெளியே வந்து வாக்குவாதத்தில் ஈடுபட்டவர்களிடம் பேச்சுவார்த்தை நடத்திக் கொண்டிருக்கும்போது, இருசக்கர வாகனத்தில் வந்த இளைஞர்கள் பெட்ரோல் பங்க் ஊழியர்கள் மற்றும் மேலாளரை மிரட்டி விட்டு அங்கிருந்து தப்பித்ததாக கூறப்படுகிறது.

அதனைத் தொடர்ந்து 30 நிமிடங்கள் கழித்து மீண்டும் தனது நண்பர்களுடன் பெட்ரோல் பங்குக்கு கையில் அரிவாளுடன் வந்த இளைஞர்கள் மேலாளர் ரகுராமனை அறிவாளால் சரமாரியாக தாக்கியதில் தலை மற்றும் கழுத்துப் பகுதியில் பலத்த காயம் ஏற்பட்டது. உடனடியாக அவர் திருவண்ணாமலை அரசு மருத்துவக் கல்லூரி மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார். இதுகுறித்து திருவண்ணாமலை கிழக்கு காவல் நிலைய போலீசாருக்கு கொடுத்த தகவலினல் பேரில் சம்பவ இடத்திற்கு வந்து போலீஸார் சிசிடிவி காட்சிகளைக் கொண்டு அறிவாளால் வெட்டி விட்டு தப்பித்துச் சென்ற இளைஞர்களை தீவிரமாக தேடி வருகின்றனர்.

பெட்ரோல் போட்டு விட்டு பணம் கேட்டதால் ஏற்பட்ட தகராறு இளைஞர்கள் பெட்ரோல் பங்க் மேலாளரை அறிவாளால் சரமாரியாக கொலைவெறி தாக்குதல் நடத்தியது பெரும் பரபரப்பை ஏற்படுத்தியது. அதனைத்தொடர்ந்து இன்று காலை 8 மணி முதல் 10 மணி வரை நகரத்தில் உள்ள அனைத்து பெட்ரோல் பங்க்குகளும் இந்த சம்பவத்தை கண்டித்து ஸ்ட்ரைக்கில் ஈடுப்பட்டன. இதனால் வாகன ஓட்டிகள் பெட்ரோல், டீசல் போடமுடியாமல் பெரும் சிரமத்துக்கு ஆளாகினர்.