Skip to main content

என்.ஐ.ஏ குழு மூன்று இடங்களில் அதிரடி சோதனை; நள்ளிரவு வரை துருவிதுருவி விசாரணை! 

Published on 14/07/2019 | Edited on 14/07/2019

தீவிரவாத செயல்களில் ஈடுபட்டதாக தேசிய புலனாய்வு பிரிவு போலீசார் நாகையை சேர்ந்த 3 பேர் மீது வழக்குப்பதிவு செய்து கைது செய்யப்பட்டவர்களிடம் நள்ளிரவு வரையிலும் விசாரணை நடைபெற்றது. லேப்டாப் உள்ளிட்ட முக்கிய ஆதாரங்கள் சிக்கியுள்ளதை காட்டி நீண்ட நேரம் விசாரணை நடத்தியிருக்கின்றனர் என்.ஐ.ஏ அதிகாரிகள்.

NIA Team investigation  Three Places; Until midnight!


தேசிய புலனாய்வுத் துறை அதிகாரிகள் நேற்று 13 ம் தேதி காலை நாகப்பட்டினம் சிக்கல் பகுதியை சேர்ந்த அசன் அலி மற்றும் மஞ்சக்கொல்லை பகுதியை சேர்ந்த ஹாரிஸ் முஹமது மற்றும் சென்னையைச் சேர்ந்த முகமது புகாரி ஆகியோரது வீடுகள், அவர்களின் உறவினர்களின் வீடுகள், மற்றும் அலுவலகங்களில் அதிரடி ஆய்வு மேற்கொண்டனர். பல மணி நேரம் நடத்திய சோதனைக்குப் பின்னர் மூவரது வீடுகள் மற்றும் அலுவகத்தில் இருந்த  9 மொபைல் போன்கள், 15 சிம் கார்டுகள், 7 மெமரி கார்டுகள், 3 லேப்டாப், 6 ஹார்ட் டிஸ்க், 7 பென்டிரைவ்கள் மற்றும் துண்டுப் பிரசுரங்கள் உள்ளிட்டவைகளை கைப்பற்றியதாக கூறினர். அதன் பிறகு மூன்றுபேர் மீதும் வழக்கு பதிவு செய்யப்பட்டு விசாரணைக்கு அழைத்துச்சென்றனர்.

 

NIA Team investigation  Three Places; Until midnight!


விசாரணையில், "வெளிநாட்டில் இருந்து சட்டவிரோதமாக பணம் பெற்று இந்தியாவில் அன்சாருல்லா என்ற இயக்கத்தை உருவாக்கி இந்திய இறையாண்மைக்கு இடையூறு செய்ய நினைத்ததாகவும், இந்தியா மீது தாக்குதல் தொடுக்க சதித்திட்டம் தீட்டியதாகவும், 3 பேரும் தற்போது தங்கள் விசாரணையில் உள்ளதாகவும் தெரிவித்த என்.ஐ.ஏ அதிகாரிகள். தொடரந்து ஹாசன்அலி ஆகியோரை  நாகை மாவட்ட எஸ்.பி அலுவலகத்தில் வைத்து  நள்ளிரவு வரை விசாரணை மேற்கொண்டனர். பின்னர் இருவரையும் நாகை நகர காவல் நிலையத்திற்கு அழைத்து வைத்துவிசாரித்த கையோடு, இருவரையும் காலை 7 மணிக்கு சென்னைக்கு அழைத்துச்சென்று பூந்தமல்லி சிறப்பு நீதி,மன்ற நீதிபதி  செந்தூர்பாண்டியன் முன்னிலையில் ஆஜர்படுத்தப்பட்டனர்.அவர்களை ஜூலை 25ம் தேதி வரை நீதிமன்ற காவலில் சிறையில் அடைக்க நீதிபதி உத்தரவிட்டார்.இதனையடுத்து இருவரும் புழல் சிறையில் அடைக்கப்பட்டனர்.

 

 

சார்ந்த செய்திகள்

Next Story

திருமணத்தை மீறிய உறவு; பெண்ணை பெட்ரோல் ஊற்றி எரித்த நடத்துநர்

Published on 25/04/2024 | Edited on 25/04/2024
Conductor who doused woman with petrol and her in Krishnagiri

கிருஷ்ணகிரியைச் சேர்ந்தவர் திருப்பதி. இவரது மனைவி சிவகாமி(பெயர் மாற்றப்பட்டுள்ளது). இவருக்கும் கிருஷ்ணகிரி பாத்திமா நகரைச் சேர்ந்த அரசு பேருந்து நடத்துனர் மாதவன் என்பவருக்கும் கடந்த ஐந்து ஆண்டுகளாக திருமணத்தை மீறிய உறவு இருந்துள்ளது. இந்த நிலையில் மாதவனுக்கு வேறு சில பெண்களுடன் தொடர்பு  இருப்பதாக கருதிய லட்சுமி மாதவன் உடனான உறவை துண்டித்துள்ளார்.

இதனைத் தொடர்ந்து மாதவன் சிவகாமிக்கு தொடர்ந்து தொல்லை கொடுத்து வந்துள்ளார். இந்த நிலையில் நேற்று இரவு வீட்டிற்கு வெளியே சென்று லட்சுமியைப் பின் தொடர்ந்து வந்த மாதவன் சிவகாமியிடம் வாக்குவாதத்தில் ஈடுபட்டுள்ளார். மேலும் தன்னுடன் பேசுமாறு வற்புறுத்தியுள்ளார். ஆனால்   இதற்குச் சிவகாமி மறுப்பு தெரிவிக்க, ஆத்திரமடைந்த மாதவன் சிவகாமி மீது பெட்ரோலை ஊற்றி உயிரோடு எரித்துள்ளார். பின்னர் வீட்டின் அருகே உள்ள முட்புதிரில் தீயில் கருகி நிலையில் உயிருக்கு போராடி கொண்டிருந்த சிவகாமியைப் பார்த்த அக்கம் பக்கத்தினர் உடனடியாக அவரை மீட்டு கிருஷ்ணகிரி அரசு மருத்துவக் கல்லூரி மருத்துவமனையில் அனுமதித்தனர்.

இந்த நிலையில் இது குறித்து வழக்கு பதிவு செய்த போலீசார் சிவகாமிடம் விசாரணை செய்ததில் மேற்கண்ட விவரங்கள் தெரியவந்துள்ளது. இதை அடுத்து மாதவன் மீது வழக்கு பதிவு செய்த போலீசார் அவரை கைது செய்து விசாரணை நடத்தி வருகின்றனர்

Next Story

தீ விபத்து; பலி எண்ணிக்கை 6 ஆக உயர்வு!

Published on 25/04/2024 | Edited on 25/04/2024
incident for hotel near Patna Railway Station Bihar

பீகார் மாநிலம் பாட்னா ரயில் நிலையம் அருகே உள்ள ஹோட்டலில் பயங்கர தீ விபத்து ஏற்பட்டது. இந்த சம்பவம் குறித்து தகவல் அறிந்து சம்பவ இடத்திற்கு வந்த தீயணைப்பு படை வீரர்கள் தீயை அணைக்கும் பணியிலும், மீட்புப் பணியிலும் ஈடுபட்டனர். இந்த தீ விபத்தில் சிக்கிய 12 பேர் மீட்கப்பட்டு சிகிச்சைக்காக முதற்கட்டமாக அனுப்பி வைக்கப்பட்டனர். இச்சம்பவம் பாட்னாவில் பெரும் சோகத்தை ஏற்படுத்தி இருந்தது. இந்த தீ விபத்தில் சிக்கி 3 பேர் உயிரிழந்ததாகவும், 7 பேர் பலத்த காயமடைந்துள்ளனர் என பாட்னா போலீஸ் எஸ்.எஸ்.பி. ராஜீவ் மிஸ்ரா தெரிவித்திருந்தார்.

இது குறித்து பாட்னா தீயணைப்புத் துறை போலீஸ் டிஜி, ஷோபா ஓஹட்கர் கூறுகையில், “தீயணைப்புத் அணைக்கும் மேற்கொண்டோம். இதுபோன்ற நெரிசலான பகுதிகளில் விபத்துகளை தடுக்க தொடர்ந்து சிறப்பு கவனம் செலுத்தி வருகிறோம். இதுபோன்ற சம்பவங்களைத் தடுக்க நாங்கள் தொடர்ந்து பொதுமக்களுக்கு விழிப்புணர்வை ஏற்படுத்தி வருகிறோம். சிலிண்டர் வெடித்ததால் இந்த தீ விபத்து நடந்தது. இருப்பினும் தற்போது தீ முற்றிலும் அணைக்கப்பட்டது” எனத் தெரிவித்திருந்தார்.

இந்நிலையில் பாட்னா சட்டம் மற்றும் ஒழுங்கு போலீஸ் டிஎஸ்பி கிருஷ்ணா முராரி கூறுகையில், “இந்த தீ விபத்தில் 5 முதல் 6 பேர் வரை இறந்துள்ளதாக தகவல் வெளியாகியுள்ளது. சுமார் 30க்கும் மேற்பட்டோர் மீட்கப்பட்டுள்ளனர். அதில் பலத்த காயம் அடைந்த 7 பேர் மருத்துவமனைக்கு அனுப்பி வைக்கப்பட்டுள்ளனர்” எனத் தெரிவித்தார்.