Skip to main content

ஜாமீனில் வெளியே வந்தார் நெல்லை கண்ணன்!

Published on 11/01/2020 | Edited on 11/01/2020

பிரதமர் நரேந்திர மோடி, மத்திய உள்துறை அமைச்சர் அமித்ஷா பற்றி சர்ச்சைக்குரிய வகையில் பேசியதாக நெல்லை கண்ணன் மீது காவல்துறை வழக்குப்பதிவு செய்து, அவரை கைது செய்தது. அதைத் தொடர்ந்து நெல்லை கண்ணனை காவல்துறையினர் நீதிமன்றத்தில் ஆஜர்படுத்தினர். அப்போது நெல்லை கண்ணனை 15 நாள் நீதிமன்ற காவலில் சிறையில் அடைக்க நீதிபதிகள் உத்தரவிட்டனர். இதையடுத்து நெல்லை கண்ணன் சேலம் சிறையில் அடைக்கப்பட்டார். 

 nellai Kannan released on bail yesterday court order


இந்நிலையில் நெல்லை கண்ணன் தரப்பு ஜாமீன் கோரி நெல்லை மாவட்ட முதன்மை நீதிமன்றத்தில் மனுதாக்கல் செய்திருந்தது. இந்த மனு நேற்று (10.01.2020) விசாரணைக்கு வந்த நிலையில் நீதிபதி நெல்லை கண்ணனுக்கு ஜாமீன் வழங்கி உத்தரவிட்டார். மேலப்பாளையம் காவல்நிலையத்தில் தினமும் கையெழுத்திட வேண்டும் என நிபந்தனை ஜாமீன் வழங்கப்பட்டுள்ளது. 


நெல்லைக்கண்ணனின் வழக்கறிஞரான பிரம்மா கூறுகையில்,  நீதிமன்றத்தில் விசாரணை மேற்கொள்ளப்பட்டு நெல்லை கண்ணனுக்கு நிபந்தனை ஜாமீன் வழங்கப்பட்டது. மேலப்பாளையத்தில் கையெழுத்திட உத்தரவு என்பதால் நிபந்தனை ஜாமீனில் அவர் கையெழுத்திட வேண்டும். அதேசமயம் செஷன்ஸ் கோர்ட்டில் கிடைத்த ஜாமீன் உத்தரவை அவரது வழக்கறிஞர் தரப்பினர் சேலம் ஜெயிலுக்கு கொண்டு செல்கின்றனர். அங்கு முறைப்படி உத்தரவு கொடுத்த பிறகு நெல்லை கண்ணன் வெளியாக வாய்ப்பு இருக்கிறது. அனேகமாக இன்று (11.01.2020) காலை 07.00 மணிக்கு மேல் அவர் விடுதலை ஆகலாம் என்றார் அவரது வழக்கறிஞர் பிரம்மா.
 

இந்த நிலையில் சேலம் மத்திய சிறையில் இருந்து இன்று காலை நெல்லை கண்ணன் ஜாமீனில் வெளியே வந்தார். 



 

சார்ந்த செய்திகள்

Next Story

பணிக்கு வராத வார்டன்; அதிரடி காட்டிய சிறைத்துறை எஸ்.பி

Published on 31/01/2023 | Edited on 31/01/2023

 

salem central jail warden dismissed for long absent 

 

சேலம் மத்திய சிறைச்சாலை வார்டன் ஒருவர் முன்னறிவிப்பின்றி பணிக்கு வராமல் இருந்ததைத் தொடர்ந்து அவரை நிரந்தர பணி நீக்கம் செய்து சிறைத்துறை நிர்வாகம் உத்தரவிட்டுள்ளது.

 

சேலம் மத்திய சிறையில் சீனிவாசன் என்பவர் வார்டன் ஆக பணியாற்றி வந்தார். இந்நிலையில் இவர் கடந்த 2022ம் ஆண்டு மார்ச் மாதத்திற்குப் பிறகு முன் அனுமதியின்றி திடீரென்று விடுப்பில் சென்றார். இவர் கடந்த 2017ம் ஆண்டு சிறைத் துறையில் இரண்டாம் நிலை காவலராக பணியில் சேர்ந்தவர்.

 

இது தொடர்பாக  அவரிடம் சிறைத்துறை நிர்வாகம் கடிதம் மூலம் விளக்கம் கேட்டும் பதில் அளிக்கவில்லை. காரணமின்றியும், அனுமதியின்றியும் பணிக்கு வராமல் இருந்தால் பணி நீக்கம் செய்யப்படுவீர் என சிறைத்துறை நிர்வாகம் நோட்டீஸ் அளித்தது. அதற்கும் அவரிடம் இருந்து பதில் ஏதும் வரவில்லை. இதையடுத்து சீனிவாசனை நிரந்தர பணி நீக்கம் செய்து சேலம் மத்திய சிறை எஸ் பி தமிழ்ச்செல்வன் உத்தரவிட்டுள்ளார். 

 

 

Next Story

கைதிக்கு செல்போன், கஞ்சா சப்ளை; 4 காவலர்களிடம் விசாரணை

Published on 11/12/2022 | Edited on 11/12/2022

 

Cell phone to prisoner, supply of cannabis; Interrogation with 4 guards

 

சேலத்தில் அரசு மருத்துவமனையில் சிகிச்சைக்கு அனுமதிக்கப்பட்டு உள்ள கைதிக்கு செல்போன், கஞ்சா வழங்கிய புகாரின் பேரில் தலைமை காவலர் உள்ளிட்ட நான்கு காவலர்களிடம் துறை ரீதியான விசாரணை நடந்து வருகிறது.

 

சேலம் மத்திய சிறையில் அடைக்கப்பட்டிருந்த கைதி ஒருவர், திடீர் உடல்நலக்குறைவு காரணமாக சேலம் அரசு மருத்துவமனையில் உள்ள கைதிகளுக்கான ஸ்ட்ராங் ரூமில் சிகிச்சைக்கு சேர்க்கப்பட்டுள்ளார். ஸ்ட்ராங் ரூம் பாதுகாப்புப் பணியில் ஈடுபட்டிருந்த மாநகர ஆயுதப்படை தலைமைக் காவலர் மணி உள்ளிட்ட நான்கு பேர், அந்த கைதியிடம் டிச. 9ம் தேதி, செல்போன், கஞ்சா பொட்டலங்களை வழங்கியுள்ளனர். கைதியை பார்க்க வந்த கூட்டாளிகள் மூலமாக செல்போன், கஞ்சா ஆகியவற்றை பெற்று கைதியிடம் கொடுத்துள்ளனர். ஸ்ட்ராங் ரூமில் இருந்தபடியே அந்த கைதி, தனது கூட்டாளிகளிடம் செல்போனில் பேசுவதற்கு காவலர்கள் உடந்தையாக இருந்துள்ளனர்.

 

இதுகுறித்து சேலம் மாநகர காவல்துறை ஆணையர் நஜ்மல் ஹோடாவுக்கு தகவல் கிடைத்தது. அதன்பேரில் உடனடியாக ஸ்ட்ராங் ரூமில் குறிப்பிட்ட அந்த கைதியிடம் சோதனை நடத்தியதில், அவரிடம் இருந்து செல்போன், கஞ்சா பொட்டலங்களை காவல்துறையினர் பறிமுதல் செய்தனர். இதையடுத்து, தலைமைக் காவலர் மணி உள்ளிட்ட நான்கு காவலர்களும் உடனடியாக ஸ்ட்ராங் ரூம் பாதுகாப்புப் பணியில் இருந்து விடுவிக்கப்பட்டனர். அவர்களிடம் துறை ரீதியான விசாரணை நடத்தவும் ஆணையர் உத்தரவிட்டார். அதன்பேரில், சேலம் தெற்கு காவல்துறை துணை ஆணையர் மாடசாமி அவர்களிடம் துறை ரீதியான விசாரணை நடத்தி வருகிறார். இந்த சம்பவம் சேலம் மாநகர காவல்துறை வட்டாரத்தில் பரபரப்பை ஏற்படுத்தி உள்ளது.