Breaking

நெல்லை கண்ணன் கையெழுத்திடும் நிபந்தனை ரத்து!

Published on 30/01/2020 | Edited on 30/01/2020

கடந்த மாதம் மேலப்பாளையம் எஸ்.டி.பி.ஐ.யின் மாநாட்டில் பேசிய தமிழ் இலக்கிய வித்தகர் நெல்லை கண்ணன் பிரதமர் மோடி மற்றும் அமைச்சர் அமித்ஷா இருவரையும் பற்றிப் பேசிய போது யதார்த்தமாக நெல்லை மாவட்ட மக்கள் மத்தியில் வழக்காற்று மற்றும் சகஜமாகப் புழங்கும், சோலி பற்றிப் பேசியது விமர்சனத்திற்குள்ளானது. காரியத்தைப் பார், வேலையை முடி என்று பிற பகுதிகளில் பேசப்படுவதைப் போன்று தான் நெல்லை வழக்காடுப் பேச்சு சோலியைப் பார். சோலியை முடி என்பது ஆனால் நெல்லை கண்ணனின் இந்தப் பேச்சு திரிக்கப்பட்டு மத்திய அமைச்சர்களை அவதூறாக விமர்சித்தார் என்று பா.ஜ.க.வினர் மத்தியில் பரவ, நெல்லை கண்ணன் மீது மேலப்பாளையம் காவல் நிலையத்தில் அவதூறு வழக்குப் பதிவு செய்யப்பட்டது. 76 வயது கடந்த நெல்லை கண்ணன் உடல் நலமில்லாமலிருந்தார்.

nellai kannan bail district court judgement

சிகிச்சைக்காக மதுரை, பெரம்பலூர் சென்ற நெல்லை கண்ணன் கைது செய்யப்பட்டு பாளை அரசு மருத்துவமனையில் மருத்துவ சோதனை செய்யப்பட்ட பிறகு தளர்ந்த நிலையிலிருந்தவரை நீதிமன்றத்தில் ஆஐர்படுத்திய போலீசார், பின் மேலிருந்து வந்த உத்தரவினையடுத்து அவரை மதுரை, பின்பு தொலைவிலுள்ள சேலம் ஜெயிலில் அடைத்தனர்.

இந்தக் கைதைக் கண்டித்து அனைத்து அரசியல் கட்சிகள், முஸ்லிம் அமைப்புகள் மற்றும் சமூக ஆர்வலர்கள் தலைவர்கள் என்று அனைத்து தரப்பிலும் ஆர்ப்பாட்டம் கண்டன அறிக்கைகள் என்று கிளம்பி பரபரப்பு சூட்டைக் கிளப்பியது. இந்நிலையில் நெல்லை கண்ணனின் வழக்கறிஞரான பிரம்மா அவர் சார்பில் நெல்லை செசன்ஸ் கோர்ட்டில் ஜாமீன் மனுதாக்கல் செய்தார். அதனை விசாரித்த மாவட்ட நீதிபதி நசீர் அமகது நெல்லை கண்ணன் மேலப்பாளையம் காவல் நிலையத்தில் காலை மற்றும் மாலையில் ஆஐராகி கையெப்பமிடவேண்டும் என்று நிபந்தனை ஜாமீன் அளித்து உத்தரவிட்டார். அதன்படி சேலம் சிறையிலிருந்து ஜாமீனில் வெளிவந்த நெல்லை கண்ணன் அன்று மாலையே மேலப்பாளையம் காவல் நிலையத்தில் அஐரானார். ஆனால் உரிய ஆவணம் வரவில்லை என போலீஸ் தரப்பில் சொல்லப்பட்டு அவர் அலைக் கழிக்கப்பட்டார்.

கடந்த 13- ஆம் தேதி முதல் தன் உடல் கோளாறையும் தாங்கிக் கொண்டு காலை, மாலை என மேலப்பாளையம் காவல் நிலையம் இருமுறை ஆஐராகி கையெழுத்திட்டிருக்கிறார் நெல்லை கண்ணன். இந்த நிலையில் அவருக்குச் சளித் தொந்தரவு அதிகமாக மருத்துவமனையில் அனுமதிக்கப்பட்டார். இதினடையே கடந்த 23- ஆம் தேதி அன்று நெல்லை கண்ணனி்ன் நிபந்தனை ஜாமீனைத் தளர்வு செய்ய அவரது வழக்கறிஞர் பிரம்மா செசன்ஸ் கோர்ட்டில் மனு தாக்கல் செய்தார். அந்த மனு 27- ஆம் தேதி அன்று விசாரணைக்கு வந்த போது அன்றையதினம் வழக்கறிஞர்களின் நீதிமன்றப்புறக்கணிப்பு காரணமாக வழக்கு 30ம் தேதிக்கு ஒத்தி வைக்கப்பட்டது.

இன்று அவரது மனு விசாரணைக்கு வந்த போது அவரது வழக்கறிஞர் பிரம்மா, நெல்லை கண்ணனின் உடல் நிலை பற்றி முன்வைத்தவர் நிபந்தனை ஜாமீனை தளர்வு செய்யக் கேட்டார். அது சமயம் போலீஸ் தரப்பிலும் அவர் கடந்த 13- ஆம் தேதியிலிருந்து நேற்றைய தினம் வரை தவறாமல் ஆஐராகி வருகிறார் என்று தெரிவிக்கப்பட்டது. பின்னர் மாலைக்கு ஒத்திவைக்கப்பட்டது. மாலையில் மனு மீது தீர்ப்பு வழங்கிய செசன்ஸ் நீதிபதி நசீர் அகமது, நெல்லை கண்ணனின் நிபந்தனையை ரத்து செய்து உத்தரவிட்டார்.

இது குறித்து அவரது வழக்கறிஞரான பிரம்மா கூறும்போது, "நெல்லை கண்ணனின் உடல் நலம் பற்றியும் அவரது ஒத்துழைப்பு பற்றியும் நீதிமன்றத்தில் முன்வைத்தோம். அனைத்தையும் ஆராய்ந்த நீதிபதி, நெல்லை கண்ணன் மேலப்பாளையம் காவல் நிலையத்தில் காலை, மாலை 2 வேளையும் ஆஐராகும் நிபந்தனையை ரத்து செய்து உத்தரவிட்டார். உயர்நீதிமன்றத் கிளையில் இந்த வழக்கை ரத்து செய்ய நாங்கள் தாக்கல் செய்த மனு விரைவில் விசாரணைக்கு வர உள்ளது" என்றார்.

இதனிடையே நெல்லை கண்ணன் சளி தொந்தரவு காரணமாக நெல்லை ஜங்ஷனில் உள்ள ஒரு பிரபலமான மருத்துவமனையில் அட்மிட் ஆகியுள்ளார்.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 22/04/2024 | Edited on 22/04/2024

The court fined the petitioner on PIL to grant bail to Kejriwal

டெல்லி மதுபானக் கொள்கை வழக்கு தொடர்பாக டெல்லி முதல்வர் அரவிந்த் கெஜ்ரிவாலுக்கு 9 முறை அமலாக்கத்துறை சார்பில் சம்மன் அனுப்பியும், அவர் ஆஜராகாமல் தவிர்த்து வந்தார். இது தொடர்பாக அவர் டெல்லி உயர்நீதிமன்றத்தில் வழக்கு ஒன்றை தாக்கல் செய்திருந்தார். இந்த வழக்கு கடந்த மார்ச் மாதம் 21 ஆம் தேதி (21.03.2024) விசாரணைக்கு வந்தது. அப்போது அமலாக்கத்துறை நடவடிக்கைக்கு இடைக்காலத் தடை விதிக்க முடியாதென உயர்நீதிமன்றம் தெரிவித்திருந்தது. மேலும் முன் ஜாமீன் வழங்கவும் டெல்லி உயர் நீதிமன்றம் மறுத்திருந்தது. இதனையடுத்து அரவிந்த் கெஜ்ரிவால் அன்றைய தினமே (21.03.2024) அமலாக்கத்துறையால் கைது செய்யப்பட்டார்.

இதனையடுத்து அரவிந்த் கெஜ்ரிவாலுக்கு ஏப்ரல் 15 ஆம் தேதி வரை நீதிமன்றக் காவல் விதிக்கப்பட்டதைத் தொடர்ந்து அவர் திகார் சிறையில் அடைக்கப்பட்டுள்ளார். இதற்கிடையே தன்னுடைய கைது நடவடிக்கையை ‘சட்டவிரோத கைது’ என அறிவிக்கக் கோரியும், ஜாமீன் கோரியும் கெஜ்ரிவால் தரப்பில் டெல்லி உயர்நீதிமன்றத்தில் வழக்கு தாக்கல் செய்யப்பட்டது. இந்த வழக்கை விசாரித்த உயர் நீதிமன்றம் கெஜ்ரிவால் ஜாமீன் மனுவைத் தள்ளுபடி செய்து கடந்த 9 ஆம் தேதி (09.04.2024) உத்தரவிட்டிருந்தது. அதனைத் தொடர்ந்து டெல்லி மதுபானக் கொள்கை முறைகேடு வழக்கில் தன்னைக் கைது செய்ததை எதிர்த்து தாக்கல் செய்த மனுவை நிராகரித்த டெல்லி உயர்நீதிமன்ற உத்தரவை எதிர்த்து அரவிந்த் கெஜ்ரிவால் உச்ச நீதிமன்றத்தில் கடந்த 10 ஆம் தேதி (10.04.2024) மேல்முறையீட்டு மனுவைத் தாக்கல் செய்திருந்தார். இது தொடர்பான வழக்கு உச்சநீதிமன்றத்தில் விசாரணை நடைபெற்று வருகிறது.

இதனிடையே, அரவிந்த் கெஜ்ரிவால் தாக்கல் செய்த ஜாமீன் மனு டெல்லி உயர்நீதிமன்றத்தில் விசாரிக்கப்பட்டு வருகிறது. இந்நிலையில், அரவிந்த் கெஜ்ரிவாலுக்கு இடைக்கால ஜாமீன் வழங்கக்கோரி சட்டக்கல்லூரி மாணவர் ஒருவர் டெல்லி உயர்நீதிமன்றத்தில் மனு தாக்கல் செய்திருந்தார். அவர் அளித்த அந்த மனுவில், ‘கெஜ்ரிவாலை அவரது பதவிக்காலம் மற்றும் விசாரணை முடியும் வரை நிலுவையில் உள்ள அமலாக்கத்துறை மற்றும் சி.பி.ஐ யால் பதிவு செய்யப்பட அனைத்து குற்ற வழக்குகளிலும் இருந்து இடைக்கால ஜாமீன் வழங்க வேண்டும்’ என்று குறிப்பிட்டிருந்தது.

இந்த மனு இன்று (22-04-24) விசாரணைக்கு எடுத்துக்கொள்ளப்பட்டு தற்காலிக தலைமை நீதிபதி மன்மோகன் மற்றும் நீதிபதி மன்மித் பிரீதம் சிங் ஆகியோர் முன்பு விசாரணைக்கு வந்தது. அப்போது, கெஜ்ரிவால் தரப்பில் ஆஜரான மூத்த வழக்கறிஞர் ராகுல் மெஹ்ரா, “இந்தப் பொதுநல வழக்கு முற்றிலும் அனுமதிக்க முடியாதது. மேலும், தவறான வழிகாட்டுதலானது. மனுதாரர், நீதிமன்றத்தை அரசியல் தளமாக்குகிறார். கெஜ்ரிவால் விரும்பினால், ஜாமீன் பெறுவதற்கான முயற்சிகளை மேற்கொள்வார். அப்படி இருக்கையில், அவருக்காக மனு தாக்கல் செய்ய இவர் யார்?. இது விளம்பர நோக்கம் கொண்ட வழக்கு ஆகும்” என்று வாதிட்டார்.

இதனைப் பதிவு செய்து கொண்ட நீதிபதிகள், ‘கெஜ்ரிவாலுக்கு உங்கள் உதவி எதுவும் தேவையில்லை. அவருக்கு உதவ நீங்கள் யார்?.’ என்று தெரிவித்தனர். அப்போது, மனுதாரரின் தரப்பில் ஆஜரான கரண்பால் சிங், “முக்கிய முடிவுகளை எடுக்கும் அதிகாரம் கொண்ட கெஜ்ரிவால் இல்லாததால் கடந்த ஒரு மாதமாக அரசுப் பணிகள் பாதிக்கப்பட்டு, மக்கள் அவதிப்படுகிறார்கள்” என்று வாதிட்டார்.

அனைத்து தரப்பு வாதங்களைக் கேட்ட நீதிபதிகள், ‘கெஜ்ரிவால் சார்பாக மனு தாக்கல் செய்ய மனுதாரருக்கு எந்த அதிகாரமும் இல்லை. மனுதாரர் சட்டக்கல்லூரி வகுப்புகளுக்கு செல்கிறாரா?. அவர் சட்டக் கொள்கைகளைப் பின்பற்றவில்லை என்று இதிலிருந்து தெரிகிறது’ எனக் கூறியும் இந்த மனு விசாரணைக்கு உகந்தது அல்ல எனக்கூறியும் மனுதாரரின் ஜாமீன் மனுவைத் தள்ளுபடி செய்து உத்தரவிட்டனர். மேலும், மனுதாரருக்கு ரூ.75,000 அபராதம் விதித்து உத்தரவிட்டனர்.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 10/04/2024 | Edited on 10/04/2024

Bail plea of BJP executive; High Court action

மயிலாடுதுறை மாவட்டத்தில் உள்ள தருமபுரத்தில் ஆதீன சைவ மடம் ஒன்று அமைந்துள்ளது. இந்த ஆதீனத்தின் 27ஆவது தலைமை மடாதிபதியாக ஸ்ரீலஸ்ரீ மாசிலாமணி தேசிய ஞானசம்பந்த பரமாச்சாரியார் சுவாமிகள் பட்டம் வகித்து வருகிறார். இந்த சூழலில் தருமபுரம் ஆதீன மடாதிபதியின் சகோதரர் விருத்தகிரி மயிலாடுதுறை காவல்துறை கண்காணிப்பாளரிடம் கடந்த பிப்ரவரி மாதம் 21 ஆம் தேதி (21.02.2024) புகார் ஒன்றை அளித்திருந்தார். அந்த புகாரில், ‘தஞ்சாவூர் மாவட்டம் ஆடுதுறை சார்ந்த வினோத் என்பவரும், மடாதிபதியின் உதவியாளர் செந்தில் என்பவரும் தன்னை நேரில் சந்தித்து ஆதீன மடாதிபதியின் ஆபாச வீடியோ தங்களிடம் இருப்பதாக மிரட்டினர். மேலும், அவர்கள் அந்த வீடியோவை சமூக வலைத்தளங்கள் மற்றும் தொலைக்காட்சியில் வெளியிடாமல் இருக்க வேண்டுமென்றால், பணம் தர வேண்டும் என்று கூறி என்னைக் கழுத்தை நெரித்துக் கொலை செய்ய முயற்சி செய்தனர்.

இந்த சம்பவத்தில் செம்பனார்கோவிலைச் சேர்ந்த பிரபல கல்வி நிறுவனங்களின் தாளாளர் குடியரசு, பா.ஜ.க. கட்சியின் மயிலாடுதுறை மாவட்டத் தலைவர் அகோரம், வழக்கறிஞர் செய்யூர் ஜெயச்சந்திரன் ஆகியோர் தூண்டுதலாக இருந்துள்ளனர். எனவே அவர்கள் மீது நடவடிக்கை எடுக்க வேண்டும்’ என்று தெரிவிக்கப்பட்டிருந்தது. இந்தப் புகாரின் பேரில் மயிலாடுதுறை பா.ஜ.க. மாவட்டத் தலைவர் அகோரம், மடாதிபதியின் உதவியாளர் செந்தில், வினோத் உள்ளிட்ட 9 பேர் மீது வழக்குப்பதிவு செய்து போலீசார் விசாரணை நடத்தி வந்தனர். இது தொடர்பாக 4 பேரை போலீசார் கடந்த பிப்ரவரி மாதம் 28 ஆம் தேதி கைது செய்திருந்தனர். இதனைத் தொடர்ந்து பா.ஜ.க. பிரமுகர் அகோரம் முன்ஜாமீன் கோரி சென்னை உயர்நீதிமன்றத்தில் மனுத்தாக்கல் செய்திருந்தார்.

அந்த மனுவில், ‘காவல்துறையினர் அரசியல் உள்நோக்கத்தோடு இந்த வழக்கில் தன்னை சேர்த்துள்ளது. நான் இதுவரையில் தலைமறைவாகவில்லை. முன் ஜாமீன் அளித்தால் நீதிமன்றம் அளிக்கும் நிபந்தனைகளுக்கு கட்டுப்பட்டு நிபந்தனைகளை பின்பற்ற தயாராக இருக்கிறேன்’ எனத் தெரிவித்திருந்தார். அதனைத் தொடர்ந்து இந்த வழக்கு உயர்நீதிமன்ற நீதிபதி சி.வி. கார்த்திகேயன் முன்பு கடந்த மார்ச் 6 ஆம் தேதி (06.03.2024) விசாரணைக்கு வந்தது. அப்போது நீதிபதி, “கட்சி அதிகாரத்தை தவறாகப் பயன்படுத்தியும், வழக்கு விசாரணை நிலையில் இருப்பதையும் கருத்தில் கொண்டு அகோரத்தின் முன்ஜாமீன் மனுவைத் தள்ளுபடி செய்து உத்தரவிடுகிறேன்” எனத் தெரிவித்திருந்தார். இதனையடுத்து மும்பையில் தலைமறைவாக இருந்து வந்த அகோரத்தை கடந்த மார்ச் மாதம் 15 ஆம் தேதி (15.03.2024) தமிழக தனிப்படை போலீசார் அதிரடியாக கைது செய்திருந்தனர்.

இதனையடுத்து கைதான பாஜக மாவட்ட தலைவர் அகோரம் ஜாமீன் கோரி சென்னை உயர் நீதிமன்றத்தில் மனுத்தாக்கல் செய்திருந்தார். அதனைத் தொடர்ந்து இந்த வழக்கு கடந்த 8 ஆம் தேதி (08.04.2024) நீதிபதி தமிழ்ச்செல்வி முன்பு விசாரணைக்கு வந்தது. அப்போது காவல்துறை தரப்பில் வாதிடுகையில் ‘அகோரம் மீது 47 வழக்குகள் நிலுவையில் இருப்பதால் ஜாமீன் வழங்கக் கூடாது’ என எதிர்ப்பு தெரிவிக்கப்பட்டது. இதனைப் பதிவுசெய்து கொண்ட நீதிபதி இந்த வாதத்தை பதில் மனுவாக தாக்கல் செய்ய உத்தரவிட்டார். மேலும் வழக்கு விசாரணையை 10 ஆம் தேதிக்கு ஒத்திவைத்திருந்தார்.

இந்நிலையில், இந்த வழக்கு இன்று (10.04.2024) மீண்டும் விசாரணைக்கு வந்தது. அப்போது அரசு சார்பில் கூடுதல் குற்றவியல் வழக்கறிஞர் ஆஜராகி, “குற்றம் சாட்டப்பட்ட 5 பேர் தலைமறைவாக இருப்பதால் அகோரத்திற்கு ஜாமீன் வழங்கக்கூடாது. இந்த வழக்கில் விசாரணை நடைபெற்று வருகிறது. இவர் ஜாமீனில் விடுவிக்கப்பட்டால் சாட்சியங்களை கலைத்துவிடுவார்” என போலீஸ் தரப்பில் வாதிடப்பட்டது. இதனையடுத்து அகோரத்தின் தரப்பில் ஆஜரான வழக்கறிஞர், “அகோரத்தின் மீது உள்ள 47 வழக்குகளில் சில வழக்குகள் ரத்து செய்யப்பட்டு விட்டன. மேடைப்பேச்சு மற்றும் மறியல் உள்ளிட்டவை தொடர்பான வழக்குகள் மட்டுமே நிலுவையில் உள்ளன” எனத் தெரிவிக்கப்பட்டது. இதனையடுத்து அகோரத்தின் ஜாமீன் மனுவை நீதிபதி தள்ளுபடி செய்து உத்தரவிட்டுள்ளார்.