Skip to main content

நடிகைகளை ’கேவலம்’ என்று பேசிய மு.க.ஸ்டாலினுக்கு ராதிகா கண்டனம்

Published on 30/03/2019 | Edited on 30/03/2019

 


நடிகை நயன்தாரா குறித்து ராதாரவி பேசிய சர்ச்சை பேச்சினால் திமுகவிலிருந்து ராதாராவியை தற்காலிகமாக நீக்கி உத்தரவிட்டார் திமுக தலைவர் மு.க.ஸ்டாலின்.  ஆனால் அவரே நடிகைகளை கேவலம் என்று பேசியது பெரும் சர்ச்சையை எழுப்பியுள்ளது.  இதனால் நடிகை ராதிகா ஸ்டாலினுக்கு தனது கண்டனத்தை டுவிட்டர் மூலம் தெரிவித்துள்ளார்.

 

r


மக்களவை மற்றும் இடைத்தேர்தல் வேட்பாளர்களுக்காக தீவிர பிரச்சாரத்தில் ஈடுபட்டுள்ளார் திமுக தலைவர் மு.க.ஸ்டாலின்.   தேனி மாவட்டம் ஆண்டிப்பட்டியில் தேர்தல் பிரச்சாரத்தில் பேசிய ஸ்டாலின், "தமிழக விவசாயிகள் தங்கள் கோரிக்கைகளுடன் டெல்லிக்கே சென்றனர். டெல்லியில் 100 நாட்கள் போராட்டம் நடத்தினர். 'எங்களை அழைத்துப் பேசுங்கள்' என விவசாயிகள் பிரதமரிடம் கோரிக்கை விடுத்தனர். ஆனால், அழைத்துப் பேசினாரா? பெரும்பணக்காரர்கள், தொழிலதிபர்கள், நடிகர்களை அழைத்துப் பேசினார். 'கேவலம்' நடிகைகளை அழைத்துப் பேசினார்’ என்று நடிகைகளை ‘கேவலம்’ அழுத்தம் கொடுத்துப் பேசினார்.

 

r

 

ஸ்டாலின் பேசிய அந்த  வீடியோ சமூக வலைதளங்களில் வைரலாகி வருகிறது.  இதுகுறித்து நடிகை ராதிகா தன்னுடைய ட்விட்டர் பக்கத்தில், ஸ்டாலினுக்கு கண்டனம் தெரிவித்துள்ளார்.

 

அவர்,   ‘’ஸ்டாலின், நடிகைகள் குறித்த உங்களின் கருத்து ஏற்றுக்கொள்ள முடியாதது. உங்கள் குடும்பத்துடன் பல ஆண்டுகளாக நல்லுறவை நாங்கள் கொண்டுள்ளோம். உங்கள் தந்தையை உயர்ந்த இடத்தில் வைத்துள்ளோம். உங்கள் குடும்பத்தையும், உங்களையும் தாழ்த்தி விடாதீர்கள்’’ என பதிவிட்டுள்ளார்.

 

சார்ந்த செய்திகள்

 

Next Story

உலக அளவிலான லிஸ்ட் - டாப்பில் சமந்தா, நயன்தாரா   

Published on 29/05/2024 | Edited on 29/05/2024
imdb Top 100 Most Viewed Indian Stars of the Last Decade on globally

ஐ.எம்.டி.பி என்ற இணையதளம் உலகத் திரைப்படங்கள், வெப் தொடர்கள் உள்ளிட்ட பலவற்றைப் பற்றிய தகவல்களை வழங்கும் ஒரு பிரபலமான இணையதளம். மேலும், ஆன்லைன் மூலம் மக்கள் அளிக்கும் புள்ளிகளை வைத்து சிறந்த படம் குறித்த பட்டியலை மக்களுக்கு தொகுத்து வழங்குகிறது. இந்த இணையதளத்தில் டாப் இடத்தில் இடம்பெறுவது ஒரு அங்கீகாரமாகக் கருதப்படுகிறது. இதில் பொதுமக்களில் யார் வேண்டுமானாலும் தங்கள் கருத்துகளையும் ரேட்டிங்கையும் பதிவு செய்ய முடியும் என்பது குறிப்பிடத்தக்கது. 

இந்த இணையதளத்தில் உலகளவில் கடந்த 10 ஆண்டுகளில் அதிக பார்வையாளர்களைக் கொண்ட இந்திய பிரபலங்கள் பட்டியல் தற்போது வெளியாகியுள்ளது. அதில் முதல் இடத்தை தீபிகா படுகோனே, இரண்டாவது இடத்தில் ஷாருக்கான், மூன்றாவது இடத்தில் ஐஸ்வர்யா ராய் பச்சன், நான்காவது இடத்தில் ஆலியா பட், ஐந்தாவது இடத்தில் இர்ஃபான் இருக்கின்றனர். 

இதில் கோலிவுட் பிரபலங்கள் பொறுத்தவரை 13வது இடத்தில் சமந்தா, 16வது தமன்னா, 18வது இடத்தில் நயன்தாரா, 30வது இடத்தில் தனுஷ், 35வது இடத்தில் விஜய், 42வது இடத்தில் ரஜினிகாந்த், 43வது இடத்தில் விஜய் சேதுபதி, 50வது இடத்தில் மாதவன், 54வது இடத்தில் கமல்ஹாசன், 58வது இடத்தில் ஸ்ருதிஹாசன், 62வது இடத்தில் சூர்யா, 84வது இடத்தில் த்ரிஷா, 92வது இடத்தில் விக்ரம், 98வது இடத்தில் அஜித் ஆகியோர் இருக்கின்றனர்.

Next Story

பிரபல பாடகியின் பயோ- பிக்; பரிசீலனையில் டாப் நடிகைகள்

Published on 22/05/2024 | Edited on 22/05/2024
trisha, nayanthara, rashmika are talks in ms subbulakshmi biopic

கர்நாடக சங்கீதத்தில் கோலோச்சியவர் பிரபல பின்னணிப் பாடகி மதுரை சண்முகவடிவு சுப்புலட்சுமி. இசை ரசிகர்களால் எம்.எஸ் சுப்புலட்சுமி என அறியப்படும் இவர், சிறுவயதிலேயே கர்நாடக இசை, இந்துஸ்தானி இசை ஆகியவைகளை கற்றுக் கொண்டார். பின்பு தனது தாயின் கச்சேரியில் பாடி மக்களின் கவனத்தை ஈர்த்தார். இதையடுத்து அவரது அம்மாவுடன் கருத்து வேறுபாடு ஏற்பட்டு சென்னையில் கச்சேரி நடத்திய எம்.எஸ் சுப்புலட்சுமி திரைப்படங்களில் நடிகையாகவும் அறிமுகமானார். சில படங்களில் மட்டும் நடித்துவிட்டு, விலகிய அவர், இந்திய கலாச்சார தூதராக, லண்டன், நியூயார்க், கனடா என உலகம் முழுவதும் இசை கச்சேரிகள் நடத்தினார்.   

இந்தியாவின் உயரிய விருதாக கருதப்படும் பாரத் ரத்னா விருது வாங்கிய முதல் பாடகர் என்ற பெருமையை எம்.எஸ் சுப்புலட்சுமி பெற்றார். மேலும் பத்ப பூஷன், பத்ம விபூஷன், இந்திரா காந்தி விருது என பல்வேறு விருதுகளை வாங்கியுள்ளார். 2004 டிசம்பர் 11 அன்று மறைந்தார். இந்த நிலையில் இவரது வாழ்க்கை வரலாறு திரைப்படமாக உருவாகவுள்ளதாக தகவல் வெளியாகியுள்ளது. மேலும் பெங்களூருவை சேர்ந்த தயாரிப்பு நிறுவனம் இந்த படத்தை தயாரிப்பதாகவும், ஆரம்பக்கட்ட பணிகள் தொடங்கிவிட்டதாகவும் கூறப்படுகிறது. 

trisha, nayanthara, rashmika are talks in ms subbulakshmi biopic

2025 இந்த படத்தை வெளியிட திட்டமிடப்பட்டுள்ளதாக சொல்லப்படும் நிலையில் எம்.எஸ் சுப்புலட்சுமி கதாபாத்திரத்தில் த்ரிஷா, நயன்தாரா மற்றும் ராஷ்மிகா மந்தனா ஆகிய நடிகைகளில் யாராவது ஒருவர் நடிக்கவுள்ளதாக திரை வட்டாரங்கள் தெரிவிக்கின்றன. இது குறித்தான அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.