Skip to main content

நாராயணசாமியின் நிபந்தனை நிராகரிப்பு!கிரண்பேடி ஆளுநர் மாளிகையில் சைக்கிள் ஓட்டி உடற்பயிற்சி!

Published on 17/02/2019 | Edited on 17/02/2019


புதுச்சேரி துணைநிலை ஆளுநர் கிரண்பேடியின் அதிகார துஷ்பிரயோகம்  மற்றும் மத்திய அரசின் பாரபட்சம் ஆகியவற்றை கண்டித்தும், 39 அம்ச கோரிக்கைகளை வலியுறுத்தியும் முதலமைச்சர் நாராயணசாமி  தலைமையில்  அமைச்சர்கள்,  காங்கிரஸ்- தி.மு.க எம்.எல்.ஏக்கள், தோழமை  கட்சிகளின் நிர்வாகிகள் ஆளுநர் மாளிகை முன்பாக ஆறாவது நாளாக முற்றுகை போராட்டத்தில் ஈடுபட்டுள்ளனர்.

 

narayanasamy

 

இந்நிலையில் டெல்லிக்கு சென்றிருந்த கிரண்பேடி இன்று புதுச்சேரி திரும்பினார். மாலை 6 மணிக்கு பேச்சுவார்த்தைக்காக முதல்வர் நாராயணசாமிக்கு அழைப்பு விடுத்திருந்தார்.  நாராயணசாமியும் பேச்சுவார்த்தையில் கலந்து கொள்வதாகவும் அது சமயம் மக்கள் பிரச்சினை பற்றி விவாதிக்க தலைமைச் செயலாளர் மற்றும் துறை அதிகாரிகள் பங்கேற்க வேண்டும் என்றும் குறிப்பிட்டிருந்தார்.  மேலும் பேச்சுவார்த்தையை ஆளுநர் மாளிகையில் வைக்காமல் தலைமைச் செயலகத்தில் வைக்க வேண்டும் என்றும்,  ஆளுநரின் ஆலோசகர் தேவநீதி தாஸ் பேச்சுவார்த்தையில் பங்கேற்க கூடாது என்றும் நிபந்தனை விதித்திருந்தார்.  பேச்சுவார்த்தை நடைபெறும் என்று எதிர்பார்க்கப்பட்டிருந்த நிலையில் நாராயணசாமி விதித்த நிபந்தனைகள் காரணமாக கிரண்பேடி பேச்சுவார்த்தையை ரத்து செய்து பொதுவெளியில் விவாதித்துக் கொள்ளலாம் என அறிவித்துவிட்டார்.  

 

 Narayanasamy's conditional rejection; kiranpedi Cycle driving at the Governor's Hall of

 

அதேசமயம் கிரண்பேடி கவர்னர் மாளிகை வளாகத்தில் நடைபயிற்சி மற்றும் சைக்கிள் பயிற்சி மேற்கொண்டார். இதனால் போராட்டத்தில் இருந்த அமைச்சர்கள்,  கூட்டணி கட்சி நிர்வாகிகள் அதிருப்தி அடைந்தனர். இதனால் ஆறாவது நாளாக போராட்டம் தொடரும் நிலை ஏற்பட்டுள்ளது.

 

இதனிடையே  போராட்டத்தில் ஈடுபட்டுள்ள  நாராயணசாமி மற்றும் அமைச்சர்களை சந்தித்து  ஆதரவு தெரிவித்த விடுதலை சிறுத்தைகள் கட்சி தலைவர் திருமாவளவன் "புதுச்சேரி விவகாரத்தில் மத்திய அரசு விரைந்து முடிவெடுக்க வேண்டும் என்றும், துணைநிலை ஆளுநர் பொறுப்பில் இருந்து கிரண்பேடியை மத்திய அரசு விடுவிக்க வேண்டும்" என்றும்  கூறினார்.


 

சார்ந்த செய்திகள்

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.

Next Story

லிஸ்டில் உள்ள 737 பேர்; இன்றே கடைசி நாள்

Published on 27/03/2024 | Edited on 27/03/2024
737 people on the list; Today is the last day

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

மார்ச் 20 ஆம் தேதி வேட்புமனு தாக்கல் தொடங்கிய நிலையில், 27 ஆம் தேதி வேட்புமனு தாக்கல் செய்யக் கடைசி நாள் என அறிவிக்கப்பட்டிருந்தது. அதன்படி இன்று கடைசி நாளாகும். தமிழ்நாட்டின் 39 தொகுதிகள் உட்பட 102 தொகுதிகளுக்கான வேட்புமனு தாக்கல் இன்று நிறைவு பெறுகிறது. நாளை வேட்புமனு பரிசீலனை நடைபெறுகிறது. நாடாளுமன்றத் தேர்தலில் போட்டியிடத் தமிழ்நாட்டில் இதுவரை 737 பேர் வேட்புமனு தாக்கல் செய்துள்ளனர். 39 தொகுதிகளில் இதுவரை ஆண்கள் 628 பேரும், பெண்கள் 109 பேரும் வேட்புமனு தாக்கல் செய்துள்ளதாகத் தேர்தல் ஆணையம் தெரிவித்துள்ளது.