Skip to main content

மாவட்டக் காங்கிரசுக்கு கட்சித் தலைமை நோட்டீஸ்... பரபரப்பாகும் நாங்குநேரி இடைத்தேர்தல்!

Published on 09/09/2019 | Edited on 09/09/2019

நெல்லை மாவட்டத்தின் நாங்குநேரி தொகுதியின் காங்கிரஸ் கட்சியின் சட்டமன்ற உறுப்பினராக இருந்த  ஹெச். வசந்தகுமார், நடந்து முடிந்த மக்களவை தேர்தலில் கன்னியாகுமரி நாடாளுமன்ற தொகுதியில் போட்டியிட்டு வெற்றி பெற்றதால், தனது எம்.எல்.ஏ. பதவியை ராஜினாமாச் செய்தார். இதனால் நாங்குநேரி சட்டமன்ற தொகுதி காலியாக உள்ள நிலையில், இந்த தொகுதியில் விரைவில் இடைத்தேர்தல் நடக்க உள்ளது.
 

இந்த சட்டமன்ற தொகுதியை வசமாக்க ஆளும் அ.தி.மு.க மனோஜ்பாண்டியன் தலைமையில் மூவர் கண்காணிப்புக்குழுவை அமைத்திருக்கிறது. அவர்களும் தொகுதியின் கிளைக் கழகச் செயலாளர்களை உத்வேகப்படுத்தியிருக்கிறார்கள். அதேசமயம் நிழல் உலகை விட்டு அரசியலுக்கு வந்த ராக்கெட் ராஜா, தொகுதியில் நாடார் சமூகத்தினர் மெஜாரிட்டி காரணமாக தனது பனங்காட்டுப்படை கட்சி சார்பில், அதன் ஒருங்கிணைப்பாளரான ஹரி நாடாரை வேட்பாளராக அறிவித்திருக்கிறார்.

NANGUNERI ASSEMBLY CONSTITUENCY BY ELECTION CONGRESS AND DMK, ADMK PARTIES START ELECTION PROCESS


இன்னொரு பக்கம் 1991ன் போது அங்கே போட்டியிட்ட தி.மு.க.வின் தொகுதிவாசியான ஆச்சியூர் மணி எம்.எல்.ஏ.வானார். அதன் பின் 28 வருடங்களாக நேரடியாகக் களமிறங்காத தி.மு.க. தனது கூட்டணிக் கட்சிக்கே ஆதரவு கொடுத்து வந்திருக்கிறது. இதையடுத்து தற்போது தி.மு.க மாவட்ட செயலாளர்களும் படுவேகமாக செயல் வீரர்கள் கூட்டத்தினை நடத்தி வருகின்றனர். இதனால் நாங்குநேரி தேர்தல் களம் உஷ்ணமாகத் தொடங்கிய நிலையில், கடந்த 6ம் தேதியன்று மாநில காங்கிரசின் தலைவர் கே.எஸ். அழகிரியின் தலைமையில் அங்கே தேர்தல் பற்றிய ஆய்வுக் கூட்டம் நடந்தது. இதற்கான காரணம் கூட்டணியான அக்கட்சிக்கு தொகுதி ஒதுக்கப்பட்டதே அடிப்படை என்று கூறப்படுகிறது. 

அப்போது கூட்டத்தில் கட்சித் தொண்டர்களின் ஆதங்கங்கள் வெடித்தன. இந்த தொகுதியைச் சார்ந்த வேட்பாளரே நிறுத்தப்படவேண்டும் என வலியுறுத்தினர். கூட்டணிக் கட்சிகளோடு ஆலோசித்து முடிவு எடுக்க வேண்டும் என்று அகில இந்திய காங்கிரஸ் கட்சித் தலைமை சொன்னதால், அதன்படி செய்யப்படும் என்றார் தலைவர் அழகிரி.


இதனிடையே கிழக்கு மாவட்ட காங்கிரசின் தலைவர் சிவக்குமாரின் தலைமையிலான கட்சித் தொண்டர்கள் கூட்டத்தில். நாங்குநேரியில் காங்கிரஸ் வேட்பாளர் வெற்றி பெற தீவிரமாகப் பாடுபடவேண்டும் என்று தீர்மானம் இயற்றப்பட்டது. மாவட்ட காங்கிரஸ் கட்சியின் கண்டு அதிர்ந்து போன மாநில காங்கிரஸ் தலைமை, மாவட்டக் காங்கிரசுக்கு நோட்டீஸ் அனுப்பியுள்ளதாகச் சொல்லப்படுகிறது. இந்த தொகுதியில் அரசியல் கட்சிகள் முற்றுகையிட்டுள்ளதால், நாங்குநேரி தொகுதியில் எப்போதும் பரபரப்புடன் காணப்படுகிறது. 


 

 

சார்ந்த செய்திகள்

Next Story

“கூட்டணி கட்சி வேட்பாளர்களுக்கு அதிகமாக உழைக்க வேண்டும்” - இ.பி.எஸ்.

Published on 28/03/2024 | Edited on 28/03/2024
alliance Party Candidates Need To Work More EPS

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

அதே சமயம் தேர்தலுக்கான வேட்புமனு தாக்கல் நேற்று (27.03.2024) முடிவடைந்தது. அந்த வகையில் 39 மக்களவை தொகுதிகளுக்கு 1749 வேட்பு மனுக்கள் பெறப்பட்டன. அதிகபட்சமாக கரூர் தொகுதியில் 62 வேட்பாளர்கள் வேட்பு மனுவைத் தாக்கல் செய்திருந்தனர். அதனைத் தொடர்ந்து இன்று (28.03.2024) வேட்புமனு பரிசீலனை நடைபெற்றது. அதாவது 39 மக்களவைத் தொகுதிகளில் தாக்கலான வேட்புமனுக்கள் மீதான பரிசீலனை நிறைவடைந்துள்ளது. வேட்புமனுக்களை திருப்பப் பெற மார்ச் 30 ஆம் தேதி கடைசி நாள் ஆகும்.

இந்நிலையில் தே.மு.தி.க. சார்பில் விருதுநகரில் போட்டியிடும் விஜய பிரபாகரனை ஆதரித்து அ.தி.மு.க. பொதுச்செயலாளர் எடப்பாடி பழனிசாமி சிவகாசியில் இன்று (28.03.2024) பிரச்சார்ம் மேற்கொண்டார். அப்போது அவர் பேசுகையில், “எம்.ஜி.ஆரும், ஜெயலலிதாவும் தமிழக மக்களுக்கு இறைவனால் கொடுக்கப்பட்ட கொடை. ஒரு மனிதன் பிறக்கின்றான், வாழ்கின்றான், இறக்கிறான். இந்த இடைப்பட்ட காலத்தில் நாட்டு மக்களுக்கு என்ன செய்கிறானோ அந்த தலைவர்கள் தான் மக்கள் மனதில் வாழ்வார்கள். அவ்வாறு எம்.ஜி.ஆரும், ஜெயலலிதாவும் வாழ்ந்து கொண்டிருக்கிறார்கள்.

நம் தலைவர்களுக்கு அரசியல் வாரிசுகள் கிடையாது. எனவே தமிழ்நாட்டைச் சேர்ந்த நாம் தான் பிள்ளைகள். தங்கள் வாழ்நாள் முழுவதும் தம் பிள்ளைகள் வாழ்நாள் முழுவதும் செழிப்பாகவும், வளமாகவும் வாழ வேண்டும் என கருதி இரவு பகல் பாராமல் உழைத்து மறைந்த தலைவர்கள் உருவாக்கிய இயக்கம் அ.தி.மு.க. இது மக்களுக்காகவே துவக்கப்பட்ட இயக்கம். யார் யாரோ இந்த இயக்கத்தை அழிக்க முற்பட்டார்கள். யார் எல்லாம் இந்த இயக்கத்தை அழிக்க முற்பட்டார்களோ, அவர்கள் எல்லாம் அடையாளம் காணாமல் போய்விட்டார்கள்.

இந்த தேர்தல் முக்கியமான தேர்தல். நாடாளுமன்ற தேர்தலை பொறுத்த வரையில் கூட்டணி கட்சிகள் எல்லாம் ஒன்றாக இணைந்து இரவு பகல் பாராமல் வாக்கு சேகரித்து லட்சக்கானகான வாக்குகள் வித்தியாசத்தில் வேட்பாளரை வெற்றி பெற செய்ய வேண்டும். கூட்டணி கட்சி வேட்பாளர்களுக்கு அதிகமாக உழைக்க வேண்டும். அ.தி.மு.க. என்று சொன்னாலே அனைவரையும் மதிக்க கூடிய கட்சி. அதிலும் குறிப்பாக கூட்டணியை நேசிக்க கூடிய கட்சி. அ.தி.மு.க. வேட்பாளரை விட கூட்டணி கட்சி வேட்பாளருக்கு அதிக நேரம் செலவழித்து வெற்றி பெறச் செய்ய வேண்டும்” எனத் தெரிவித்தார். 

Next Story

“காவிரி நீர் வேணுமா... ஈரோட்டில் கூட காவிரி ஓடுது பாருங்க...” - ஈ.வி.கே.எஸ். இளங்கோவன் பதிலால் எழுந்த விமர்சனம்

Published on 28/03/2024 | Edited on 28/03/2024
'Oh Cauvery water...? Even in Erode, see the Cauvery running'- Criticism caused by EVKS Elangovan's response

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

ஈரோட்டில் செய்தியாளர்களைச் சந்தித்த காங்கிரஸ் எம்.எல்.ஏ ஈ.வி.கே.எஸ். இளங்கோவன் பேசுகையில், ''ஸ்டாலின் தலைமையில் அமைந்திருக்கின்ற கூட்டணி என்பது சாதி மதங்களைக் கடந்த கூட்டணி. மத வெறித்தனத்திற்கு அப்பாற்பட்ட கூட்டணி. மக்கள் ஒற்றுமையாக இருக்க வேண்டும், எல்லா மதத்தைச் சார்ந்தவர்களும் ஒன்றாக இருக்க வேண்டும் என்ற ஒரு நல்ல கொள்கைக்காக தான் இந்த கூட்டணி இருக்கிறது.

மற்ற கூட்டணிகளை எடுத்துக் கொண்டால் குறிப்பாக பாஜக கூட்டணியில் இருக்கின்ற கூட்டணியாக இருந்தாலும் சரி, அதிமுக தலைமையில் இருக்கின்ற கூட்டணியாக இருந்தாலும் சரி அவர்கள் கொள்கைக்காக ஒன்று சேரவில்லை. சில கோடி ரூபாய் பேரம் பேசி பெறுவதற்காக அந்த கூட்டணியில் இருக்கிறார்கள்'' என்றார்.

அப்பொழுது செய்தியாளர் ஒருவர், 'ஒரு சொட்டு தண்ணீர் கூட தரமாட்டேன் என்று சொல்கின்ற காங்கிரசுக்கு பத்து சீட்டுகள் கொடுத்தது நியாயமா என சீமான் கேள்வி எழுப்பி உள்ளாரே' எனக் கேள்வி எழுப்பினார். அதற்குப் பதிலளித்த இளங்கோவன், ''இல்லை காங்கிரசினுடைய கொள்கையே ஒரு சொட்டு நீர் கூட கொடுக்கக் கூடாது என்பதுதான். மக்கள் குடிப்பதால் கெட்டுப் போயிருக்கிறார்கள். மக்களுடைய சிந்தை மாறி போயிருக்கிறது. அதனால் காங்கிரசை பொறுத்தவரை எங்களுடைய மகாத்மா காந்தியினுடைய கொள்கையே ஒரு சொட்டு மது தண்ணீர் கூட மக்களுக்கு கொடுக்கக் கூடாது என்பதுதான்'' என்றார்.

உடனே செய்தியாளர் 'காவிரி தண்ணீர்' என சொல்ல, ''காவிரி தண்ணீரா... காவிரி தண்ணீர் வந்து கொண்டிருக்கிறது. ஈரோட்டில் இருக்கின்ற காவிரி ஆற்றை பார்த்தீர்கள் என்றால் கூட, இன்னைக்கு பாருங்கள் இருக்கின்ற பாறை எல்லாம் மறைக்கும் அளவிற்கு தண்ணீர் போய்க் கொண்டிருக்கிறது. வேண்டிய அளவிற்கு தண்ணீர் தர கர்நாடகா தயாராக இருந்தாலும் அவர்களுக்கு தண்ணீர் பற்றாக்குறை ஏற்பட்டு இருக்கின்ற காரணத்தால் சில தடங்கல்கள் இருக்கிறது'' என்றார்.

காவிரி நீர் குறித்த கேள்விக்கு ஈ.வி.கே.எஸ்.இளங்கோவன் கொடுத்த பதிலுக்கு சமூக வலைத்தளங்களில் விமர்சனங்கள் எழுந்து வருகிறது.