அடியோடு விரட்டப்பட்ட கரோனா! நாமக்கல், கோவை மக்கள் உற்சாகம்!

சீனாவிலிருந்து பறந்து வந்து, இந்தியாவில் முதல் முதலாக கேரளா மாநிலத்தில் கால் பதித்து அப்படியே நாடு முழுக்க நடை போட்டுவிட்ட இந்த வைரஸ், தமிழகத்தையும் கெட்டியாக பிடித்துக் கொண்டது. எல்லா மாவட்டத்திற்குள்ளும் புகுந்த இந்த வைரஸ், சென்னை, காஞ்சிபுரம், விழுப்புரம் என சில மாவட்டங்களில் மட்டும் அதன் உக்கிரத்தை காட்டி வருகிறது.

ஆரம்பத்தில் வைரஸ் தொற்று அதிகமாகி அபாய சங்கு ஊதப்பட்டது கொங்கு மண்டலமான ஈரோட்டில்தான். இந்த ஈரோட்டில் வைரஸ் தொற்று வந்த வழியை கண்டுபிடித்து தொடக்கத்திலேயே அது பரவாமல் தடைகள் அமைத்து இரவு பகலாக பாடுபட்டனர் மாவட்ட உயர் அதிகாரிகள் முதல் கடைநிலை ஊழியர்கள் வரை அனைவரும். இதன் பயனாக இங்கு வைரஸ் தொற்று ஏற்பட்ட 70 நபரில் ஒருவர் இறப்பு தவிர, மீதி 69 பேரும் நலம் பெற்று வீடு திரும்பினார்கள். இந்த வைரஸ் தொற்று ஈரோட்டில் ஒழிக்கப்பட்டு இன்றோடு 29-வது நாட்கள் ஆகிவிட்டது.